ივნისის ასტროლოგიური პროგნოზი მშვილდოსნებისთვის: “ყურადღებით მოუსმინეთ სხვებს და გამოხატეთ თქვენი აზრები დიპლომატიურად“

თავისუფლებისა და ემანსიპაციის პერიოდი გეწყებათ. წინა შეზღუდვების ბორკილები მოიხსნება, შფოთვა და შიშები კი კვამლივით გაიფანტება. ოპტიმიზმის ტალღაზე მყოფს ურთიერთობაში სიფრთხილე გმართებთ. სავარაუდოდ, შეხვდებით მანიპულატორებსა და თვალთმაქცებს, რომლებიც შეეცდებიან ისარგებლონ თქვენი გულუბრყვილობითა და უბრალოებით. თქვენი ძლიერი და სუსტი მხარეების ცოდნა დაგეხმარებათ თავიდან აიცილოთ შეცდომები. თავი აირიდეთ ნაჩქარევი შეფასებები, აღიარებები და კონფლიქტები.

ივნისის ფინანსები

ივნისში სიმდიდრისა და კეთილდღეობის ენერგია მოდის, მაგრამ იმისთვის, რომ რეალურად ისიამოვნოთ, მოგიწევთ გლობალური მიზნების დასახვა. განსაკუთრებით, თუ გსურთ კარიერის, სტატუსის გაუმჯობესება. გაგიმართლებთ თუ გსურთ ფულის გამომუშავება შეჯიბრებში, კონკურსებსა და ქასთინგებში. სამუშაოს მაძიებელმა უნდა გამოიყენოთ ყველა შანსი სასურველი ვაკანსიის მოსაპოვებლად! საყვარელი საქმიანობა, რომელსაც დიდ დროს და ძალისხმევას უთმობთ, დიდ ფულად მოგებას გპირდებათ. არასასურველია ინვესტიციის ჩადება ბიზნესში, რომელიც არ მოგწონთ.

სამუშაო და ბიზნესი

17 ივნისამდე მოგიწევთ ფოკუსირება პარტნიორულ ურთიერთობებზე და კოლეგებთან კავშირზე. ეს ხელსაყრელი პერიოდია მათთვის, ვინც კლიენტებთან მუშაობს. სავარაუდოდ ამ დროს მათი რიცხვი გაიზრდება. გელოდებათ პროდუქტიული კომუნიკაცია, მოლაპარაკებები და თანამშრომლობა, რაც გამოიწვევს წარმატებულ გუნდურ მუშაობას. ეს პერიოდი ხელსაყრელია მოლაპარაკებების წარმართვისა და კონტრაქტების დასადებად. ამასთან, შეიძლება წარმოიშვას გაუგებრობა ან კონფლიქტი კოლეგებთან ან ბიზნეს პარტნიორებთან. მნიშვნელოვანია შეინარჩუნოთ გულწრფელობა ყურადღებით მოუსმინოთ სხვებს და გამოხატოთ თქვენი აზრები დიპლომატიურად. ნებისმიერი სირთულის დაძლევით, შეგიძლიათ ელოდოთ სასურველ შედეგებს და წინსვლას თქვენს ბიზნეს წამოწყებაში.

17 ივნისიდან აქტიური პერიოდია მათთვის, ვინც მუშაობს სხვისი ფულით: ბუღალტრები, ბანკის თანამშრომლები, ფინანსისტები, საგადასახადო სამსახურის თანამშრომლები, სადაზღვევო მუშაკები და ა.შ. შეიძლება გაგიჩნდეთ საინტერესო იდეები იმის შესახებ, თუ როგორ გაიუმჯობესოთ ბიუჯეტი და ხარჯები. ზოგიერთი შეძლებთ პირადი ვალების გასტუმრებას ან, პირიქით, სესხის აღებას გადაწყვეტთ. არ არის გამორიცხული, ზოგიერთმა გადაწყვიტოთ დატოვოთ სამსახური ან გადახედოთ ურთიერთობას კოლეგებთან და ხელმძღვანელობასთან. შესაძლოა, უფრო საეჭვო და კრიტიკული გახდეთ, ამიტომ თავი უნდა აკონტროლოთ, რომ არ მოხდეს წყენა და ჩხუბი. ამ დროს შესაძლოა საეჭვო ფინანსური შეთავაზებები მიიღოთ და დაფიქრდით, სანამ რამეს მოიმოქმედებთ.

