რა გელოდებათ და როგორ უნდა მოიქცეთ მომდევნო 2 კვირის განმავლობაში, სავსემთვარეობის ასტროლოგიური პროგნოზი ზოდიაქოს ყველა ნიშნისთვის

17 ოქტომბერს 15:26-ზე სავსემთვარეობა გველოდება ვერძის ზოდიაქოში. ამ ასტროლოგიური მოვლენის შესახებ ვრცელი სტატია მოგიმზადეთ და შეგიძლიათ გაეცნოთ ახლა კი წაიკითხეთ სავსემთვარეობის ასტროლოგიური პროგნოზი თქვენი მზისა და ასცენდენტის ნიშნების მიხედვით:

ვერძი

დროა გათავისუფლდეთ ყოველგვარი შიშის ან ეჭვისგან, გამოავლინოთ თქვენი ინდივიდუალობა და დაიწყოთ ბრწყინვალება. კარგი დროა საკუთარი თავის მოვლისთვის. შეიძლება გაგიჩნდეთ სურვილი განაახლოთ გარდერობი, შეცვალოთ ვარცხნილობა. ემოციები შეიძლება გაიზარდოს. სტაბილურობის შესანარჩუნებლად მნიშვნელოვანია ემოციური მდგომარეობის დაბალანსება და საკუთარ თავზე ზრუნვა. ჩაერთეთ ისეთ აქტივობაში, რაც სიხარულს მოგანიჭებთ, კრეატიულობას გამოავლენთ ან დაგეხმარებათ ენერგიის პოზიტიურად გამოყენებაში. მნიშვნელოვანია საყვარელ ადამიანებთან ღიად და გულწრფელად კომუნიკაცია.

კურო

დააკვირდით სიზმრებს, თქვენი ინტუიცია გაძლიერდება. გახდებით უფრო მგრძნობიარე და პასუხისმგებელი სხვების საჭიროებებზე. მნიშვნელოვანია ჯანსაღი საზღვრების დადგენა, უარყოფითი ენერგიისგან შორს ყოფნა. შეიძლება გააქტიურდნენ ფარული მტრები. უნდა გათავისუფლდეთ ძველი ემოციური ბარგისგან. კარგი იქნება საკუთარ თავში ჩაღრმავება, მაგრამ საჭიროების შემთხვევაში, მიმართეთ სანდო მეგობრებს ან ფსიქოლოგს.

ტყუპი

მეტი ყურადღება მიაქციეთ თქვენს სოციალურ კავშირებს, მეგობრობასა და სურვილებს. მოგინდებათ იბრძოლოთ თვითრეალიზაციისთვის თანამშრომლობისა და სოცქსელის მეშვეობით. თქვენი სოციალური ცხოვრება შეიძლება გახდეს უფრო აქტიური, თანამოაზრეებთან შეკრების ან ჯგუფურ აქტივობებში მონაწილეობის შესაძლებლობით. მეგობრებს შეუძლიათ მნიშვნელოვანი როლი შეასრულონ თქვენი მიზნების მიღწევაში. დაფიქრდებით გრძელვადიან მიზნებზე და შეაფასებთ, შეესაბამება თუ არა ისინი თქვენს ნამდვილ მეს და შეესაბამება თუ არა სხვებთან საერთო მიზნები თქვენს პირად ღირებულებებსა და მისწრაფებებს. შეიძლება აღმოჩნდეთ ყურადღების ცენტრში.

კირჩხიბი

მეტად გაერკვევით თქვენს პროფესიულ ცხოვრებაში: რა გინდათ დაწინაურება, სამსახურიდან წასვლა, თუ პენსიაზე გასვლა? დროა შეაფასოთ, შეესაბამება თუ არა თქვენი კარიერა თქვენს გრძელვადიან მიზნებსა და ღირებულებებს. თუ არსებობს შეუსაბამობები? თქვენმა ქმედებებმა და გადაწყვეტილებებმა შეიძლება მეტი ყურადღება მიიპყროს, მნიშვნელოვანია საზოგადოებაში პოზიტიური იმიჯის შენარჩუნება. დროა შეაფასოთ თქვენი ურთიერთობა ავტორიტეტებთან, კოლეგებთან ან ქვეშევრდომებთან. იბრძოლეთ სამართლიანობისა და თანამშრომლობისთვის, რადგან ნებისმიერი კონფლიქტი ან ძალაუფლების ბრძოლა შეიძლება ზედაპირზე გამოვიდეს. დაბოლოს, გამოიყენეთ ეს დრო გრძელვადიანი კარიერული მიზნების დასასახად და მათი მიღწევის მკაფიო გეგმის შესაქმნელად.

