მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფარული დაძაბულობა და წინააღმდეგობები გამოვა ზედაპირზე და როდის ჩამოვწეროთ სამომავლო მიზნები, - კვირის მნიშვნელოვანი ასტროლოგიური მოვლენები
22:34 / 30-12-2024
ჯადოსნური კვირა გველოდება, რომელიც აკავშირებს განვლილ წელს ახალთან, გველოდება წლის ყველაზე მთავარი დღესასწაული - კალენდარული ახალი წელი. კარგი ისაა, რომ 31 დეკემბერს ახალმთვარეობა გველოდება თხის რქის მეათე გრადუსზე, 02:26 საათზე. ახალი წელი ახალმთვარეობით იწყება და ახლის შემოსვლას უწყობს ხელს. ადამიანები ყურადღებას გაამახვილებენ კარიერისა და თვითრეალიზაციის საკითხებზე. ამავე დღეს გირჩევთ, 2025 წლისთვის სამომავლო მიზნებისა და სურვილების ჩამოწერას. იყავით მომართული მიზნების განხორციელებაზე.
2025 წლის პირველიდან 5 იანვრამდე ცაში ყალიბდება მძლავრი ასპექტი - მერწყულში მყოფი პლუტონის ოპოზიცია რეტროგრადულ მარსთან ლომში. ეს პერიოდი ხდება ინტენსიური ენერგიის დრო, როდესაც ფარული დაძაბულობა და წინააღმდეგობები გამოვა ზედაპირზე. იყავით ფრთხილი და დაკვირვებული.
მერწყულში მყოფი პლუტონი სიმბოლოა ტრანსფორმაციის, კოლექტიური ცვლილებების, იდეებისა და თავისუფლებისთვის ბრძოლის. ის ავლენს ფარულ პროცესებს, რომლებიც გავლენას ახდენენ ჩვენს აზროვნებასა და სოციალურ სტრუქტურებზე. რეტროგრადული მარსი ლომში ხაზს უსვამს პიროვნულ ნებას, ლიდერობის და აღიარების სურვილს. თუმცა, რეტროგრადული მოძრაობა მარსის ენერგიას ნაკლებად ხდის ნათელს, აბრუნებს მას შიგნით და გიბიძგებთ გადახედოთ თქვენს მოქმედებებსა და მოტივებს. მათი დაპირისპირება ხდება ინდივიდუალურ ძალასა და კოლექტიურ პროცესებს შორის, კონტროლის სურვილსა და თავისუფლების მოთხოვნილებას შორის. ეს არის დრო, როდესაც შიდა კონფლიქტი შეიძლება გამოვლინდეს გარე მოვლენებით.
ზემოთქმულის გათვალისწინებით კვირის განმავლობაში ემოციური ფონი მდიდარი და ინტენსიური იქნება. გაჩნდება ღრმა შიშები და საჭირო იქნება შიდა და გარე დაბრკოლებების გადალახვა. ეს არის ღრმა ანალიზის დრო, რამაც შეიძლება გამოიწვიოს მნიშვნელოვანი გამოვლენა და ჭეშმარიტი მიზნებისა და მოტივაციის გაგება.
3 იანვარს ვენერა მთელი თვით გადავა თევზების ნიშანში, სადაც ყველაზე ძლიერი სტატუსი აქვს. პლანეტის ეს ტრანზიტი თქვენს პირად ცხოვრებაში შემოქმედებასა და რომანტიკას შემოიტანს. ფინანსურად წარმატებული პერიოდია ხელოვანი ადამიანებისთვის და შემოქმედებითი საქმიანობით დაკავებულთათვის.
მშვიდი, ბედნიერი და წარმატებული კვირა გქონდეთ!
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