სიყვარული და ფლირტი

ივნისის პირველ ნახევარში მარტოხელებს გექნებათ შანსი, შეხვდეთ საინტერესო, სანდო ადამიანს. შეიძლება არც კი მოგეწონოთ ის პირველ პაემანზე, მაგრამ არ შეწყვიტოთ მასთან ურთიერთობა. მიეცით შანსი! დროთა განმავლობაში შეიძლება შეგეცვალოთ აზრი და გააცნობიეროთ, რომ მასთან ხანგრძლივი, ჰარმონიული ურთიერთობის დამყარება შეგიძლიათ. ამასთან, უნდა გახადოთ თქვენი ცხოვრება უფრო მრავალფეროვანი. მეტი დრო გაატარეთ ხალხში, დაესწარით კულტურულ და გასართობ ღონისძიებებს. დაფიქრდით, იქნებ დროა გარკვეული ცვლილებები შეიტანოთ გარეგნობაში? დაოჯახებულებმა რაღაც ახალი და საინტერესო უნდა შექმნათ პარტნიორთან ერთად. ალბათ ეს იქნება ახალი გამოცდილება, მოგზაურობა, სოციალურ ღონისძიებებზე დასწრება. კარგია გეგმების შედგენა, ოჯახური არდადეგების ორგანიზება.

17 ივნისიდან საპირისპირო სქესისთვის უფრო მიმზიდველი გახდებით. ახალი ურთიერთობები აშენდება ადამიანებს შორის მაგნიტური მიზიდულობის გამო. ამ დროს შეგიძლიათ სწრაფად აფეთქდეთ და ისევე სწრაფად გაცივდეთ ადამიანთან მიმართებაში. ზოგიერთმა შეიძლება გააბათ კავშირი არათავისუფალ ადამიანთან. დაოჯახებულებისთვის ივნისის მეორე ნახევარი შეიძლება ფსიქოლოგიურად რთული იყოს. შეიძლება შეგხვდეთ სხვადასხვა სირთულე, გაუგებრობები და ზოგიერთ შემთხვევაში თქვენი პარტნიორის საიდუმლოებებიც კი გამოვლინდეს. ეცადეთ, მშვიდად და მშვიდობიანად გაერკვეთ სიტუაციაში. ეს საშუალებას მოგცემთ კიდევ უფრო გააღრმაოთ ურთიერთობა და გაამრავალფეროვნოთ თქვენი ინტიმური ცხოვრება. უფრო მეტად იზრუნეთ ერთმანეთზე.

ჯანმრთელობა და აქტიურობა

შეიძლება ქრონიკული დაავადებები გაგიუარესდეთ, ამიტომ იყავით უფრო ყურადღებიანი თქვენი ჯანმრთელობის მიმართ. ყურადღება მიაქციეთ კვებასაც. დაიცავით დიეტა და დასვენების გრაფიკი. მოერიდეთ საკვებს, რომელიც საზიანოა თქვენი ორგანიზმისთვის. კარგი იქნება შემწვარი ჩაანაცვლოთ ორთქლზე მოხარშულით; შაქარი და ტკბილი ნამცხვრები ხილითა და ჩირით. თუ ვარჯიშის დაწყებას აპირებთ, უმჯობესია ტრენერისგან რჩევები მიიღოთ. სიცხემ და ფიზიკურმა მუშაობამ შეიძლება გამოიწვიოს დაღლილობა. თუ რამე გაწუხებთ, ეწვიეთ თერაპევტს.

6 ივნისის შემდეგ გააქტიურდება პარტნიორული საკითხები, როგორც ბიზნესში, ასევე პირად ცხოვრებაში. თუ მარტოხელა ხართ, მაშინ ეს კარგი დროა, რომ დაიწყოთ სწორი ადამიანის ძებნა. მეტი დრო გაატარეთ ხალხში, განაახლეთ ფოტოები სოციალურ ქსელებში, შეცვალეთ გარდერობი. თუ საყვარელი ადამიანი გყავთ, მაშინ შეგიძლიათ დაქორწინება ან ერთად ცხოვრება გადაწყვიტოთ. ნებისმიერ შემთხვევაში, თქვენს ურთიერთობაში ცვლილებები მოხდება. სამსახურშიც გააქტიურდებით. მოგიწევთ ბევრი კომუნიკაცია, გადაადგილება და მოლაპარაკება. თუ კლიენტებთან მუშაობთ, ეს შეიძლება იყოს დაძაბული პერიოდი. ზოგიერთი გადაწყვეტთ სამუშაოს შეცვლას და ახალი პარტნიორის პოვნას ერთობლივი საქმიანობისთვის. შეიძლება ვინმემ საინტერესო შეთავაზება მოგაწოდოთ.

23 ივნისის შემდეგ უნდა გაუმკლავდეთ ფულთან და შემოსავლებთან დაკავშირებულ საკითხებს. შესაძლოა ვინმესთან კონტრაქტი დასრულდეს. შეიძენთ იმას, რასაც ადრე გეგმავდით. ეს ხელსაყრელი პერიოდია ბიუჯეტის დასაგეგმადაც. მოგიწევთ ვინმეს ფინანსური, მორალური ან ფიზიკური დახმარება, მხარდაჭერა. ზოგისთვის უსახსრობისა და უმუშევრობის პერიოდი დასრულდება, იპოვით დამატებითი შემოსავლის წყაროს. ერთი სიტყვით, ფულთან დაკავშირებული რთული სიტუაციები მოგვარდება.