რა ელოდებათ ხვალიდან ერთ თვეს ზოდიაქოს ნიშნებს და რა უნდა გაითვალისწინონ მათ

ხვალ გვექ­ნე­ბა ახალმთვა­რე­ო­ბა ვერ­ძის მე­ხუ­თე გრა­დუს­ში. მთვა­რის პირ­ვე­ლი დღე და­ი­წყე­ბა 24 მარტს 13:28 სა­ათ­ზე და გას­ტანს 25 მარ­ტის 8:16-მდე. ვნახოთ, რა ელის თითოეულ ზოდიაქოს ნიშანს მთვარის ამ თვეში:

ვერძი

თქვენი მმართველი პლანეტა მარსი შეერთებაში იქნება იუპიტერთან (ეს არის დიდი შესაძლებლობები) და პლუტონთან (ძალა). ამიტომ, დაფიქრდით, სად გსურთ მიმართოთ თქვენი ენერგია. აქტიურად იმოქმედეთ თქვენთვის ახალ საქმიანობაში. აკონტროლეთ აგრესია, სიფიცხე. მეტად გამოავლინეთ ლიდერის თვისებები, მაგრამ არა ცუდ საქმეებში. გამონახეთ დრო სტილისა და იმიჯის შესაცვლელად.

კურო

ჩამოყალიბდით, რა არის თქვენთვის მნიშვნელოვანი, რა განიჭებთ სულიერ სიმშვიდეს. უმჯობესია, ეს მთვარის თვე დასვენებას, შინაგანი ძალების აღდგენას დაუთმოთ. მეტად განმარტოვდით. შეგიძლიათ გამოიჩინოთ ქვემოქმედება. ზოგიერთი ახალ შემოქმედებით იდეებს განახორციელებს. თუ შორს ხართ ხელსაქმისგან, ვირტუალურად დატკბით მუზეუმების, სილამაზეების თვალიერებით.

ტყუპი

ჩამოწერეთ სამომავლო გეგმები - როგორ ხედავთ თქვენს თავს მომავალში. გახშირდება ონლაინ კონტაქტები, ზოგიერთი ახალ თანამოაზრეებს გაიჩენს, ახალ ტექნოლოგიებს აითვისებს. შეიძლება დაინტერესდეთ ასტროლოგიითაც. კარგია ახალი ცოდნის მიღება თანამედროვე სტილით (ონლაინ). თუ გაქვთ იდეა, რომელსაც სოციალური ქსელებით განახორციელებთ, გააქტიურდით.

კირჩხიბი

მეოჯახე კირჩხიბებს ვურჩევთ, ჩამოწერონ სამომავლო გეგმები, პროფესიულ სფეროში. შანსი მოგეცემათ, რომ დაწინაურდეთ ან თქვენი ბრენდი დააფუძნოთ, თუ უკვე გაქვთ ასეთი, მის პოპულარიზაციაზე იზრუნეთ. თქვენ ემოციურად კარგად გრძნობთ გარშემო არსებულ სიტუაციას. ეცადეთ, მეტად ენდოთ ინტუიციას, იყოთ ჰარმონიული და მიზანიმართული პროფესიულ წარმატებაზე. სასურველია, მხოლოდ ერთი კი არა, რამდენიმე კარგად ჩამოყალიბებული გეგმა გქონდეთ.

ლომი

მშვიდად შეხვდით აკრძალვებსა და ნებართვებს. ყველაფერი თქვენს სასიკეთოთ კეთდება და ნუ გაჯიუტდებით. კარგი თვეა თვალსაწიერის გასაფართოებლად, სულიერი ზრდისთვის. გამონახეთ საკუთარ თავში ახალი რესურსები და ძალები, რათა სიახლეებს მარტივად აუღოთ ალღო და გაფართოვდეთ, განვითარდეთ. იყავით აქტიური, თუ მოინდომებთ, მარტივად მოაგვარებთ უმაღლეს სასწავლებელთან დაკავშირებულ საკითხებს, იურიდიულ თემებს, საიმიგრაციო საკითხებს. თავადაც გაგიკვირდებათ, როცა დაინახავთ, რომ ონლაინაც შეიძლება ყველაფრის მოგვარება, ინფორმაციების მიღება, სწავლა და ა.შ.

ქალწული

დაკვირვებას ითხოვს ფინანსური საკითხები. განსაკუთრებით, თუ სხვის თანხებს განაგებთ. აგრეთვე, მემკვიდრეობა, დაზღვევა და კრედიტები. იყავით დაკვირვებული ფულის დაბანადების, ინვესტიციის დროს. ნუ შეუშინდებით კრიზისსა და შეფერხებას, თქვენ საკმარისი გონიერება და ძალა გაქვთ, რომ ლავირება მოახდინოთ რთულ სიტუაციაში და გამარჯვებული გამოხვიდეთ რთული სიტუაციიდანაც კი.

