რა ელით სხვადასხვა წელში დაბადებულ კუროებს - 2020 წლის აღმოსავლური ჰოროსკოპი

კურო - ხარი

ნუ განმარტოვდებით. ეცადეთ, ყოველთვის საქმის კურსში და მოვლენების ცენტრში იყოთ. მოიწესრიგეთ სამსახურის საქმეები, პირადი ცხოვრება, ფინანსური მდგომარეობა. წვრილმანების გამო არ ღირს ახლობლებთან კამათი და დამოკიდებულების გაფუჭება. აგრეთვე, იმ ადამიანთან, ვინც გიყვართ. ეცადეთ, ჰარმონიული გრძნობები შეინარჩუნოთ. შვებულების დროს საყოფაცხოვრებო პრობლემების მოგვარება მოგიწევთ. მოერიდეთ შორ მანძილზე მოგზაურობას. ყველა საკითხი კი დროულად მოაწესრიგეთ.

კურო - ვირთხა

სიმშვიდითა და მოთმინებით აღიჭურვეთ. საჭირბოროტო საკითხების მოგვარების წელი დაგიდგათ. მაგრამ ნუ დადარდიანდებით, წლის ბოლოს მიხვდებით, რომ ყველა საკითხი იდეალურად გაქვთ მოგვარებული. იყავით მეტად თავდაჯერებული. ეს ეხება საქმიან კურო-ვირთხებსაც და მეოჯახეებსაც. ფორტუნა შემოქმედებითი ადამიანების მხარესაა. ფული ზომიერად უნდა ხარჯოთ.

კურო - ვეფხვი

ნუ გექნებათ დიდი მოლოდინი. აგრეთვე, ნუ ელოდებით, რომ ვიღაც ბროლის კოშკს აგიგებთ. შეიძლება ტყუილებისა და ილუზიების ლაბირინთში დაიკარგოთ. იყავით მეტად სტაბილური. არავის მისცეთ უფლება, რომ დაგცინონ, მეტი დრო დაუთმეთ ჯანმრთელობას, პირად ბედნიერებას. გამონახეთ დრო ჰობისთვის. ხშირად ისეირნეთ ქალაქგარეთ. დაქორწინებული საზღვარგარეთ გადაწყვეტენ საცხოვრებლად გადასვლას.

კურო - დრაკონი

კარგი წელია სწავლისთვის, თქვენს პროფესიაში დასაოსტატებლად. თუ კონკრეტული მიზნის მიღწევა გსურთ, ნუ იყურებით წარსულში. ისწავლეთ და განვითარდით. კარგი წელია ბიზნესის დასაწყებად ან გასავითარებად. პირად ურთიერთობაში მოერიდეთ ინტრიგებს. მეტად დიპლომატიური უნდა იყოთ უსიამოვნებების მოგვარებისას. მივლინება ბევრ დროსა და ენერგიას წაგართმევთ, მაგრამ შედეგსაც მოგიტანთ.

კურო - კატა/კურდღელი

გეგმაზომიერად უნდა იმოქმედოთ. რაც მნიშვნელოვანია ჯერ ის საქმეები გააკეთეთ. ეს საოჯახო სფეროსაც ეხება, სამსახურსაც და პირად ცხოვრებასაც. გაფრთხილდით, შეიძლება ახლობელმა ადამიანებმა ან იმ სფეროში მოგაყენონ დარტყმა, რომელშიც ყველაზე ნაკლებად ელით. ყურადღება დაუთმეთ ჯანმრთელობას. იოგის, ცურვისა და სპორტის გარეშე ენერგიული და მხნე ვერ იქნებით. გააუმჯობესეთ დამოკიდებულება ნათესავებთან.

კურო - გველი

ცხოვრებას გაგიუმჯობესებთ ადამიანი, რომელსაც გაზაფხულზე გაიცნობთ. რომანტიკულ განწყობას დეკემბრამდე შეინარჩუნებთ, მაგრამ სამსახურებრივ ვალდებულებას მაინც ნუ დაივიწყებთ. უამრავი საქმის შესრულება მოგიწევთ, მატერიალური მდგომარეობა რომ გაიუმჯობესოთ. მოერიდეთ სარისკო და ავანტიურულ საქმიანობას. სიფრთხილე გმართებთ გზავრობისას და აქტიური სპორტისას. მოიმატებს ტრავმულობა და საავადმყოფოში მოხვედრის რისკი.

