მთვარის დაბნელება და სავსემთვარეობა გველოდება: პროგნოზი ზოდიაქოს ყველა ნიშნისთვის

2024 წლის 25 მარტს 11:00 საათზე მთვარის დაბნელება გველოდება სასწორის ზოდიაქოში. ამ ასტროლოგიური მოვლენის შესახებ სტატია დევს საიტზე და შეგიძლიათ გაეცნოთ. ახლა კი გაეცანით ასტროლოგიურ პროგნოზს თქვენი მზისა და ასცენდენტის ნიშნების მიხედვით, რათა შეძლოთ თქვენი ცხოვრების გაუმჯობესება:

ვერძი

ემოციური ფონის არასტაბილურობამ შეიძლება უსიამოვნო ქმედებებისკენ გიბიძგოთ. ამიტომ, წინასწარ დაფიქრდით თქვენს ნაბიჯებზე. ზოგი მეგობართან ან საყვარელ ადამიანთან ურთიერთობას დაუსვამს წერტილს. გირჩევთ, ადამიანებთან ურთიერთობისას მაქსიმალურად თავშეკავებული და ტაქტიანი იყო. განსაკუთრებით ახალ მეგობრებთან და პარტნიორებთან. მაგრამ თუ რაიმე საკითხზე გადაწყვეტილება უკვე დიდი ხნის წინ მიიღეთ, მაშინ უკან ნუ დაიხევთ. ახალი მხოლოდ მაშინ შემოვა თქვენს ცხოვრებაში, როცა წარსულის კარს საბოლოოდ დახურავთ. ამ დროს არის სულიერი კომფორტის პოვნის შანსი, რაზეც დიდი ხანია ოცნებობთ.

კურო

გადაწყვეტთ ბოლო მოეღოს იმ საკითხებს, რომლებიც დიდი ხნის განმავლობაში გამძიმებდათ. თუ ვერ პოულობთ საერთო ენას უფროსთან, მოძებნეთ სხვა სამუშაო. თუ დიდი თანხა გეხარჯებათ თამბაქოზე, მაშინ ებრძოლეთ ამ მავნე ჩვევას. მთავარია გესმოდეთ, რომ თქვენ ხართ საკუთარი ბედის შემოქმედი. არ ხართ კმაყოფილი თქვენი ფიგურით? იყიდეთ სპორტული დარბაზის ან აუზის აბონემენტი. სამსახურში ცვლილებები შესაძლებელია. მაგალითად, შეიცვლება სამუშაო საათები, შემოგთავაზებენ ახალ პოზიციას, დაიწყებთ მუშაობას სხვა ოფისში, შეიცვლება მენეჯმენტი. დააკვირდით ჯანმრთელობას, კარგი იქნება დასვენება... სამსახურიდან, კოლეგებიდან, უშუალო პასუხისმგებლობიდან.

ტყუპი

ზოგიერთი გეგმა უნდა შეიცვალოს. შეიძლება უარი თქვათ პროექტზე, რომელიც რთულია განსახორციელებლად. ან გადაწყვეტთ, რომ ეს ამოცანა აბსოლუტურად უშედეგოა. ეს ნიშნავს, რომ არ ღირს ამაზე დროის დაკარგვა. სასიყვარულო სფერო იგივე არ იქნება: შესაძლებელია დაშორება, ისევე როგორც საყვარელ ადამიანთან მეტად დაახლოება. ბავშვებმა და მათმა პრობლემებმა შეიძლება მოითხოვონ თქვენი აქტიური ჩართულობა. კარგი დროა ხელოვნებისთვის, წერისა და ჰობისთვის. გახსოვდეთ, ნებისმიერმა ბიზნესმა უნდა მოგიტანოთ სიხარული და არ დაგთრგუნოთ მორალურად.

კირჩხიბი

პრიორიტეტი ოჯახისა და სახლის საკითხები იქნება. სამუშაო უკანა პლანზე გადავა. მთავარია უსაფრთხოება. შესაძლებელია ვინმემ გადაწყვიტოს საცხოვრებელი ადგილის შეცვლა. ნათესავებთან ურთიერთობა შეიძლება შეიცვალოს. ემოციური ფონი არ არის სტაბილური. შესაძლოა ნოსტალგიის უეცარი მოზღვავება. მოგიწევთ იმუშაოთ თქვენს შინაგან სამყაროზე. დაივიწყეთ წყენა, დაძლიეთ შიშები და კომპლექსები. მყარად უნდა იდგეთ ფეხზე, შეინარჩუნოთ წონასწორობა თქვენი ცხოვრების სხვადასხვა სფეროში. ცოტა ხნით განმარტოება კარგი იქნება. ეს ხელს შეუწყობს სულის განკურნებას და განწმენდას.

ლომი

ბევრი საკითხი სასწრაფოდ უნდა მოგვარდეს. გახშირდება მოგზაურობა - საქმიანი და პირადი. ასევე მოლაპარაკებები, მნიშვნელოვანი შეხვედრები და კონფერენციები. ზოგიერთს მოგიწევთ საბუთების მოწესრიგება ან საპასუხისმგებლო თანამდებობის დაკავება. ზოგიერთი შეურიგდებით მას, ვისთანაც დიდი ხანია ჩხუბი გაქვთ. ზოგი დაასრულებთ სწავლას, შეწყვეტთ ხელშეკრულებას ან თანამშრომლობას, ან დიდხნიანი მოგზაურობიდან სახლში დაბრუნდებით. დაფიქრდით რის გაკეთებას ისურვებდით? შესაძლოა ისწავლოთ ახალი სპეციალობა ან მიიღოთ დამატებითი განათლება.

