იყავით გააზრებული თქვენს სიტყვებსა და ქმედებებში, გაფილტრეთ მიღებული ინფორმაცია, გამონახეთ დრო რომანტიკის და შემოქმედებისთვის ანუ 7-13 ოქტომბრის მნიშვნელოვანი ასტროლოგიური მოვლენები
პლანეტები იუპიტერი და პლუტონი მთელი კვირის განმავლობაში სტაციონარულები იქნებიან, რაც ხელს უწყობს გარე ფიზიკური და სოციალური აქტივობის შენელებას, მაგრამ ამ დროს ხდება ღრმა გარდაქმნები ძალაუფლებისა და ფინანსების სფეროებში, რაც აშკარა გახდება შემოდგომის ბოლოს. იცვლება ცხოვრებისეული პრინციპები, უმაღლესი მნიშვნელობები და იდეოლოგია.
კვირა გამორჩეული იქნება როგორც დაძაბული ასპექტებით, რომლებიც გავლენას მოახდენს კომუნიკაციებსა და კონფლიქტებზე, ასევე ხელსაყრელი მომენტებით რომანტიკული ურთიერთობებისთვის. მათთვის, ვინც საზღვარგარეთ იმყოფება და დოკუმენტების მიღებას ელოდება, ცოტა გართულდება სიტუაცია. მნიშვნელოვანია იყოთ მშვიდი და გააზრებული თქვენს სიტყვებსა და ქმედებებში, რადგან ყველა სფეროში გამწვავების რისკი მნიშვნელოვნად იზრდება.
8 და 9 ოქტომბერს მარსსა და ვენერას შორის ჰარმონიული ასპექტი განვითარდება, რაც ხელსაყრელ პირობებს შექმნის რომანტიკისა და სიყვარულისთვის. იმავე დღეს მერკური ჰარმონიულ ასპექტშია იუპიტერთან – პლანეტები აძლიერებენ შემოქმედებით პოტენციალს, ხსნიან გზებს და ყველა საჭირო კარს. კარგი დღეა იურიდიული რჩევის მისაღებად, ბიზნესსაკითხების გადასაჭრელად, ეფექტური ლოგისტიკის დასამყარებლად, შემოქმედებისა და ხელოვნების სხვადასხვა სფეროში ჩართვისთვის.
13 ოქტომბერს მერკური პლუტონთან დაძაბულ ასპექტში იქნება, იქნება და იმავე დღეს მორიელის ნიშანში გადავა. ამ დღეს ჯობია ბევრი პროცესი შეაჩეროთ, უფრო მოკრძალებული და ფრთხილად იყოთ განცხადებებში. 3 ნოემბრამდე ფსიქოლოგიური კლიმატი საკმაოდ აგრესიულია, მაგრამ ამავდროულად მძაფრდება სხვა ადამიანების საიდუმლოებებისა და მოტივების ამოცნობის სურვილი. არაა გამორიცხული ცხელ გულზე თქვათ რაღაც, რამაც გამოიწვიოს ტრანსფორმაცია: მოვლენების, ადამიანური ფაქტორის. ყურადღებით იყავით საბუთების გაფორმებისას, ვაჭრობისას.
კვირის ბოლოს კი შეიძლება მივიღოთ უამრავი ინფორმაცია. კონტაქტების სიმრავლემ და სხვა ადამიანების გავლენამ შეიძლება ჩვენზე ზეწოლა მოახდინოს. ასეთ მომენტებში მნიშვნელოვანია ინფორმაციის გაფილტვრა და მხოლოდ იმის არჩევა, რაც ნამდვილად საჭირო და სასარგებლოა. ასევე უნდა იყოთ შერჩევითი სხვა ადამიანებთან ურთიერთობისას.
ბედნიერ კვირას გისურვებთ!