მწვანე ხის გველის წელი მოდის, რა გველოდება 2025 წელს?
ახალი 2025 წლის დადგომამდე სულ ნაკლები დრო რჩება, ამიტომ დროა გავიგოთ როგორი იქნება და რას მოგვიტანს მწვანე ხის გველის წელი. აღმოსავლური კალენდრით ჩინური ახალი წელი 2025 წლის 29 იანვარს დადგება და 2026 წლის 16 თებერვლამდე გასტანს. მისი წინა მეფობა 2013 წელს იყო, ხოლო შემდეგი მეფობა 2037 წელს იქნება. გველის წელის დადგომამდე სასურველია, მოიცილოთ ყველაფერი ძველი, დაზიანებული და არაფრისმომცემი. ეს ეხება ნივთებსაც, ადამიანებსაც და საქმეებსაც.
გველი აღმოსავლური ზოდიაქოს ყველაზე იდუმალი არსებაა. ზოდიაქოს სხვა ნიშნებს შორის გამოირჩევა გონებრივი და ინტელექტუალური შესაძლებლობებით. არ ცნობს ავტორიტეტებს, ამიტომ ხელმძღვანელობს მხოლოდ საკუთარი აზრით. გველები სასიამოვნო მოსაუბრეები არიან, თუმცა ლაპარაკზე მეტად მოსმენა ურჩევნიათ.
2025 წლის ელემენტია ხე, არა შემოდგომის, რომელსაც ფოთლები სცვივა და კვდება, არამედ გაზაფხულის ხე, ახალგაზრდა და მწვანე. ასეთი მახასიათებლები მიუთითებს, რომ წელი ბევრად უფრო ნაყოფიერი იქნება, წარმატებით განხორციელდება ახალი საქმეები, ძველების დასასრულებლად კი მისასალმებელია ახალი იდეები და შემოქმედებითი მიდგომა.
ყოველ წელს ველოდებით, რომ მსოფლიოში მშვიდობა დამყარდება გველს არ უყვარს უეცარი ცვლილებები, ამიტომ სიტუაცია მსოფლიოში - როგორც უკეთესობისკენ, ისე უარესისკენ - 2025 წელს არ შეიცვლება. თუმცა, თუ სამშვიდობო შეთანხმებები 2024 წელს გაფორმდება, გველის წელში ისინი არ დაირღვევა და მშვიდი დრო გველოდება.
გველი ორიენტირებულია ახალი ცოდნის შეძენასა და მის გამოყენებაზე. ამიტომ ტექნოლოგიური პროგრესი 2025 წელს არ გაჩერდება. მისი განვითარება ძირითადად ხელოვნურ ინტელექტთან იქნება დაკავშირებული: გაგრძელდება პროცესების ავტომატიზაცია, შეიცვლება ტრანსპორტის მუშაობა და ჯანდაცვის სისტემა, სადაც განსაკუთრებით მნიშვნელოვანია ახალი ტექნოლოგიების გამოყენება. გაჩნდება განახლებადი ენერგიის ახალი წყაროები, მოიძებნება გზები გლობალური გამოწვევების გადასაჭრელად, როგორიცაა კლიმატის ცვლილება და პანდემია, რაც ასევე აისახება ჩვენი ცხოვრების ხარისხზე.
ამასთან, უნდა გვახსოვდეს, რომ გველი არ არის კოლექტიური არსება, ამიტომ მომავალ წელს პროფესიულ წარმატებას ძირითადად ისინი მიაღწევენ, ვინც მარტო იმუშავებს. რა თქმა უნდა, დახმარებაზე უარი არ უნდა თქვათ, მაგრამ გამარჯვება მარტოხელა გენიოსებს ეკუთვნით, რომლებსაც შეუძლიათ მხოლოდ საკუთარი თავის იმედი ჰქონდეთ და არავისთან მოუწევთ თავიანთი დიდების გაზიარება.
გველის წელში არა მხოლოდ შესაძლებელია, არამედ აუცილებელიცაა ძველი სამუშაოს შეცვლა უფრო საინტერესო, კრეატიულ და ფინანსურად მომგებიანზე. კარიერაში უნდა ვისწრაფოდეთ მარტივიდან რთულისკენ. ყოველი ახალი დავალება უფრო რთული და პერსპექტიული უნდა იყოს, ვიდრე წინა. თქვენს საქმიანობაში უნდა აჩვენოთ ისეთი თვისებები, როგორიცაა გამჭრიახობა და მოაგვაროთ ყველა საკითხი გააზრებულად და აუჩქარებლად. ასევე მნიშვნელოვანია პიროვნული ზრდისა და პროფესიული თვითგანვითარებისთვის პრაქტიკულობა და ეფექტურობისკენ მუდმივი სწრაფვა.
თუმცა, გველის წელში საჭიროა არა მხოლოდ იმუშაოთ, არამედ სრულად დაისვენოთ, დასვენების გარეშე, ვერ შეძლებთ ძალების აღდგენას ახალი წარმატებებისთვის. აუცილებელია შაბათ-კვირის კარგად გამოყენება, დროულად დაძინება და სამუშაო დღის განმავლობაში შესვენება. ეს განსაკუთრებით მნიშვნელოვანია მათთვის, ვინც საკუთარ ჯანმრთელობაზე ზრუნავს. უნდა გვახსოვდეს, რომ ნებისმიერი დაავადების პრევენცია ბევრად უფრო ადვილია, ვიდრე შემდგომი მკურნალობა.
გველები შერჩევით არიან ურთიერთობებში: მათ მარტოობა ურჩევნიათ სხვებთან ურთიერთობას; განსაკუთრებით, თუ ის ადამიანი მათი ინტელექტუალური დონის არაა. სანამ გველის მეგობარი გახდებით, შემოწმება უნდა გაიაროთ და მხოლოდ ამის შემდეგ შემოგიშვებთ თავიანთ წრეში. გველები იშვიათად ამხელენ თავიანთ საიდუმლოებებს, თუნდაც ახლო მეგობართან, ურჩევნიათ მის პრობლემებზე საუბარი ან აბსტრაქტულ თემებზე.
ჩინური კალენდრის მიხედვით გველი კარგ ურთიერთობაშია დრაკონთან და მამალთან და დაძაბული ურთიერთობა აქვს ვეფხვთან, კურდღელთან და თხასთან. სხვათა შორის, ეს ეხება არა მხოლოდ მეგობრულ ურთიერთობებს, არამედ რომანტიკულ კავშირსაც. მიუხედავად ამისა, ეს არ ნიშნავს, რომ ვერ შეძლებთ საერთო ენის პოვნას წლის მმართველთან. მთავარია არ მოატყუოთ იგი: გველი არ გაპატიებთ არც ბოროტებას და არც ღალატს.