ქალწული

არაერთი მატერიალური პრობლემის გადაჭრას შეძლებთ: სესხის დახურვა, ვალების დაბრუნება ან გადახდა; დიდი და რთული პროექტის დასრულებას. ეს ყველაფერი დადებით გუნებაზე დაგაყენებთ და თავდაჯერებულობას მოგიმატებთ. კარგი პერიოდია დამატებითი შემოსავლის მოსაძებნად და დაწყებული პროექტის დასასრულებლად. შეიცვლება ღირებულებების წყობა, ისევე როგორც პრიორიტეტები. გადაწყვეტთ რა არის თქვენთვის ყველაზე მნიშვნელოვანი და რაზე შეგიძლიათ სამუდამოდ უარი თქვათ. შეგიძლიათ გააკეთოთ ყველაფერი, რომ იცხოვროთ და თავი კომფორტულად იგრძნოთ. გათავისუფლდით ზედმეტი ნივთებისგან, კომპლექსებისგან და შეძლებთ ოპტიმისტურად შეხედოთ მომავალს.

სასწორი

მოიმატებს ემოციურობა, რაც იწვევს მგრძნობელობის გაზრდას და ძლიერ რეაქციას სიტუაციებსა და ურთიერთქმედებებზე. დროა დიდი ხნის პრობლემების მოსაგვარებლად, რაღაცის დასასრულებლად ან რაღაც რადიკალურად შესაცვლელად. დიდი ხნის წინ დასახული მიზნების განხორციელება დაიწყება. შეგიძლიათ გაიგოთ თქვენი ძლიერი, სუსტი მხარეები, სურვილები და მიზნები. უნდა გათავისუფლდეთ შიშებისგან.

მორიელი

მოგინდებათ განმარტოება. მიზეზი შეიძლება იყოს ავადმყოფობა, დისტანციურად მუშაობის სურვილი. ვიღაც გადაწყვეტს დაისვენოს, განიტვირთოს და წაიკითხოს თავისი საყვარელი წიგნები. გირჩევთ წარსულიდან წამოსული პრობლემების გადაჭრას. კარგი პერიოდია მედიტაციისა და იოგასთვის. მოუსმინეთ ინტუიციას. მოერიდეთ ახალი პროექტების განხორციელებას და კონტრაქტების გაფორმებას.

მშვილდოსანი

გახშირდება კომუნიკაცია. არ არის გამორიცხული, ვიღაცაში იმედგაცრუებული დარჩეთ. ან დაინახავთ ადამიანს სხვა, უფრო პოზიტიურ ჭრილში. შესაძლებელია როგორც საბედისწერო შეხვედრები, ასევე მტკივნეული განშორებები. შესაძლოა თქვენს გარემოში გამოჩნდეს ადამიანი, რომელიც მნიშვნელოვან როლს შეასრულებს თქვენს ბედში.

თხის რქა

შეიძლება შეიცვალოს თქვენი სოციალური სტატუსი (პენსიაზე გასვლით ან დაქორწინებით) ან მნიშვნელოვანი ცვლილება მოხდეს თქვენს პროფესიულ პოზიციაში. ზოგიერთი დაასრულებთ რაიმე სერიოზულ პროექტს და მიაღწევთ დიდ წარმატებას და კოლეგებისგან დაიმსახურებთ აღიარებას. თუმცა, ნაყოფიერმა მუშაობამ შეიძლება გავლენა მოახდინოს ოჯახურ ან პირად ურთიერთობებზე, ახლობლებს თქვენი ყურადღება და ზრუნვა მოაკლდებათ. უნდა შეეცადოთ შეინარჩუნოთ ბალანსი პირად და სამუშაო პასუხისმგებლობებს შორის, თუმცა კარიერული ამბიციები ახლა თქვენთვის პირველ ადგილზეა.

მერწყული

მიიღებთ დიპლომს, საბუთს. თუ სასამართლო საქმე გქონდათ წამოწყებული დასრულდება და გისურვებთ, რომ თქვენი გამარჯვებით. შეიძლება მიიღოთ ცნობა, საბუთი უცხოეთიდან ან თუ ემიგრაციაში ხართ, გადაწყვიტოთ მშობლიურ სახლში დაბრუნება.

თევზები

ცვლილებები, სხვებისთვის უფრო შესამჩნევი იქნება, ვიდრე თქვენთვის. შესაძლოა შფოთი ან საეჭვოობა გაიზარდოს, საკუთარ შესაძლებლობებში ეჭვი შეგეპაროთ. თქვენ ასევე შეგიძლიათ გადახედოთ თქვენს შეხედულებებს ან რწმენას. ოჯახში კონფლიქტები უფრო ხშირად წარმოიქმნება ფინანსური საკითხების, დაზოგვისა და ხარჯვის მიმართ განსხვავებული მიდგომების გამო. გირჩევთ, გადადოთ სესხის აღება.