დეტალებზე გადაჭარბებულმა ყურადღებამ შეიძლება შეზღუდოს წინსვლა - 6-12 იანვრის ასტროლოგიური მოვლენები
6 იანვარს მერკური და ნეპტუნი ქმნიან დაძაბულ ასპექტს, - საკმაოდ რთულ ფსიქოლოგიურ კლიმატს. ამ დღეს კომუნიკაციის ეფექტურობა იკლებს, რადგან ადამიანები უფრო დაუცველები და შეურაცხყოფისკენ მიდრეკილნი ხდებიან. მარტივად რომ აგიხსნათ, გარშემო მყოფებს არ ესმით რასაც ამბობთ. ამასთან არის ილუზიებში გადავარდნის ალბათობა. ასპექტი აქტიური იქნება კიდევ 2-3 დღე.
8 იანვარს მერკური თხის რქაში გადავა 28 იანვრამდე, ყურადღებას გაამახვილებთ კონკრეტულ ამოცანებზე, დაგეგმვასა და კომპლექსური საკითხების გადაწყვეტაზე. ამ დროს ფსიქიკური პროცესები და კომუნიკაციები სერიოზულ, საქმიან ხასიათს იძენს. თხის რქაში მერკურის ენერგია ხელს უწყობს რეალისტური გეგმების შედგენას, ფინანსურ დოკუმენტებთან მუშაობას და გრძელვადიანი პროექტების განხორციელებას.
11 იანვარს სელენა, მას თეთრ მთვარესაც უწოდებენ, კირჩხიბის ნიშანში გადავა 7 თვით. სელენა, ანუ თეთრი მთვარე, სიმბოლოა სიკეთის, დაცვას და ნათელი გზის. ის გვეხმარება საუკეთესო თვისებების გამოვლენაში, გვიცავს ნეგატივისგან. სელენა ასოცირდებოდა სინაზესთან, სიბრძნესთან და მზრუნველობასთან. მალავს ნაკლოვანებებს და აღვიძებს ფანტაზიას. განასახიერებს ქვეცნობიერის, ინტუიციის და დაცვის ნათელ მხარეს. ასტროლოგიაში თეთრი მთვარე (სელენა) წარმოადგენს კარმულ დაცვას და სინათლის ენერგიას. იგი ითვლება დაგროვილი სიკეთისა და უმაღლესი ძალების მხარდაჭერის სიმბოლოდ, რომელიც ეხმარება ადამიანს ცხოვრების გზაზე.
კირჩხიბი კი, სადაც სელენა გადადის, ზოდიაქოს წრის მეოთხე ნიშანია, რომელიც მიეკუთვნება წყლის სტიქიას, ეს არის ღრმა ემოციურობის, ოჯახის, სახლის, ტრადიციებისა და შინაგანი ჰარმონიის, ინტუიციისა და ზრუნვის ნიშანი. მომდევნო 7 თვის განმავლობაში მნიშვნელოვანი გახდება გრძნობების გამოხატვა და საყვარელი ადამიანების მხარდაჭერა. გაძლიერდება ადამიანური კავშირები, სულიერი ფესვები; ზრუნვა, ინტუიცია და ემოციურ სიახლოვე.
2025 წლის 12 იანვრიდან კარმული კვანძები ქალწული-თევზების ღერძზე გადადიან მომდევნო 1,5 წლით. ასევე ამ დღეს, მარსისა და ნეპტუნის ჰარმონიული ასპექტი საშუალებას გაძლევთ შეუფერხებლად გადააკეთოთ ძველი ისტორიები ახლებურად და მოერგოთ ახალ ცხოვრებისეულ რეალობას.
აღმავალი მთვარის კვანძი თევზებში გაგვიძლიერებს ინტუიციას, მოგვიტანს სულიერად განვითარების მოთხოვნას და სიცოცხლის დინებას ნდობის უნარს. გვაიძულებს ვეძიოთ უფრო ღრმა მნიშვნელობა, თავი დავანებოთ კონტროლს და გავხსნათ ჩვენი გული თანაგრძნობისა და სიყვარულისთვის. ეს არის დრო, როდესაც მნიშვნელოვანია ოცნებები, კრეატიულობა და იმის გაგება, რომ რაციონალური სამყაროს საზღვრებს მიღმა დევს ახალი შესაძლებლობები. ხოლო დაღმავალი კვანძი ქალწულში შეგვახსენებს, რომ წინსვლისთვის აუცილებელია პერფექციონიზმის, კრიტიკის და წვრილმანებისადმი მიჯაჭვულობის მიტოვება. მიუხედავად იმისა, რომ წესრიგი და სტრუქტურა მნიშვნელოვანი რჩება, დეტალებზე გადაჭარბებულმა ყურადღებამ შეიძლება შეზღუდოს წინსვლა. ეს კარმული კვანძი გვასწავლის დაბალანსებას პრაქტიკულობასა და ნდობას შორის, არ დაგვავიწყდეს, რომ ცხოვრება ყოველთვის არ ემორჩილება ლოგიკას.
ბედნიერ კვირას გისურვებთ!