მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა სახიფათო ტენდენციებს უკავშირდება მარსი-ურანის შეერთება?! - რამაზ გიგაურის ასტროლოგიური პროგნოზი
22:13 / 07-07-2024
მოქმედების პერიოდი: 7-24 ივლისი
პიკი: 15 ივლისი
შეიძლება ითქვას, რომ ივლისი - 2024 წლის ერთ-ერთი ყველაზე სახიფათო თვე იქნება. ეს უკავშირდება მარსისა და ურანის შეერთებას, რომელიც იმოქმედებს 7-24 ივლისის შუალედში (პიკს 15 ივლისს მიაღწევს). ამ შეერთების დროს მარსიც და ურანიც თავის მხრივ შეერთებაში იქნებიან ე.წ. უძრავ ვარსკვლავთან - ალგოლთან (კუროს ზოდიაქოში).
მარსი - ასტროლოგიაში ენერგიის, სამხედრო საქმისა და ომის პლანეტაა, ხოლო ურანი - ეს არის მოულოდნელი ცვლილება და ქაოსი. რაც შეეხება ალგოლს - ის კლასიკურ ასტროლოგიაში ძალიან ნეგატიურ, შეიძლება ითქვას, რომ დამანგრეველი ენერგიის ვარსკვლავად ითვლება. აქედან გამომდინარე, ივლისში იმის ალბათობა, რომ მსოფლიოში არსებული პოლიტიკური სიტუაცია კიდევ უფრო გართულდეს და დამძიმდეს ერთი-ორად მოიმატებს.
გლობალურ დონეზე:
ეს ასტროლოგიური კონფიგურაცია უკავშირდება შემდეგ სიტყვა-გასაღებებს:
* ტრანსპორტი,
* ცეცხლსასროლი იარაღი,
* პოლიცია,
* ცეცხლი,
* ხანძარი,
* არმია,
* ომი,
* ელექტრობა,
* ავარია,
* აგრესია,
* აფეთქება;
* ფინანსები,
* ბანკი.
7-24 ივლისის შუალედში მოვლენები შესაძლოა განვითარდეს ძალიან სწრაფად, დინამიკურად და დაძაბულად. მოიმატებს კონფლიქტის, ხიფათის, ტექნიკური ავარიების, ტერორისტული აქტების და შეიარაღებული დაპირისპირების ალბათობა. ამ პერიოდში მოსალოდნელია მსოფლიომ მიიღოს ახალი ომი ან ახალი შეიარაღებული ესკალაციაა. ცხადია, აქ ჩვენი ყურადღება ორი წერტილისკენ იქნება მიმართული:
1. უკრაინა-რუსეთის ომი, რომელიც კიდევ უფრო სასტიკ და სისხლისმღვრელი გახდება.
2. ისრაელი-"ჰეზბოლას" დაპირისპირება ლიბანის ტერიტორიაზე.
სწორედ აქ არის მოსალოდნელი მდგომარეობის კიდევ უფრო გართულება.
გარდა ამისა, არ არის სასურველი იმ ადგილებში ყოფნა, სადაც ძალიან ბევრი ხალხია.
ინდივიდუალურ დონეზე:
ეს პერიოდი შედარებით სახიფათო იქნება 14-16 თებერვლის, 15-17 მაისის, 17-19 აგვისტოს და 17-19 ნოემბრის შუალედში დაბადებული ადამიანებისთვის. მათ მართებთ წინდახედულობისა და სიფრთხილის გამოჩენა.
ასევე ყურადღება მართებთ იმ ადამიანებს, ვისაც პირადი ჰოროსკოპში, კუროს 27-ე გრადუსში ასცენდენტი, მთვარე ან რომელიმე პლანეტა აქვთ განთავსებული. ამ ადამიანებმა არ უნდა გარისკონ და საკუთარ ჯანმრთელობას უნდა გაუფრთხილდნენ.
ასტროლოგი რამაზ გიგაური
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
