იყავით ყურადღებიანი დეტალების მიმართ და შეეცადეთ აკონტროლოთ ემოციები - კვირის მნიშვნელოვანი ასტროლოგიური მოვლენები

2024 წლის ბოლო კვირა ენერგიული და დინამიკურია. ეს არის მზადება ცხოვრების ახალი თავის დასაწყებად. დაგროვილი დაძაბულობა მოითხოვს გათავისუფლებას აქტიური მოქმედებებითა და ღრმა შინაგანი გარდაქმნებით. 31 დეკემბრამდე შეგიძლიათ მოიცილოთ ძველი ნივთები, დაასრულოთ დაწყებული საქმეები. 31-ში კი ახალმთვარეობა გველოდება და ჩამოწეროთ ახალი მიზნები და სურვილები. თუმცა, ამაზე მოგვიანებით. ახლა კი განვიხილოთ კვირის მნიშვნელოვანი მოვლენები.

26-27 დეკემბერს მერკურის, სატურნისა და რეტროგრადული იუპიტერის დაძაბული ასპექტი გველოდება. კვირის მეორე ნახევარში იქნება დაძაბული სიტუაციები, რომლებიც მოითხოვს მოთმინებას, ცნობიერებას და მოქნილობას. გადახედეთ გეგმებს, იდეებს. შეიძლება შეგეცვალოთ შეხედულებები ბევრ რამეზე. უნდა გადავჭრათ დიდი ხნის პრობლემები და დავძლიოთ შინაგანი წინააღმდეგობები. ასევე შეძლებთ დაინახოთ ფარული დაბრკოლებები და გათავისუფლდეთ იმისგან, რაც ხელს გიშლით წინსვლასა და ზრდაში.

28 დეკემბერს ვენერა დაძაბულობაშია რეტრო ურანთან. ემოციური დაუცველობა იზრდება. იზრდება მარტოობის, მედიტაციის ან საკუთარი თავის შემოქმედებითად გამოხატვის მოთხოვნილება. ერთი მხრივ, ასპექტი ადამიანს წარმოსახვის მდიდარ შინაგან სამყაროს უხსნის. ეს შესანიშნავი დროა მხატვრების, მუსიკოსებისა და მწერლებისთვის შთაგონების მოსაძებნად. თუმცა, მნიშვნელოვანია სიზმრებსა და რეალობას შორის ბალანსის დაცვა, რათა არ დაკარგოს კონტაქტი ცხოვრების ობიექტურ რეალობასთან.

დაბოლოს, ამ კვირას მოაქვს დაძაბულობა, მაგრამ ასევე ზრდისა და განვითარების შესაძლებლობა. იყავით მომთმენი, ყურადღებიანი დეტალების მიმართ და შეეცადეთ თქვენი ემოციები აკონტროლოთ.

ბედნიერ კვირას გისურვებთ!