მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დედა-შვილის თავსებადობა ზოდიაქო ნიშნის მიხედვით: როგორი დედაა კურო
13:29 / 01-11-2023
დედა კურო ვერძი შვილი
კურო ბუნებით დინჯი, წესრიგისა და სიმშვიდის მოყვარულია, შვილი ვერძი მის ცხოვრებაში დაბადებიდან ქაოსს და თავის ტკივილს შემოტანს, ამიტომ ხშირად იქნება დედა-შვილს შორის დაძაბულობა, ძირითადად ვერძისთვის დამახასიათებელი დაუფიქრებელი საქციელის გამო. რასაც პატარა ასაკში შუბლზე კოპი, დიდობაში კი გაცილებით უფრო სერიოზული გართულებები მოჰყვება.
დედა კურო შვილი კურო
მათ შორის შეიძლება სრული იდილია სუფევდეს მანამ, სანამ ამ ორის შეხედულებები, რაიმე პრინციპულ ცხოვრებისეულ საკითხში არ გადაიკვეთება. სხვა მხრივ, დედა კურო პატარა ბოჩოლას ყოველმხრივ უზრუნველყოფს სტაბილური გარემოთი, გემრიელი სასმელ-საჭმელითა და ზრუნვით. ამასთან ერთად, ისინი შესანიშნავად შესძლებენ სოლიდური დანაზოგი დააგროვონ "შავი დღისთვის", ისე რომ ოჯახის მამა ამის შესახებ ბოლო წუთს გაიგებს.
დედა კურო შვილი ტყუპი
ჰაეროვანი, მოუსვენარი და ცვალებადი ტყუპი დედა კუროსთვის საკმაოდ ძნელად აღსაზრდელი შვილია. მას არ მოეწონება შვილის ჰიპერაქტიური ხასიათი, ამიტომ შეეცდება პატარა ასაკიდან მიაჩვიოს იგი წესრიგსა და სიმშვიდეს, რაც აბსოლუტურად უშედეგო საქციელია. საბოლოოდ, ტყუპი მაინც ისე მოიქცევა, როგორც თავად მოუხუშტურებს. აჯობებს დედა კურომ შვილის ორიგინალური აზროვნება რაიმე სასარგებლო პროფესიულ კალაპოტში მიმართოს, ამით იგი შვილს ძალიან დაეხმარება.
დედა კურო შვილი კირჩხიბი
ძალიან კარგი კავშირია. პატარა კირჩხიბი ბედნიერი, მშვიდი და გაწონასწორებული პიროვნება გაიზრდება, იმიტომ რომ დედა კუროსგან მიიღებს ზუსტად იმას, რაც მას ესაჭიროება – დედა მუდმივად იქნება მის გვერდით, როგორც ფიზიკურად, ისე ემოციური კუთხით. ერთადერთი პრობლემა რამაც შეიძლება უთანხმოება გამოიწვიოს, კირჩხიბის ცვალებადი ხასიათია, რაც სტაბილურობის მოყვარულ, გაწონაწორებულ კუროს გააღიზიანებს.
დედა კურო შვილი ლომი
მეტ-ნაკლებად პრობლემატური კავშირია. ლომი და კურო კვადრატურას ქმნის, ამიტომ დედა-შვილს შორის ხშირად იქნება კამათი უფრო დიდ ასაკში, როცა შვილი ლომი დედა კუროსგან ძვირად ღირებულ სამოსს, სოლიდური რაოდენობის ჯიბის ფულსა და დამოუკიდებლობას მოითხოვს. ამიტომ საჭიროა პატარა ასაკშივე მიაჩვიოს დედა კურომ თავისი ბოკვერი სხვებისთვის ანგარიშის გაწევას და შესაძლებლობების ფარგლებში ცხროვრებას.
დედა კურო შვილი ქალწული
ერთ-ერთი ჰარმონიული კავშირია. დედა კურო შვილი ქალწულის სახით შესანიშნავ თანამოაზრეს, დამხმარესა და მეგობარს შეიძენს პატარა ასაკიდან. შესაძლოა, ჩვილობისას იგი ცოტათი გააღიზიანოს ქალწულის გადამეტებულმა პრეტენზიულობამ კვების მიმართ, თუმცა მოგვიანებით კურო, შვილის მენიუს ზედმიწევნით შეისწავლის და პრობლემა აღარ იარსებებს.
