"მიუტევეთ ყველას, გაწყვიტეთ არასასურველი კავშირები, "დაარეფრეშეთ" საკუთარი თავი" - რას წერს რამაზ გიგაური 2020-ის ახალი ეტაპის დაწყებაზე

"გაუშვით დაგროვებული ნეგატივი და მოითხოვეთ სამყაროსგან ახალი პოზიტივი", - წერს რამაზ გიგაური "ფეისბუქის" პირად გვერდზე. ასტროლოგი 2020 წლის მეორე ნახევრის დადგომაზე წერს, რომელიც დღეიდან იწყებს ათვლას და რომელსაც ზოდიაქოს ნიშნები მომზადებულები უნდა შეხვდნენ:

"5-6 ივლისი მზის ვარსკვლავ სირიუსთან შეერთების პერიოდია. ეს გუშინ დაიწყო და დღეს სრულდება. ძველეგვიპტურ კალენდარს თუ ჩვენს დღევანდელ კალენდარს მოვარგებთ, მივიღებთ 23 ივლისს, ანუ ლომის ზოდიაქოს პირველ გრადუსს. ამ დღეს იწყებდა ნილოსი ადიდებას, რაც ძველ ეგვიპტეში ახალ წელს უკავშირდებოდა. სხვათა შორის, შადრევანზე ან წყაროზე მდგარი ლომის ქანდაკება, რომელიც პირიდან წყალს ასხამს სწორედ ძველ ეგვიპტეს და ლომის ზოდიაქოს უკავშირდება. ძველ ეგვიპტეში ეს დიადი დღეები და ახალი ციკლის დასაწყისი იყო. რეალურად, ჩვენთან ეს არის წლის შუაზე გამყოფი მონაკვეთი. ამიტომ გაუშვით ნეგატიური ენერგია, რაც წლის პირველ ნახევარში დააგროვეთ. მიუტევეთ ყველას, ვისაც გინდა, რომ მიუტევოთ, გაწყვიტეთ არასასურველი კავშირები. მოეშვით წარსულის ბღაუჭს და გაითავისუფლეთ ხელი მომავლისთვის. ეს არის გამოფხიზლების, გამორკვევის პერიოდი. ამიტომ გაანალიზეთ წარსული და დაგეგმეთ მომავალი. ეს ერთგვარი „ახალი წელია“ (ისევე როგორც 1 იანვარი ძველ რომს უკავშირდება, ისე ეს დღეები ენერგეტიკულად ძველი ეგვიპტის ახალი წელია). ასე რომ, „დაარეფრეშეთ“ საკუთარი თავი - გაუშვით დაგროვებული ნეგატივი და მოითხოვეთ სამყაროსგან ახალი პოზიტივი. გისურვებთ სიმშვიდით, სიყვარულით, სიხარულით, სიკეთით და ბარაქით სავსე წლის მეორე ნახევარს!".