ლომი

შეიძლება გაგიჩნდეთ ცხოვრებისეული აზრისა და გაგების ძიების სურვილი. შესაძლოა თქვენი მსოფლმხედველობა და ფილოსოფიური შეხედულებები გამოვიდეს წინა პლანზე და ეჭვქვეშ დააყენოთ თქვენი მიმდინარე გზა უფრო ღრმა მიზნის ძიებაში. კარგი დროა კურსებზე ჩარიცხვისთვის, სემინარებზე დასასწრებად ან მოგზაურობის დროს სხვა კულტურების შესასწავლად. შეიძლება გაგიჩნდეთ სურვილი, გააფართოოთ თქვენი ჰორიზონტი და გახსნათ ახალი პერსპექტივები. იფიქრეთ იმაზე, რომ დაიწყოთ სტატიების, შენიშვნების წერა. შეიძლება მოხდეს ზედმეტად გატაცება ფილოსოფიით, რწმენით. იყავით ღია და მიმღები სხვადასხვა თვალსაზრისის მიმართ, რადგან ეს საშუალებას მოგცემთ გაიზარდოთ ინტელექტუალურად და სულიერად.

ქალწული

გააქტიურდება ფინანსებისა და პარტნიორობის თემა. შეიძლება იფიქროთ საერთო ფინანსებთან, ვალებთან ან მემკვიდრეობასთან დაკავშირებულ თემებზე. შეიძლება მოხდეს მნიშვნელოვანი გარდაქმნები. ეს კარგი დროა პარტნიორთან ღია კომუნიკაციისთვის, გადაუჭრელი საკითხების მოსაგვარებლად და ნდობის გრძნობის გასამყარებლად. გააქტიურდება თქვენი სექსუალურობისა და სენსუალურობის საკითხები. ტრანსფორმაცია არის მთავარი თემა ამიტომ შეიძლება გამონათდეს თქვენი ცხოვრების ის სფეროები, რომლებიც საჭიროებენ ცვლილებას და ზრდას. დროა განთავისუფლდეთ ძველი სტერეოტიპებისგან.

სასწორი

გააქტიურდება რომანტიკული პარტნიორობის, საქმიანი ალიანსის, მეგობრობისა და ნებისმიერი მნიშვნელოვანი ურთიერთობის საკითხი. იქნება ინტენსიური ურთიერთქმედება და ამ კავშირებში ჰარმონიისა და წონასწორობის გაზრდის საჭიროება. აუცილებელია კომპრომისი და თანამშრომლობა; უნდა მოუსმინოთ სხვების საჭიროებებსა და შეხედულებებს. კარგი დროა მოლაპარაკებებისთვის, კონფლიქტების მოგვარებისთვის და საერთო ენის მოსაძებნად. შეაფასეთ თქვენი პირადი საზღვრები ურთიერთობებში: საკუთარ თავს უფლებას აძლევთ პატივისცემით და ღირსებით მოგექცნენ? ინარჩუნებთ თქვენს ინდივიდუალობას? დაფიქრდით ამ კითხვებზე და შეიტანეთ ნებისმიერი კორექტირება, რათა შექმნათ უფრო ჯანსაღი, უფრო წარმატებული პარტნიორობა.

მორიელი

ყურადღება მიაქციეთ სამუშაოს, ჯანმრთელობას და სხვების მომსახურებას. მეტი დრო დაუთმეთ ურთიერთობას კოლეგებთან ან თანამშრომლებთან. შეაფასეთ პირადი სამუშაო, პროდუქტიულობა და საერთო კეთილდღეობა სამსახურში. ჯანმრთელობა ასევე მნიშვნელოვანია. ყურადღება მიაქციეთ თქვენს ფიზიკურ კეთილდღეობას, კარგი დროა პრობლემების გადასაჭრელად. ფოკუსირება მოახდინეთ საკუთარი თავის მოვლაზე, სწორ კვებაზე და ვარჯიშზე, ასევე ნებისმიერ აუცილებელ სამედიცინო გამოკვლევასა და მკურნალობაზე. იფიქრეთ გარშემო მყოფთა კეთილდღეობაზეც. ჩაერთეთ საქველმოქმედო საქმიანობაში.

