მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფრთხილად იყავით სიტყვებსა და ქმედებებში, ნუ მისცემთ კრიტიკის მიზეზს თქვენს არაკეთილსინდისიერებს ანუ ახალმთვარეობის ასტროლოგიური პროგნოზი ზოდიაქოს ყველა ნიშნისთვის
22:06 / 29-12-2024
31 დეკემბერს, თბილისის დროით 2:26 საათზე, 2024 წლის უკანასკნელი ახალმთვარეობა დადგება თხის რქის ნიშანში. ამ დღეს მზეც და მთვარეც ამ ნიშანში იქნება. ახალმთვარეობის ასტროლოგიური მოვლენების შესახებ დევს ვრცელი სტატია საიტზე და შეგიძლიათ გაეცნოთ. ახლა კი წაიკითხეთ ახალმთვარეობის ასტროლოგიური პროგნოზი თქვენი ზოდიაქოს ნიშნისთვის.
ვერძი
კარგია ახალი სტრატეგიის შემუშავება და თქვენი გეგმის დეტალების განხილვა. შესაძლოა თქვენს გუნდში ძლიერი კონკურენცია იგრძნოთ, რაც დამატებით ემოციურ ხარჯებს მოითხოვს. მოგიწევთ მეტი პასუხისმგებლობით მოეკიდოთ სამუშაო მოვალეობებს, გამოიჩინოთ დიპლომატიურობა კომუნიკაციაში და გაზარდოთ ავტორიტეტი კოლეგებსა და ბიზნესპარტნიორებში. ფრთხილად იყავით სიტყვებსა და ქმედებებში, ნუ მისცემთ კრიტიკის მიზეზს თქვენს არაკეთილსინდისიერებს.
კურო
შესაძლოა მნიშვნელოვანი რამ მოხდეს თქვენი ცხოვრების სამართლებრივ სფეროში; მოგიწევთ ადვოკატებთან ურთიერთობა, დოკუმენტების ხელმოწერა. მნიშვნელოვანი გახდება განათლების, სამართლისა და საზღვარგარეთ ვაჭრობის საკითხების მოგვარება. არ არის გამორიცხული, მოგიწიოთ საზღვარგარეთ გამგზავრებამ პირადი ან საქმიანი მიზნებისთვის. კონტაქტებს დაამყარებთ უცხოელებთან; მიიღებთ მათგან სარგებელს. თუმცა, აქვე უნდა გაგაფრთხილოთ, რომ თქვენი წამოწყების წარმატებით დასასრულებლად საჭიროა კარგი გეგმა და გააზრებული მოქმედებები.
ტყუპი
განსაკუთრებული ყურადღება მიაქციეთ ფინანსურ საკითხებს, გადაიხადეთ ვალები ან მოითხოვეთ დავალიანების, თანხის დაბრუნება. პარტნიორთან ერთად განიხილეთ ბიუჯეტი, იმუშავეთ მის განაწილებაზე, გაიგეთ სად მიდის ფული, ხარჯავთ თუ არა იმაზე მეტს, ვიდრე შეგიძლიათ. ამასთან, უნდა გაუმკლავდეთ თქვენს შიშებს და დაიწყოთ რაღაცის შეცვლა ცხოვრებაში. საშუალება მოგეცემათ გაუშვათ ძველი მიჯაჭვულობები ან ურთიერთობები, რომლებიც აღარ განიჭებთ სიამოვნებას. ხელსაყრელი დროა იოგას, მედიტაციისთვის; ფსიქოლოგთან, ასტროლოგთან ან სხვა ეზოტერიკოსთან კონსულტაციისთვის.