სასწორი

ჰარმონიული კავშირი უნდა დაამყაროთ სასიყვარულო და საქმიან პარტნიორებთან. ეცადეთ, მოგებაზე იყოთ ორიენტირებული. კარგ შედეგს მოგიტანთ საქმიანობა, რომელიც კონსულტირებასთანაა კავშირში. აგრეთვე, კარგია საკუთარი თავის განვითარება და ახალი კლიენტების მოძიება. ზოგიერთი ხანგრძლივ და სარფიან საქმიან ხელშეკრულებებს გააფორმებს.

მორიელი

თქვენ ხართ ნიშანი, რომელიც კრიზისულ სიტუაციებში კარგად მოქმედებს, ავლენს ლიდერის თვისებებს და ექსტრემალური სიტუაციიდან თავადაც უვნებელი გამოდის და ხალხსაც გადაარჩენს. თქვენ საკმარისი ძალა გაქვთ და სწორედ ახლა უნდა გამოიყენოთ. მიაქციეთ ყურადღება ჯანმრთელობას, გათავისუფლდით მავნე ჩვევებისგან, არაფრისმომცემი ვალდებულებებისგან. ეცადეთ, მუშაობაში მეტად გამოიყენოთ თანამედროვე ტექნოლოგიები და ინსტრუმენტები.

მშვილდოსანი

შემოქმედებითი მთვარის თვე დაგიდგათ. უამრავი იდეის განხორციელებას შეძლებთ. მიაქციეთ ყურადღება თქვენს საყვარელ ადამიანებს. განსაკუთრებით, ბავშვებს. თავადაც უნდა იყოთ ბავშვი, იმხიარულეთ მათთან ერთად. შინ შეგიძლიათ საოჯახო თეატრიც კი მოაწყოთ. კარანტინის გათვალისწინებით, მოაწყვეთ ვირტუალური წვეულებები. ყურადღებას ითხოვს თქვენი რომანტიკული კავშირი. შეგიძლიათ მეორე რომანტიკული თვე მოიწყოთ. მარტოხელებს კი ვირტუალური რომანტიკული ნაცნობობა ელით.

თხის რქა

მეტი დრო დაუთმეთ ოჯახურ საქმეებს. გააუმჯობესეთ დამოკიდებულება ნათესავებთან. მოაგვარეთ უძრავ ქონებასთან დაკავშირებული საკითხები. გამონახეთ დრო დასვენებისთვის. გაერიდეთ სამსახურის საქმეებს და ცოტა მეტი იფიქრეთ ოჯახურ სიმყუდროვეზე. მეტი დრო გაატარეთ დედის გვერდით.

მერწყული

ვირტუალური ურთიერთობები გახშირდება. ეს შეიძლება იყოს საქმეების წარმოებაც და ახალი ინფორმაციების, ცოდნის მიღებაც. არ გაგიკვირდეთ, თუ დღეში უამრავ ადამიანთან მოგიწევთ კონტაქტი. ეცადეთ, გააქტიურდეთ საკუთარი საქმიანობის წინ წაწევისთვის. გაუკეთეთ თქვენს საქმიანობას რეკლამა, გააპიარეთ საკუთარი თავი, თქვენი ცოდნა. კარგი თვეა ახალი კლიენტების მოსაზიდად.

თევზები

ამ მთვარის თვეში თქვენი მთავარი მიზანი არის მატერიალური მდგომარეობის გაუმჯობესება; დამატებითი შემოსავლის წყაროს მოძიება. გამონახეთ ახალი გზები, დაიპყარით ახალი ჰორიზონტები. პირველ რიგში დაფიქრდით, რითი შეიძლება იყოთ სასარგებლო გარშემო მყოფებისთვის და რა სარგებელი შეგიძლიათ მიიღოთ ხალხისგან. თუ იცით, რომ ღირებული ადამიანი (კადრი, სპეციალისტი) ხართ, დააფასეთ საკუთარი თავი და ფასიც აიმაღლეთ. თქვენ შეგიძლიათ დაიწყოთ საქმიანობა, რომელიც ერთჯერადად კი არა, უწყვეტადად მოგიტანთ მატერიალურ კეთილდღეობას. ზოგიერთმა შეიძლება ფულის დაბანდება გადაწყვიტოს, სწორედ იმ სფეროში, რაც მერე ფასში მოიმატებს. შეიძლება ისეთი ნივთები შეიძინოთ, რაც მომავალში კომფორტსა და ჰარმონიას შეგიქმნით და, რაც მთავარია, შეიყვარეთ საკუთარი თავი, სულ სხვებზე ნუ ხართ გადაყოლილი.