რა ჩავიცავთ 2020 წლის შესახვედრად - ვირთხის წელიწადის  ტრენდული ფერები, სამოსი და აქსესუარები

2020 წელი მეტალის თეთრი ვირთხის წელია. ამიტომ სამოსის შერჩევას განსაკუთრებული ყურადღებით უნდა მივუდგეთ. წლის აქტუალური ფერებია: თეთრი და რძისფერი . არ დაივიწყოთ მეტალის დეტალები . ექსპერიმენტები დასაშვებია. ჯერ ზოდიაქის ნიშნები განვიხილოთ და მერე აქსესუარებს მივუბრუნდეთ...

• ვერძი

იმპულსურმა და ქარიზმატულმა ვერძმა ახალი წლის შესახვედრად მაინც წითლის გამა უნდა აირჩიოს, მაგრამ აუცილებლად ბრჭყვიალა ელემენტებით ან მეტალის აქსესუარებით, ე.წ. ფარფლით. ექსეტრავაგანტული იმიჯით წარმატებასაც მიიზიდავთ და საწინააღმდეგო სქესის წარმომადგენელსაც.

• კურო

ინდივიდუალურობის წარმოსაჩენად ოქროსფერ, ყავისფერ და ოხრას ფერის სამოსს უნდა მიაქციოთ ყურადღება. ატლასის ქსოვილი კიდევ უფრო გამოკვეთს თქვენს სხეულს, დღესასწაულის იმიჯს ოქროს სამკაულები შეგიქმნიან.

• ტყუპი

ღია და ცივი ფერის სამოსში უნდა შეხვდეთ 2020 წლის შემობრძანებას. კარგია მარგალიტისფერი ან ფერფლისფერი ბრჭყვიალა ქსოვილები, რომლებსაც მეტალის აქსესუარებით დაამშვენებთ.

• კირჩხიბი

მოხერხებული თარგის სამოსი ჩაიცვით, გადაადაგილებაში ხელი რომ არ შეგეშალოთ. პასტელის ფერები იდეალური იქნება, ის თქვენს გრაციოზულობას გაუსვამს ხაზს. აქსესუარებიდან გამოიყენეთ ჯაჭვები და გულსაბნევები.

• ლომი

ვერცხლისფერი, მეტალისფერი, ბრჭყვიალა - ყველაფერი ლომის სტილშია. ასეთი სამოსით მუდამ ყურადღების ცენტრში იქნებით. ორქოსფერი სამკაული კი თქვენს მეფურობას გაუსვამს ხაზს.

• ქალწული

ელეგანტურობა და კლასიკა თქვენი სტილია. მშვიდი ფერის გრძელი კაბა, ფრაკი, კოსტიუმ-სამეული ჩაიცვით. ვირთხა სათანადოდ შეაფასებს თქვენს თავდაჭერილობას.

• სასწორი

ღია ფერის სამოსს მასიური სამკაული შეურჩიეთ. წარმატებას მოგიტანთ მარტივი, მაგრამ ელეგანტური ვარცხნილობა, რომელიც სახესაც გამოგიჩენთ და ყელსაც.

• მორიელი

ელეგანტური შავი ფერის სამოსი ვერცხლისფერი აქსესუარებით სათქვენოა. შეგიძლიათ გამჭვირვალე ქსოვილებიც გამოიყენოთ. ბრჭყვიალებითა და მეტალის ფარფლებით. ვერცხლის ჯაჭვები და მეტალის შესაკრავები იდეალურად დაასრულებს ნებისმიერ სამოსს.

• მშვილდოსანი

ვერცხლისფერი, ნაცრისფერ-ცისფერი, მეტალისფერი, რძისფერი - ასეთი ფერებში უნდა გამოეწყოთ 2020 წლის შესახვედრად. ბრჭყვიალა ან ვერცხლისფერი აქსესუარები არ დაგავიწყდეთ.

• თხის რქა

კომფორტისა და ელეგანტურობის მოყვარულ ნიშნებს სადა თარგის კაბა ან კოსტიუმი მოგიხდებათ. სასურველია, პრინტით გადატვირთული არ იყოს. წარმატების მისაზიდად ნატურალურული მინერალების სამკაულები გაიკეთე.