კირჩხიბი
თქვენი ყურადღება მიმართული იქნება ოჯახში ურთიერთობებზე, სამსახურში პიროვნული განვითარების საკითხებზე. მოგინდებათ გააანალიზოთ თქვენი კონტაქტები სხვებთან და გადალახოთ სირთულეები ან პრობლემები საყვარელ ადამიანებთან, ასეთის არსებობის შემთხვევაში. კარგი დროა ოჯახში კრიზისის მოსაგვარებლად, უთანხმოების მიზეზების გასარკვევად და ნდობის აღსადგენად. თუ ურთიერთობამ თავისი თავი ამოწურა, შეგიძლიათ დაასრულოთ ის ყველაზე მცირე ემოციური დანაკარგებით. შეიძლება შეხვდეთ საინტერესო ადამიანებს, რომლებიც გავლენას მოახდენენ ცხოვრების ბევრ მოვლენაზე. არის მომგებიანი კონტრაქტის გაფორმებისა და კანონიერი ქორწინების გაფორმების შანსი.
ლომი
მეტი დრო უნდა დაუთმოთ პროფესიულ ურთიერთობებს და თქვენს უშუალო სამუშაო პასუხისმგებლობებს. თქვენი ჩვეული ცხოვრების წესი შეიძლება შეიცვალოს. ეს ეხება როგორც საყოფაცხოვრებო საქმეებს, ასევე საქმიან კომუნიკაციებს. შეიძლება მოგიწიოთ კოლეგის შეცვლამ. ან გადაწყვეტთ იმუშაოთ სახლიდან, შეცვალოთ თქვენი ყოველდღიური რუტინა. კარგი იქნება უარი თქვათ მავნე ჩვევებზე, დაიწყოთ ჯანსაღი ცხოვრების წესი და ჩაეწეროთ სპორტულ კლუბში ან საცურაო აუზზე. რუტინის შეცვლა და განრიგის სხვაგვარად ორგანიზება ახლა უფრო ადვილი იქნება, ვიდრე სხვა დროს.
ქალწული
სასიამოვნო მოვლენებს ელოდეთ. ცვლილებები გავლენას მოახდენს თქვენს პირად თუ ოჯახურ ცხოვრებაზე. შეძლებთ გათავისუფლდეთ ემოციური ტვირთისგან, იმისგან, რაც დიდი ხანია გამძიმებთ. შეძლებთ ოჯახში ურთიერთგაგების დამყარებას, ძველი გაჭიანურებული კონფლიქტის მოგვარებას და კიდევ ერთხელ დატკბებით კომუნიკაციითა და ჰარმონიით, საყვარელ ადამიანთან. თუ თქვენმა კავშირმა თავისი თავი ამოწურა, შეგიძლიათ საბოლოო დაშლის გადაწყვეტილებამდე მიხვიდეთ. ნუ დადარდიანდებით, პლანეტების განლაგება იმგვარია, რომ მალევე შეხვდებით საინტერესო ადამიანს და ახალ ბედნიერ ურთიერთობას დაიწყებთ. ასევე დიდი შანსია კვლავ შეხვდეთ თქვენს ყოფილ პარტნიორს და განაახლოთ კავშირი. გაუმჯობესდება ბავშვებთან ურთიერთობა, თქვენი შვილის მიღწევა გაგახარებთ.
სასწორი
მოგიწევთ მშობლებთან, ნათესავებთან დაკავშირებული საკითხების მოგვარება და საყოფაცხოვრებო საქმეებში მჭიდროდ ჩართვა. კარგი დროა განახლებისთვის, გათავისუფლდით ნივთებისგან და აზრებისგან, რომლებიც გამძიმებთ და ხელს გიშლით წინსვლაში. შეგიძლიათ ბინიდან გაიტანოთ ძველი ნივთები; გააკეთოთ კოსმეტიკური რემონტი და შეიძინოთ ინტერიერის ახალი ნივთები. ასევე გადაჭრით უძრავი ქონების რეგისტრაციასთან დაკავშირებულ საკითხებს.
მორიელი
გახდებით აქტიური, კომუნიკაბელური და მოძრავი. შეძლებთ მნიშვნელოვანი ინფორმაციის სწრაფად ათვისებას და პრაქტიკული სარგებლის მოპოვებას დისკუსიებიდან და საქმიანი მოლაპარაკებებიდან. ჩამოწერეთ მომავალი წლის გეგმები, მიზნები და პრიორიტეტები. გამოიყენეთ დიპლომატიური უნარები სასარგებლო კავშირების დასამყარებლად და სწორ ადამიანებთან შესახვედრად. კარგი დროა იდეების გაცვლისა და ავტორიტეტული აზრის მოსასმენად. გამონახეთ დრო ცოდნის ან უნარების მოსაპოვებლად, დარეგისტრირდით ონლაინ კურსებზე, გააქტიურდით ინტერნეტში.
