მექალთანე, მატყუარა თუ ერთგული? მამაკაცების დახასიათება მათი ზოდიაქოს ნიშნების მიხედვით
ზაფხულში ფლირტის და საკურორტოს რომანების ალბათობა იზრდება. ამიტომ, მანდილოსნებს საქმეს გიადვილებთ და მამაკაცების ზოგად დახასიათებას გთავაზობთ. მთავარია, მისი ზოდიაქოს ნიშანი გაიგოთ. გაიგებთ, თუ რომელი ნიშნით დაბადებული მამაკაცი რისკენ მიისწრაფვის თუნდაც მოკლევადიანი ფლირტისას... რომელია მათ შორის ქალებზე მონადირე, რომელი რომანტიკოსი და რომელი - მეოჯახე...
მაშ ასე, თუკი სერიოზული ურთიერთობა გსურთ და ოჯახისკენ მიისწრაფვით, იდეალურია, თუკი თქვენი ნაცნობი კირჩხიბი, კურო, თხის რქა ან ქალწული აღმოჩნდა... მაგრამ მზად იყავით იმისთვისაც რომ ეს კაცი ურთიერთობას უცებ არ გაასერიოზულებს. მას დრო და დაკვირვება სჭირდება საბოლოო გადაწყვეტილების მისაღებად.
თუკი საკურორტო რომანს, დროებით გასართობს ან უბრალოდ კარგ კომპანიონს ეძებთ მოგზაურობისას ან ღამის კლუბში ამ კუთხით ვერძი, მშვილდოსანი, სასწორი, ტყუპი ან მერწყული გამოგადგებათ. ამგვარ კაცებს უპრობლემო და მოკლევადიანი ურთიერთობები ურჩევნიათ ყველაფერს.
ორმაგი თამაშისკენ არიან მიდრეკილნი ურთიერთობაში მორიელები და თევზები . ამიტომ სანამ ოცნების კოშკებს ააგებდეთ, კარგად გადაამოწმეთ თქვენი ახალი თაყვანისმცემელი ცოლიანი ხომ არაა? თუმცა ასეც რომ არ იყოს, მძაფრი ემოციების გადატანა მაინც მოგიხდებათ; იმის გამო, რომ თქვენი ინტერესის ობიექტს სიყვარული ემოციების ზღვასთან აქვს გაიგივებული.