• მერწყული

მკვეთრი ფერის, ბრჭყვიალა სამოსი მოგიხდებათ. თუ თემატურ დღესასწაულზე აპირებთ დასწრებას გამოიყენეთ საკარნავალო ნიღაბი ან ვუალი. რომანტიკული იმიჯის შესაქმნელად პასტელის ფერები გამოიყენეთ.

• თევზები

თეთრ, რძისფერ სამოსზე შეაჩერეთ არჩევანი. იმიჯის ჰარმონიული დასრულება იქნება ბზინვარე თავსამკაულების დამაგრება ვარცხნილობაში. მაგალითად, ვერცხლისფერი სტრაზებით. მანდილოსნება აუცილებლად წაისვით ალისფერი პომადა.

***

ახლა კი, ორიოდე სიტყვით 2020 წლის მოდურ ტენდენციებსაც გადავხედოთ. ვირთხის წელი ადამიანისგან მეტ შრომასა და გარჯას მოითხოვს. ნუ გაგიკვირდებათ, თუ გაიგებთ, რომ მოდაში დახვეწილობასთან და ელეგანტურობასთან ერთად, სამუშაო სტილიც დამკვიდრდება. მივყვეთ თანმიმდევრობით.

• თავსაბურავი და ხელთათმანი

ზამთარში აუცილებლად დაიხურეთ ნაქსოვი ქუდი, ბერეტი, ე.წ. უშანკა ან ქუდი-ბინი ან მიკი მაუსის ქუდი. ფერები ვირთხის წლის შესაფერისი უნდა იყოს. თუ წლის მმართველის მიმართ აგრესია არ გაქვთ, ქუდზე დაიმაგრეთ წრუწუნას ბროში. გაზაფხულზე, შემოდგომასა და ზაფხულში უპირატესობა მიანიჭეთ შარფებს, აუცილებლად მეტალის ფერებში ან მეტალის ბროშით. მანდლოსნება კარგად შეუხამეთ ერთმანეთს აბრეშუმის ან ატლასის თავსაბურავი და ხელთათმანი.

ვირთხა არ გაპატიებთ, თუ გაცივდებით და საქმეებს ჩამოშორდებით. ამიტომ არ დაივიწყოთ შარფი და ხელთათმანი. ვირთხა აკურატული ცხოველია და ხელთათმანიც აკურატული უნდა გეკეთოთ. მატერია შეიძლება იყოს ნატი ან ტყავი, თუნდაც ქსოვილის, მაგრამ აუცილებლად ჯაჭვებით, მეტალით გაწყობილი. ე.წ. როკერული სტილის. თუ ასეთი არ მოგეპოვებათ, ხელთათმნის გასაფორმებლად მეტალის სამაჯურები, ჯაჭვები გამოიყენეთ.

• ჩანთა და ქამარი

მეტალის ფერის, ან მეტალით გაწყობილი. ისეთი, რომელშიც ყველაფერი აკურატულად გექნებათ ჩალაგებული. აღსანიშნავია, რომ წელს დიზაინერები გვთავაზობენ ყელზე ჩამოსაკიდ ჩანთებს. ვირთხას სურს, ის, რაც მისთვის ძვირფასია, ამ შემთხვევაში ფულს ვგულისხმობთ, გულთან ახლოს ჰქონდეს. კვლავაც აქტუალურია წელის ჩანთები, უპირატესობა, ბრჭყვიალა ქსოვილებისას მიანიჭეთ.

ქამარი, ვერცხლისფერი, მეტალის ბალთით ან ჯაჭვებით გაწყობილი უნდა იყოს. ქამარი ისეთი აქსესუარია, რომელმაც შეიძლება სამოსი ან გააუბრალოოს ან მეფური გახადოს. იმავეს თქმა შეგვიძლია ჰალსტუხზეც. კოვბოური იქნება თუ კლასიკური სწორად უნდა შეუხამოთ სამოსს.

• მძივები, სამაჯურები და საყურეები

მეტალის, ნატურალური ქვების, ჯაჭვები - ფართო არჩევანი გაქვთ. თუ მსხვილთვილიანი ბეჭდების გაკეთებას აპირებთ, ერთი აარჩიეთ, თუ წვრილისა და მეტალის, - რამდენიმე. იმავეს თქმა შეგვიძლია მძივებზე, ან ჯაჭვები ან ნატურალური ქვები. ჯაჭვები შეგიძლიათ გამოიყენოთ ყველგან, ფეხსაცმლის და ჩექმის გასაფორმებლადაც კი.