მშვილდოსანი
შესაფერისი დროა თქვენი ბიუჯეტის ოპტიმიზაციისთვის, გადახედეთ ბიუჯეტს, ფინანსები უფრო ეკონომიურად დახარჯეთ, როგორც პირადი, ასევე ოჯახური. შეიძლება გაგიჩნდეთ საინტერესო აზრები დამატებითი შემოსავლის მიღების, მატერიალური კეთილდღეობის გაზრდის შესახებ. განიხილეთ ყველა შეთავაზება, ესაუბრეთ პროფესიონალ ადამიანებს, ვინმე სასარგებლო რჩევას მოგცემთ. ზოგიერთი დადებთ მომგებიან გარიგებას, ვიღაც კი ახალ, მაღალანაზღაურებად სამუშაოს მიიღებთ. შეძლებთ ნათლად დაინახოთ სიტუაცია და თავი უფრო თავდაჯერებულად იგრძნოთ.
თხის რქა
გილოცავთ, ახალმთვარეობა თქვენ ნიშანშია. ეს არის ახლის დაწყების დრო. დაისახეთ მიზანი და გააქტიურდით მის განსახორციელებლად. გექნებათ ახალი სურვილები, დაიწყებთ ახალი გეგმების შედგენას. ამ დღეებში გაიხსნება თქვენი პროფესიული და პიროვნული განვითარების შესაძლებლობები. თქვენი ცხოვრების ყველა სფერო ტრანსფორმაციას განიცდის. ცვლილებები შეიძლება მოხდეს თქვენს პირად ცხოვრებაში, ინტერესების სფეროებში, ჰობიში, ან ბიზნესსაქმიანობაში. თავად შეგიძლიათ დააყენოთ მოძრაობის ვექტორი იმის მიხედვით, თუ რა არის თქვენთვის პრიორიტეტი და რა სფეროში გაქვთ ინტერესები.
მერწყული
მოგინდებათ დასვენება, დროის განმარტოებით გატარება. თავიდან აიცილებთ ხმაურიან წვეულებებს ან სადღესასწაულო ღონისძიებებს. სასარგებლოა თქვენი სხეულის მოსმენა, დროის გატარება ისე, როგორც ნამდვილად გსურთ, გარშემო მყოფების ხმაურის გარეშე. შესაძლებელია, გაიხსენოთ ზოგიერთი უარყოფითი მოვლენა ან შეხვედრა თქვენი წარსულიდან, ინერვიულოთ ან განიცადოთ შინაგანი შიშები. თუმცა, კარგი დროა, დაფიქრდეთ თქვენს მომავალზე, მნიშვნელოვან ურთიერთობებზე, როგორც პირად, ასევე სამუშაოზე; მოუსმინეთ თქვენს ინტუიციას.
თევზები
გაგიჩნდებათ ახალი ინტერესები და მისწრაფებები. არ არის გამორიცხული, მიიღოთ მნიშვნელოვანი სიახლეები, რომლებიც გავლენას მოახდენს კოლეგებთან ან საქმიან პარტნიორებთან ურთიერთობაზე. იპოვით ახალ მოკავშირეებს, ზოგიერთი ძველი კავშირი კი გაწყდება. კომუნიკაცია გააქტიურდება: ახალი ნაცნობები დაგეხმარებიან უფრო მაღალ სოციალურ დონეზე ასვლაში და პროექტების განვითარებაში. თუ მარტოხელა ხართ, ერთ-ერთმა მეგობარმა შეიძლება გაგაცნოთ საინტერესო ადამიანი, რომელიც მოგვიანებით ძალიან დაგიმეგობრდებათ. ყოფილი თაყვანისმცემლები შეიძლება კვლავ გამოჩნდნენ თქვენს ცხოვრებაში ანუ ძველი ურთიერთობები თავს შეგახსენებთ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
