იზრდება კონკურენციის გამო კონფლიქტები, დროულად მოიხსენით “ვარდისფერი სათვალე“ ანუ 4-10 ნოემბრის მნიშვნელოვანი ასტროლოგიური მოვლენები
ორშაბათს - 4 ნოემბერს მარსი ლომში გადავა 2025 წლის 6 იანვრამდე. ენერგიისა და ომის პლანეტას აქ მოუწევს რეტროგრადული სვლა. ლომში მარსის ყოფნისას შეიცვლება სამხედრო თემებთან დაკავშირებული ყველაფრის ხარისხი. იმატებს დომინირება სამსახურშიც და ოჯახში, ბრძოლა ძალაუფლებისთვის. ჩვენი ქმედებები გახდება უფრო ღია, აქტიური და გამოკვეთილი. გავაქტიურდებით მიზნების მისაღწევად და გეგმების პრაქტიკული განხორციელებისთვის. იზრდება კონკურენციის გამო კონფლიქტები. ამიტომ მაქსიმალურად ფრთხილად და გონივრულად იმოქმედეთ.
9 ნოემბერს ვენერასა და რეტრო ნეპტუნს შორის დაძაბულობაა, იქმნება ილუზიის, ღალატის და მოტყუების ატმოსფერო. თაღლითები აქტიურდებიან . გირჩევთ, დროულად მოიხსნათ “ვარდისფერი სათვალე“.
გარდა ამისა, 6 ნოემბრამდე ვენერა-იუპიტერის ოპოზიციაა და ამ ასპექტმა სიზარმაცისა და მფლანგველობისკენ რომ არ მიგიყვანოთ, ჯობია ამ დროს ძვირად ღირებული შესყიდვები არ დაგეგმოთ. სურვილი, რომ მიიღოთ სიამოვნება ცხოვრებიდან, უნდა იყოს გააზრებული.
დაბოლოს, კარგი პერიოდია თქვენი მიზნის მიღწევა შრომისმოყვარეობითა და მოთმინებით. გამოავლინეთ საქმიანი ჭკუა, პრაქტიკულობა და პრაგმატიზმი. ღირს ამ კვირის გამოყენება თქვენი გეგმების პრაქტიკაში განსახორციელებლად.