დაფნის ფოთოლი ცხოვრების გაუმჯობესებაში დაგვეხმარება - რჩევები ქეთი ოდიშელისგან

ძველად რომაელები და ბერძნები დაფნას მაგიურ თვისებებს მიაწერდნენ, მას სხვადასხვა რიტუალებში იყენებდნენ და სჯეროდათ, რომ დაფნის ფოთოლს გამარჯვება, ბედნიერება და წარმატება მოჰქონდა.

დაფნა - ეს არის სისუფთავის, მიზანსწრაფულობის, ტრიუმფისა და უკვდავების სიმბოლო. ის არა მხოლოდ სასიცოცხლო ენერგიასა და წარმატებას იძლევა, არამედ სურვილებსაც ასრულებს.

ძველბერძნულ მითში, სინათლისა და ხელოვნების ღვთაება აპოლონს მშვენიერი ნიმფა-დაფნა შეუყვარდა. აპოლონი გოგონას მოსვენებას არ აძლევდა, ამიტომ სირცხვილისა და შეურაცხყოფისგან თავდასაცავად დაფნას მოუწია მამისთვის ეთხოვნა, რომ ის დაფნის ბუჩქად ექცია. მას შემდეგ დაფნა გახდა აპოლონის საყვარელი მცენარე: ის მისი ფოთლებით თავს იმკობდა, ასევე თავის ლირას აფორმებდა, ბრძოლაში გამარჯვებულებს, მუსიკოსებსა, მომღერლებს, პოეტებსა და მოცეკვავეებს დაფნის გვირგვინებით აჯილდოებდა.

დაფნის ჯადოსნური თვისებები:

1- დაწერეთ დაფნის ფურცელზე სურვილი, შემდეგ კი ის ცეცხლში ჩააგდეთ - ყველაფერი, რასაც ჩაიფიქრებთ დროთა განმავლობაში ახდება.

2 - სახლში ოთახის ყოველ კუთხეში (სადაც თქვენ და სხვა ოჯახის წევრები მეტ დროს ატარებთ) დააწყვეთ თითო დაფნის ფოთოლი, ის ავადმყოფობასა და ჯანმრთელობის პრობლემებს განდევნის.

3 - თუ დაფნის ფოთოლს მუდამ თან ატარებთ, ის დაგიცავთ უსიამოვნებებისა და უბედური შემთხვევებისგან.

4 - პოზიტიური ცვლილებების მოსაზიდად, თითებით დასრისეთ დაფნის ფოთოლი შეისუნთქეთ მისი არომატი, თან ხმამაღლა იმეორეთ თქვენი თხოვნა ზეციური ძალებისადმი.

5 - დაფნის ფოთოლი ბალიშის ქვეშ მოათავსეთ: ის სასიამოვნო სიზმრებს გამოგიგზავნით.

6 - დაფნის არომატი გადაღლილობისას დაგეხმარებათ, ასევე დამატებით ენერგიას მატებს მათ ვინც სპორტითაა დაკავებული.

7 - წარმატებას მოგიტანთ შესასვლელთან ფეხსაწმენდის ქვეშ მოთავსებული დაფნის 4 ფოთოლი. ისინი უნდა განალაგოთ ჯვარედინად, ყუნწებით ცენტრში, თვეში ერთხელ, ახალმთვარეობისას, ისინი ახალი ფოთლებით შეცვალეთ.

8 - იმისათვის , რომ ახალდაქორწინებულებს ბედნიერი ოჯახური ცხოვრება ჰქონდეთ, ქორწილის წინა ღამეს სასიძოსა და საპატარძლოს ფეხსაცმელში დებენ დაფნის ფოთოლს, დილით არ დაგავიწყდეთ მათ ამოღება და მადლიერება დახმარებისთვის.

9 - შესასვლელ კართან მიამაგრეთ 5 დაფნის ფოთოლი, რომელიც შეკრული იქნება წითელი ძაფით, ამ შემთხვევაში ამ სახლის მაცხოვრებლები საქმეში მუდმივად წარმატებულები იქნებიან.

10 - დაფნის ტოტი ახალშობილის საწოლთან მას გათვალვისგან დაიცავს.

11 - ფულის მოსაზიდად: აიღეთ დაფნის ერთი ფოთოლი, დააწვეთეთ მასზე ფორთოხლის ზეთი და დადეთ იქ, სადაც ჩვეულებრივ ინახავთ დანაზოგს, ეს ფოთოლი მოიზიდავს ახალ ფინანსებს, შემოსავალი დაიწყებს მატებას.

ჰიპოკრატე თავის ნაშრომში აღნიშნავდა, რომ თუ მშობიარეს გარშემო დაფნის ფოთლებს დაულაგებენ, მას სამშობიარო ტკივილები შეუმსუბუქდება და პროცესი მეტად მშვიდად ჩაივლის.

ასტროლოგი და ეზოტერიკოსი ქეთი ოდიშელი