რა ვაჩუქოთ საახალწლოდ ზოდიაქოს ნიშნებს
ზოდიაქოს ნიშნებისთვის საახალწლოდ საჩუქრების მიცემა არც ისე ადვილი საქმეა. მაგრამ ჩვენ გაგიადვილებთ საქმეს და გეტყვით, ვის რა მოეწონება. თუ ჩვენს რჩევას ყურადღებას მიაქცევთ, კონკრეტულ ადამიანს მოკრძალებული საახალწლო სუვენირით უფრო გაახარებთ, ვიდრე ძვირად ღირებული საჩუქრით, რომელიც ცოტა ხანში თაროზე მტვერს ბუდედ გადაიქცევა.
ვერძი
ვერძები ენერგიული და გაბედული, პირდაპირი და ამბიციურები არიან, დააფასებენ პრინტებიან მაისურებს, გაჯეტებსა და სპორტულ ინვენტარს. ისინი აღფრთოვანებული იქნებიან ნათელი სამკაულებით. საახალწლოდ მოგზაურობის მოყვარულებს აჩუქეთ: სალაშქრო აღჭურვილობა, ზურგჩანთა, თერმო კათხა და ა.შ.
კურო
ზოდიაქოს ეს ჯიუტი და შრომისმოყვარე წარმომადგენლები აფასებენ ყველაფერს, რაც სახლთან არის დაკავშირებული. თქვენ შეგიძლიათ დაასაჩუქროთ ისინი: სამზარეულოს ჭურჭლით; საბნებით; ქოთნის მცენარეებით; სახის კრემებითა და დივნის პატარა ბალიშებით. თუ თანხაზე შეზღუდვა არ გაქვთ, უპირატესობა მიენიჭეთ მცირე საყოფაცხოვრებო ტექნიკას.
ტყუპი
მიართვით ორიგინალური, მაგრამ საჭირო ნივთი: არომატული საათი ან მაღვიძარა, რომელიც ზარის გაშვებისას “აფრინდება“, დღიური ლამაზი ყდით, მანქანის აქსესუარები და იოგას ხალიჩა. კარგი არჩევანია სპორტული ტანსაცმელი, ფეხსაცმელი ან სამაჯური.
კირჩხიბი
მოაზროვნე და ემოციური კირჩხიბები აფასებენ სიმყუდროვეს და კომფორტს და ცდილობენ მეტი დრო გაატარონ სახლში. ისინი დააფასებენ ნივთებს, რომლებიც აუმჯობესებს ინტერიერს და ქმნის კომფორტს. ეს შეიძლება იყოს: თბილი საბანი, ჩაიდანი, რბილი ჩუსტები, ხალათი, მასაჟორი, სხვადასხვა გემოს თაფლი. თუ კირჩხიბს აგარაკი აქვს, შეგიძლიათ აჩუქოთ დასაკეცი მაგიდა სკამებით ან დასაკეცი თაროები საჭირო წვრილმანებისთვის.
ლომი
ამ ნიშნის წარმომადგენლებს უყვართ სხვებისგან გამორჩევა. მათ მოსაწონად, ყურადღება უნდა მიაქციოთ ორიგინალობას. საახალწლოდ შეგიძლიათ აჩუქოთ: ექსკლუზიური სამკაულები, ფლორარიუმი, ჭიქა წარწერით ან კალამი გრავირებით, გაჯეტები, აქსესუარები ცნობილი ბრენდებისგან.
ქალწული
ყველაზე წინ პრაქტიკულობა უნდა დააყენოთ, შემდეგ კი შეგიძლიათ აჩუქოთ ყველაფერი, რაც საახალწლოდ შესაფერისია ან მომავალში გამოადგებათ: კომპიუტერული ან საყოფაცხოვრებო ტექნიკა, ქვაბების ან ტაფების ნაკრები, საწოლის თეთრეული, პირსახოცები, ტანსაცმელი და ფეხსაცმელი.
სასწორი
სასწორს აქვს სილამაზის ძლიერი გრძნობა. კონცერტის, თეატრის ან გამოფენის ბილეთები მათ სიხარულს მოუტანს. კარგი საჩუქარია არომატული ნათურა, ჭკვიანი საათი, კრეატიულობის ნაკრები, ელიტური ალკოჰოლი, ჩაის, ყავის ან ტკბილეულის ნაკრები. ან სუნამო - მისი გემოვნების გათვალისწინებით.
მორიელი
თუ მორიელს საჩუქრით ვერ დააკმაყოფილებთ, მტრად გაგიხდებათ. საუკეთესო ვარიანტია ფული კონვერტში. ალტერნატივა: საბანი, დიდი პირსახოცი, უზარმაზარი შოკოლადის ფილა, დეკორატიული ბალიშები, ხალათი/ ჩუსტები, კანის მოვლის საშუალებები.
მშვილდოსანი
მათ არ შეუძლიათ მშვიდად ჯდომა და ყოველთვის მოძრაობაში არიან. აჩუქეთ: სამოგზაურო ნივთები, სპორტდარბაზის, პარაშუტით ხტომის ან ცეკვის მასტერკლასების სერტიფიკატები. აგრეთვე ასიამოვნებთ თუ მიართმევთ ელიტურ ალკოჰოლს, ძვირად ღირებულ ყველს, ექსკლუზიურ ტკბილეულს.
თხის რქა
მშვიდ და შინაურ თხის რქებს უყვართ პრაქტიკული, მაგრამ ლამაზი ნივთები. მიართვით: აბაზანის კომპლექტი, გაჯეტები, ნივთები სახლისთვის, რბილი შარფი.
მერწყული
ყველაზე მეტად აფასებენ შემოქმედებით მიდგომას. შეგიძლიათ აჩუქოთ: პორტატიული ბლენდერი, პატარა ჩანთები, სტრესის საწინააღმდეგო ნათურა, სახლის ამინდის სადგური, ბუნებრივი კოსმეტიკა, სუნამო ან ხელნაკეთი საპონი.
თევზები
დახვეწილი და მგრძნობიარე ბუნების თევზები აღფრთოვანდებიან: რბილი ნივთები - მაისურები, ბალიშები, ზამთრის შარფები და ხელთათმანები; რაღაც, რაც დაძინებაში დაეხმარებათ: არომატული ნათურები, ვარსკვლავური ცის პროექტორი; კედლის ბუხარი. ამასთან, თევზები კუროსა და თხის რქაზე ნაკლებად არ აფასებენ კომფორტს სახლში.