კურო - თხა/ცხვარი

სამსახურის საქმეები დიდ ყურადღებას ითხოვს და შეიძლება უქმეების დროსაც კი მოგიწიოთ მუშაობამ. ეცადეთ, არ გაგექცეთ თვალთხედვიდან სიყვარული, რომანტიკა. სამუშაო გრაფიკი ისე შეადგინეთ, რომ მარტოობა აირიდოთ. ფული საკმარისად გექნებათ. თავს უფლებას მისცემთ, შეიძინოთ ყველაფერი, ბინაც კი, თუ მოგესურვებათ და იმოგზაუროთ.

კურო - ცხენი

ემოციური წელი დაგიდგათ და ეცადეთ, ისე იმოქმედოთ, რომ უნაგირიდან არ ჩამოვარდეთ. ეს ეხება ნათესავებთან ურთიერთობასაც, არ უნდა გაიფუჭოთ მათთან დამოკიდებულება და პირად კავშირსაც. ისე იმოქმედეთ, რომ წარსულმა უსიამოვნებებმა ცხოვრება არ გაგიმწაროთ. იმისათვის, რომ მიიღოთ ის, რაზეც ოცნებობთ, უარი არ უნდა თქვათ იმაზე, რაც უკვე გაქვთ. ეს ცხოვრების კანონია და წლის მბრძანებელი, ვირთხა მას ხშირად შეგახსენებთ. და, რაც მთავარია, ჯანმრთელობასაც ნუ დაივიწყებთ.

კურო - მაიმუნი

წარმატებული წელი გელით კარიერის თვალსაზრისით. მაგრამ ვერ გეტყვით, რომ ყველაფერს უშრომველად ან მარტივად მიიღებთ. სიყვარული უამრავი სასიამოვნო მომენტით იქნება აღსავსე. ახალდაქორწინებულები შეიძლება მშობლები გახდნენ ან გაიგონ, რომ მალე გახდებიან. მატერიალური კეთილდღეობის მოსაპოვებლად გავლენიანი მეგობრის მხარდაჭერა დაგჭირდებათ. ეცადეთ, დახმარება იმათ სთხოვოთ, ვინც კადნიერებაში არ ჩაგითვლით. მოგზაურობა შემოდგომაზე დაგეგმეთ.

კურო - ღორი

ახალი პროექტები და სამსახურის საქმეები მთელ დროსა და ენერგიას წაგართმევენ. უამრავ პრობლემასთან დამოუკიდებლად მოგიწევთ გამკლავება. თუმცა, არ გირჩევთ პირადი გრძნობებისა და საკუთარი თავის დავიწყებას. ხშირად ესტუმრეთ სპა-სალონებს, დაკავდი სპორტით. განსაკუთრებით, თუ კონკრეტული ადამიანის გულის დაპყრობა გაქვთ გადაწყვეტილი. თუ ფულს არ გაფლანგავთ, ვალების აღება არ მოგიწევთ.

კურო - ძაღლი

თუ გსურთ, წლის ბოლოს მოწოდების სიმაღლეზე იყოთ - დაწინაურდეთ ან ბონუსები მიიღოთ, წლის დასაწყისში მეტად უნდა გააქტიურდეთ, მეტად გამოავლინეთ თქვენი ნიჭი და შესაძლებლობა. ფული გეყოფათ გარდერობის განახლებაზეც, ბინის კაპიტალურ რემონტზეც და ზღვისპირას დასვენებაზეც. მარტოხელებს რომანტიკული ნაცნობობა ელით და უკვე შემოდგომაზე დაქორწინებას გადაწყვეტენ. დაქორწინებულებს კი ვალების გასტუმრება და საყოფაცხოვრებო საკითხების მოგვარება ელით.

კურო - მამალი

წლის მმართველი დაგეხმარებათ, გადალახოთ ყველა წინააღმდეგობა და სურვილები აისრულოთ. იყავით კეთილგონიერი. ნუ მოცდებით ისეთ საქმეებზე, რაც გამარჯვებას ან ფულს არ მოგიტანთ. რაც უფრო მიზნამიმართული იქნებით პირადი ცხოვრების გაუმჯობესებაზე, მით უკეთესია, უფრო მყარ კავშირს შექმნით. გაუფრთხილდით ჯანმრთელობას. გაზაფხული გაცივებისა და ვირუსების შემოტევის სეზონია. გართულებების თავიდან ასაცილებლად მიმართეთ სპეციალიტს.