დედა კურო სასწორი შვილი
საკმაოდ კარგი კავშირია. სასწორი, ისევე როგორც კურო ვენერით მართული ნიშანია, ამიტომ დედა კურო ადვილად მოახერხებს შეუქმნას შვილს ჰარმონიული, სტაბილური და მყუდრო გარემო, რაც პატარა სასწორს ჰაერივით ესაჭიროება. მას არც პატარა სასწორის სახელოვნებო ნიჭი გამოეპარება და სიამოვნებით შეუწყობს ხელს მას მონაცემების განვითარებაში.
დედა კურო შვილი მორიელი
საკმაოდ რთული კავშირია, გამომდინარე იქიდან, რომ მორიელი კუროს ოპოზიციურ ნიშანს წარმოადგენს. მორიელი პატარა ასაკიდანვე გააპროტესტებს დედა კუროს მცდელობას მის მაგივრად გადაწყვიტოს რამე. შესაბამისად, კუროს მცდელობა მორიელს რაიმე იძულების წესით გააკეთებინოს, მარცხისთვის იქნება განწირული. თუმცა პრობლემა ის გახლავთ, რომ კურო ბუნებით ჯიუტია, მორიელი კი ამაყი და პრინციპული, ამიტომ ამ ორს შორის აუცილებელი კომპრომისის გარეშე, შეიძლება დედაშვილური ურთიერთობა მთელი ცხოვრების ომად იქცეს.
დედა კურო შვილი მშვილდოსანი
მეტ-ნაკლებად ჰარმონიული კავშირია, თუკი პატარა მშვილდოსანი საკუთარი სიცელქითა და ჰიპერაქტიულობით ხშირად არ გამოიყვანს მოთმინებიდან, სიმყუდროვისა და წესრიგის მოყვარულ დედა კუროს. პრობლემას მშვილდოსნის მხრიდან გამოვლენილი უწესრიგობის და ქაოსის სიყვარულიც გამოიწვევს, რაც ძალიან გააღიზიანებს ბუნებით მოწესრიგებულ და უზომოდ ჰიგიენურ კუროს.
დედა კურო შვილი თხის რქა
შესანიშნავი ტანდემია. თხის რქა ბავშვი კურო დედაზე უკეთეს დედას ვერსად იპოვნის. იგი მისთვის საუკეთესო მეგობარი, თანამოაზრე და მხარდამჭერი იქნება მთელი სიცოცხლის მანძილზე. კურო კი თავის მხრივ ძალიან იამაყებს შვილი თხის რქის ამბიციურობით, მიზანმიმართულებითა და ნიჭიერებით.
დედა კურო შვილი მერწყული
საკმაოდ პრობლემატური კავშირია, იმ თვალსაზრისით, რომ პატარა მერწყულის ექსტრაორდინალური იდეები დედა კუროსთვის ყოველთვის გაუგებარი და მიუღებელი იქნება. იგი ვერც შვილის მხრიდან გამოვლენილ გადამეტებულ დამოუკიდებლობის მოთხოვნილებას აიტანს. კუროსთვის აუცილებელია ყველაფერი გეგმის მიხედვით, დალაგებულად და გათვლილად მიმდინარეობდეს. მის მიერ დაწყობილ გეგმებს კი პატარა მერწყული ყოველთვის თავდაყირა დააყენებს, ისევე როგორც დედის დალაგებულ სამზარულოს ან სასტუმრო ოთახს.
დედა კურო შვილი თევზი
თევზებისთვის კურო დედა პატარა ასაკში იდეალური დედა იქნება. იგი მაქსიმალურად უზრუნველყოფს მას სითბოს, ყურადღებისა და კომფორტის გარემოცვით. თუმცა უკვე დიდ ასაკში, შეეცდება შვილი ეკონომიურობასა და ფინანსებთან დაკავშირებით გონივრულ მოდგომას მიაჩვიოს, რაც ნაწილობრივ იქნება შესაძლებელი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
