მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლილიტი სასწორში გადავიდა, რა გველოდება მომდევნო 9 თვის განმავლობაში
19:09 / 04-07-2024
29 ივნისს, კარმულმა წერტილმა ლილიტმა (შავი მთვარე) დატოვა ქალწულის ნიშანი და 9 თვით გადავიდა სასწორში (დარჩება 2025 წლის 27 მარტამდე). ლილიტის გავლენას განსაკუთრებით იგრძნობენ სასწორისა და ვერძის ზოდიაქოს ნიშნის წარმომადგენლები. ურთიერთობების საკითხები პრიორიტეტული გახდება. აქვეა კარმული კვანძებიც და განსაკუთრებული სიფრთხილეა საჭირო. ყველა ადამიანი მიიღებს ცხოვრებისეულ გაკვეთილებს პირად და საქმიანი ურთიერთობების სფეროში, ბევრი წყვილი გაივლის კრიზისს. სამსახურში არ გირჩევთ ჭორებსა და ინტრიგებში გახვევას. საკუთარი კეთილდღეობისთვის სხვების გაწირვას, თანამდებობისა და კავშირების ბოროტად გამოყენებას.
მომდევნო 9 თვის განმავლობაში მაქსიმალურად ფრთხილი უნდა იყოთ, რადგან მაცდუნებელი ლილიტი სასწორში მყოფ დაღმავალ კვანძთან ერთად მოიტანს ცდუნებებს წარსულიდან. შეიძლება გამოჩნდნენ ყოფილი საქმიანი და სასიყვარულო პარტნიორები, განმეორდეს წარსულის სიტუაცია.
ლილიტი ეს არის ცდუნება, შიშები, პროვოკაცია; ის აკეთებს იმას, რაც სურს და არ აინტერესებს რას ამბობენ გარშემო მყოფები. სასწორი კი არის ბალანსის, ჰარმონიის ნიშანი. და ძალიან მნიშვნელოვანია, რომ "მე ასე მინდას" გამო არ გაწყვიტოთ კავშირები. უნდა ეცადოთ, რომ გამონახოთ ჰარმონია საკუთარ თავშიც და პარტნიორთან მიმართებაშიც (ყველა სხვა ადამიანი ჩვენი პარტნიორია). უნდა იპოვოთ კომპრომისი. ამასთან, ისიც კარგად უნდა დაინახოთ, რა გიშლით ბედნიერებისა და წარმატების მიღწევაში. დაინახეთ ის პრობლემები, რომლებიც დიდი ხანია მოსაგვარებელი გაქვთ, ლილიტი მათ გამოკვეთს და გამოააშკარავებს. არ გირჩევთ ლილიტის გავლენით ნეგატივზე მკვეთრ რეაგირებას, ჯერ დაფიქრდით, გაანალიზეთ და ისე იმოქმედეთ, რომ არც მწვადი დაწვათ და არც შამფური.
ლილიტი სასწორში - უნდა იყოთ წესრიგის, კანონის, ჰარმონიის დამცველი. უნდა დააბალანსოთ სამყარო საკუთარ თავშიც და თქვენ გარშემოც. პროვოკაციები იქნება და მას მშვიდად, გააზრებულად უნდა მიუდგეთ. ნუ ჩაერევით ცუდ საქმიანობაში ეცადეთ, მშვიდად მოაგვაროთ სიტუაცია. თუ ხვდებით, რომ გატყუებენ ან ბოროტად იყენებენ თქვენს კეთილგანწყობას, დაფიქრდით, გაანალიზეთ სიტუაცია და იფიქრეთ მის მოგვარებაზე. არ ჩაერთოთ ტყუილებში, არ ეცადოთ
ზოგიერთმა შეიძლება გამოავლინოს საკუთარი უსიამოვნო თვისებები, ეცადოს გარშემო მყოფების გამოწვევას, პროვოცირებას, მაქინაციებს. არაა გამორიცხული გახშირდეს ინტრიგები და ჭორები. უფრო ხშირად გავიგებთ წყვილში ღალატის, ტყუილის შესახებ. რამაც შეიძლება გამოიწვიოს კონფლიქტი და განქორწინებაც კი.
არც ისაა გამორიცხული, რომ ადამიანმა საკუთარი წარმატებისა და კეთილდღეობისთვის ჩაიდინოს მავნე საქციელი. შეიძლება გაიხსენოს წარსული წყენა ან გამოიკვეთოს რამე წარსულიდან და გადაწყვიტოს სამაგიეროს გადახდა. ზოგიერთი სხვების ერთმანეთზე გადაკიდებით ნახავს სარგებელს. შეიძლება სხვებიც მოატყუოთ და თავადაც ვერ გაერკვეთ სიმართლეში. თუ ადამიანი არ იმუშავებს საკუთარ თავზე და არ ეცდება მომხდარი ობიექტურად შეაფასოს და ჰარმონიას მიღწიოს, შეიძლება უსიამოვნებებს ვერსად გაექცეს. ზოგიერთმა შეიძლება საკუთარი მავნე, ცოდვილი თვისებებით გაითქვას სახელი. იმატებს შემთხვევითი სექსუალური კავშირების ალბათობა. ადამიანებს მოუნდებათ სხვის ხარჯზე ცხოვრება.
ამ 9-თვიან პერიოდში არ გირჩევთ სილამაზის პროცედურების ჩატარებას, ლამაზი და ძვირად ღირებული ნივთების შეძენას. მოდასა და ხელოვნებაში შეიძლება წინ წამოიწიოს ცოდვის თემები. გაფრთხილდით, რომ თქვენი კეთილგანწყობით არ ისარგებლონ ბოროტმა ადამიანებმა და არ გახდეთ მანიპულატორების მსხვერპლი. პროვოკაციები იქნება, წარსულიდან გამოძახილი იქნება, მაგრამ არ ჩაერთოთ ჭორებში, ტყუილში, ცდუნებაში; იყავით ჰარმონიული, დიპლომატიური და გააზრებული.
საფრთხილოა ასაკები, რომლებიც მრავლდება ცხრაზე: 9, 18, 27, 36, 45 და ა.შ. განსაკუთრებით უსიამოვნოა 27 და 36 წლის. ამ წლებში ყველაზე ხშირია დაბრკოლება. ადამიანის ცხოვრება სრულიად ახალ დონეზე გადადის. 36 წლის ასაკში ადამიანი გადაჭარბებულად აფასებს საკუთარ თავს, სიძლიერესა და შესაძლებლობებს, რამაც შეიძლება გამოიწვიოს უსიამოვნება მის კარიერასა და პირად ცხოვრებაში.
ლილიტი სასწორში იყო 2015 წელს (უფრო კონკრეტულად 2015 წლის 25 აგვისტოდან 2016 წლის 21 მაისამდე ) და გაიხსენეთ, რა ხდებოდა ამ პერიოდში თქვენს ცხოვრებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