მშვილდოსანი

სიამოვნებისა და სიხარულისკენ იქნებით მიდრეკილი. რომანტიკამ შესაძლოა ცენტრალური ადგილი დაიკავოს თქვენს ცხოვრებაში. არსებული ურთიერთობები შეიძლება გახდეს უფრო ვნებიანი და ინტიმური; მარტოხელებს შეიძლება გქონდეთ ძლიერი სურვილი, დაუკავშიროთ ბედი განსაკუთრებულ ადამიანს. ბავშვებსაც უნდა მიაქციოთ ყურადღება. შეიძლება იგრძნოთ უფრო მჭიდრო კავშირი შვილებთან, ერთად გატარებული დრო უფრო ნაყოფიერი და დასამახსოვრებელი გახდება. კარგი დროა თქვენი შვილის უნიკალური თვისებების განვითარებისა და თვითგამოხატვის წახალისებისთვის.

თხის რქა

გაამახვილეთ ყურადღება სახლთან და ოჯახთან დაკავშირებულ საკითხებზე. შეიძლება გაგიჩნდეთ სურვილი, გაატაროთ დრო საყვარელ ადამიანებთან, ეძებოთ კომფორტი და ემოციური მხარდაჭერა. ეს კარგი შესაძლებლობაა ოჯახური კავშირების გასამყარებლად და სახლში კომფორტის შესაქმნელად. ბინაში ცვლილებებისთვის: ტექნიკის, ავეჯის შეძენიდან დაწყებული რემონტით დამთავრებული. არ არის გამორიცხული, ვინმე დაბრუნდეს სახლში, ან შეხვდეთ ახლობლებს, რომლებიც დიდი ხანია არ გინახავთ.

მერწყული

თქვენს სიტყვებს დიდი მნიშვნელობა აქვს, ამიტომ ყურადღება მიაქციეთ, თუ როგორ საუბრობთ. შეგიძლიათ მიაღწიოთ წარმატებას საჯარო გამოსვლებში, სწავლასა და ლიტერატურულ შემოქმედებაში. შეიძლება გაძლიერდეს თქვენი ცნობისმოყვარეობა, დაიწყოთ სხვადასხვა საგნის შესწავლა ან ჩაერთოთ ინტელექტუალურ საქმიანობაში. თუ ფიქრობთ ახალი ჰობის დაუფლებაზე ან ახალი უნარების სწავლაზე, ეს კარგი დროა დასაწყებად. აგრეთვე შესანიშნავი დროა მეზობლებთან, და-ძმებთან ან ნაცნობებთან კომუნიკაციის ან თანამშრომლობისთვის. თუმცა, ფრთხილად იყავით პოტენციური კონფლიქტების მიმართ.

თევზები

კარგი დროა ბიუჯეტის გადახედვისთვის, შემოსავლებისა და ხარჯების დასაბალანსებლად და ახალი ფინანსური სტრატეგიის ჩამოსაყალიბებლად. ვიღაც დაასრულებს სესხის გასტუმრებას, ვიღაცას ხელფასს მოუმატებენ. გირჩევთ გადადოთ შესყიდვები და ჩართოთ დაზოგვის რეჟიმი. შესაძლოა დიდი თანხა დახარჯოთ უხარისხო ან არასაჭირო ნივთზე, რომელიც სწრაფად გამოვა მწყობრიდან. სავსემთვარეობის დროს სასარგებლოა იფიქროთ თქვენს პრიორიტეტებზე, იმაზე, თუ რა არის თქვენთვის ნამდვილად მნიშვნელოვანი. შესაძლოა, თქვენს ფინანსურ ხარჯებს არ მოაქვს კმაყოფილება და მოგინდებათ შეცვალოთ თქვენი განვითარების ვექტორი და მეტი დრო დაუთმოთ სხვა აქტივობებს. ზოგიერთი პირიქით, მეტად იზრუნებთ ოჯახის კომფორტზე და ფინანსურ უსაფრთხოებაზე.