რა გველოდება კლებადი მთვარის დროს, ჩაინიშნეთ მნიშვნელოვანი თარიღები

31 ოქტომბრამდე მთვარე იკლებს და პირველ ნოემბერს ახალმთვარეობა გველოდება მორიელის ნიშანში, რისთვისაც განსაკუთრებით უნდა მოვემზადოთ. კლებადი მთვარე დროს საჭიროა არასაჭირო ნივთებისა და კავშირებისგან გათავისუფლება, პროექტების დასრულება, დასუფთავება და ახალი მთვარის ციკლისთვის მომზადება:

საუკეთესო დროა უძრავი ქონების ან მანქანის ან სხვა ნივთების გასაყიდად, რომელთაგან სწრაფად მოშორება გსურთ. მაგრამ ეს დღეები არ არის შესაფერისი ახალი ბიზნესის დასაწყებად, ემიგრაციაში წასასვლელად, ქორწინებისთვის, პროფესიული საქმიანობის და ახალი პროცესების დასაწყებად.

24-31 ოქტომბერი: მეოთხე მეოთხედი

მთვარის მეოთხე მეოთხედი იწყება დაძაბული ასპექტით (კვადრატით) მზესა და მთვარეს შორის. შესაბამისად, სოციალურ-ფსიქოლოგიური კლიმატი საკმაოდ რთულია. მაგრამ, ამავე დროს, იდენტიფიცირებულია ყველა პრობლემური სფერო და დაშვებული შეცდომა.

მთვარე ამ პერიოდში მოძრაობს ლომის, ქალწულისა და სასწორის ნიშნებში. ამ დღეებში ავარიების, დაშავებულებისა და კონფლიქტების რიცხვი იზრდება. ჯანმრთელობის მდგომარეობა დიდ ყურადღებას მოითხოვს. ასევე აუცილებელია ცხოვრების ტემპის შენელება, საკუთარ თავზე ზრუნვა და იმის გაშვება, რაც აღარ არის აქტუალური. კარგი დროა საგნების სიღრმისეულად გასაცნობად და განვითარების სულიერ გზაზე დასადგომად.

ამასთან, 24-31 ოქტომბრის დღეები შეიძლება სასარგებლო იყოს: გაწმენდა ყველა გაგებით, დეტოქსი, როგორც ფიზიკური, ასევე ემოციური. გამოსამშვიდობებელი რიტუალების ჩატარება, შინაგანი პროცესების ჰარმონიზაცია და თვითგანვითარება. ეს პერიოდი ასევე შესაფერისია ქირურგიული ჩარევებისთვის და სერიოზული სამედიცინო პროცედურებისთვის, რაც მოცილებას ემსახურება. მნიშვნელოვანია ყურადღება მიაქციოთ თქვენს ემოციებს, რადგან მთვარე ახალმთვარეობამდეა მისული და ამან შეიძლება გამოიწვიოს ზედმეტი ემოციურობა, მელანქოლიურობა. თუმცა, სწორედ ეს მდგომარეობა გულისხმობს პირადი სურვილებისა და მოთხოვნილებების ღრმა გააზრებას, ჭეშმარიტი საჭიროებების გაცნობიერებას.

დაე, ეს პერიოდი გახდეს გათავისუფლების დრო ყველაფერი იმისგან, რაც ხელს გიშლით წინსვლაში!