მნიშვნელოვანი ინფორმაცია
15
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მოგცემთ თუ არა სამყარო გამდიდრების შანსს, თქვენი ზოდიაქოს ნიშნის მიხედვით?
19:28 / 21-08-2024
სიმდიდრე, რომლის შესახებაც ადამიანების 98% ოცნებობს, ხშირად ვიღაცისთვის უბედურებისა და სირთულეების მიზეზი ხდება ცხოვრებაში. იმის მიხედვით, თუ რამდენად მაღალია ადამიანში სულიერების დონე, განისაზღვრება მისი დამოკიდებულება ფულთან მიმართებაში. ამიტომაც ხდება რომ ზოგს, დიდი ფული უბრალოდ "აფუჭებს". ვნახოთ, ვის აქვს გამდიდრების შანსი ზოდიაქოს ნიშნის მიხედვით.
როგორც ასტროლოგიური სტატისტიკა ცხადყოფს, ყველაზე ქუდბედიანები – მშვილდოსნები მსოფლიოს მდიდარ ადამიანთა სიაში მოკრძალებულ ბოლო ადგილებს იკავებენ. ამაში დამნაშავე ფულის უთავბოლოდ ფლანგვის სიყვარულია, რომელიც მშვილდოსნების 90% ახასიათებს.
საინტერესოა ისიც, რომ სიმდიდრეს კარგად აგროვებენ ვერძი და ტყუპი . მიუხედავად იმისა, რომ ორივე ნიშანი ერთობ იმპულსური და არცთუ ეკონომიურია. ასტროლოგებს მიაჩნიათ, რომ ამ ორის შემთხვევაში საუკეთესო ინვესტიცია მათივე ინტელექტი და ფანტაზიის უნარია. ვერძიც და ტყუპიც ნოვატორული ხედვის მქონე, აქტიური და დინამიკური ნიშანია. შესაბამისად, ბევრი მათგანი სწორედ ამ თვისებების წყალობით მდიდრდება.
მხოლოდ საკუთარი შრომის, გონივრული ეკონომიისა და წინდახედულების ხარჯზე მდიდრდებიან ქალწულები და თხის რქები . კიდევ ერთი მიწის ნიშანი, კურო იშვიათად ხდება დიდი ფულის მფლობელი. მიზეზი ნაკლები ამბიციებია. ქალწულებსა და თხის რქებს კი ფულის შოვნასთან ერთად, კარიერული ამბიციებიც აქვთ.
უამბიციოთა და შედარებით პასიურთა სიაში არიან თევზები და სასწორი . აქვე ისიც უნდა ითქვას, რომ ერთიც და მეორეც ე.წ. გაორებული ნიშნის წარმომადგენელია, რაც თავისთავად მიანიშნებს იმაზე, რომ ამ ადამიანებს დიდი ძალისხმევა სჭირდებათ საკუთარ თავში არსებული ქაოსისა და ყოყმანის დასაძლევად. ამის გამო ბევრი მათგანი უშვებს კარგ შანსებს უკეთესი ფინანსური მომავლის შესაქმნელად.
განსაკუთრებით ამბიციურთა კატეგორიაში ხვდებიან ლომი და მორიელი . მათ, როგორც წესი, ცხოვრების მანძილზე გასაოცარი აღმასვლა-დაცემის პერიოდების გადატანა უწევს ფინანსურ სფეროში. პრობლემა კი ის არის, რომ ერთიც და მეორეც მიდრეკილია სხვების ხარჯზე გამდიდრდეს, მოსწონს უფროსობა, ვერ იტანს დაქვემდებარებულის როლში ყოფნას და ფინანსური მადა, ხშირად უსწრებს მათ რეალურ შესაძლებლობებს. შესაბამისად, დიდ სიმდიდრეს, ხშირად მოსდევს მათ ცხოვრებაში აბსოლუტური სიღატაკე ან სამართლებრივი დავა.
ფინანსების მიმართ ორიგინალური დამოკიდებულება აქვთ მერწყულსა და კირჩხიბს . კირჩხიბების უმეტესობა, რაც უნდა გაგიკვირდეთ, სიღარიბის შიშით მდიდრდება. პანიკურად ეშინია, რომ ერთ დღესაც მშიერი დარჩება ოჯახის წევრებთან ერთად. ამიტომაც ცდილობს გამოიმუშაოს მეტი და მეტი. ამასთან, ყოველთვის წუწუნებს ფულზე და არასოდეს მიაჩნია თავი მდიდარ ადამიანად.
რაც შეეხება მერწყულს , მას ფული და კაპიტალის დაგროვება არასოდეს აინტერესებს. ფული სჭირდება სხვადასხვა კეთილი საქმის ან ახირებული იდეის განსახორციელებლად. თუმცა, ყველაზე ხშირად ხდება დიდი ფულის პატრონი. ამასთან, მერწყული საკუთარ სიმდიდრეს დიდსულოვნად უნაწილებს საზოგადოების ნებისმიერი ფენის წარმომადგენელს. ჰოდა, როცა გაცემა-მიღების ბალანსი დაცულია, რაღა თქმა უნდა, სამყარო ასეთი ადამიანის გამდიდრებისთვის არაერთ შანსს იმეტებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
