მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩაიფიქრეთ სურვილი" - როგორ უნდა შევხვდეთ 20 მარტის გაზაფხულის ბუნიობას და ასტრონომიულ ახალ წელს, რომელიც მთელ წელზე მოახდენს გავლენას
19:46 / 18-03-2021
გაზაფხულის ბუნიობა 2021 წელს 20 მარტს, თბილისის დროით 13:38-ზე დგება . ამ დროს მზე თევზების ზოდიაქოს 30 გრადუსიდან გადადის ვერძის პირველ გრადუსში. სასურველია, ამ დღეს ისეთივე განწყობა შეიქმნათ, როგორც ახალ წელს. ეს არის კიდეც ახალი წელი - ასტროლოგიური და ასტრონომიული. ძველად სწორედ გაზაფხულის ბუნიობის შემდეგ გადიოდნენ მიწათმოქმედები სამუშაოდ. ბუნიობა ზოგიერთ აღმოსავლურ ქვეყანაში ოფიციალურ დღესასწაულად ითვლება. ნოვრუზი, ასე ეძახიან მას, ახალ დღეს ნიშნავს და ბუნების აღორძინებას სიმბოლოა.
ასტროლოგია შეისწავლის პლანეტების ციკლებს დედამიწასთან მიმართებაში. არსებობს 3 ყველაზე მნიშვნელოვანი ციკლი ჩვენი პლანეტისთვის: ყველაზე პატარა ციკლი დღე-ღამურია. რომლის წყალობითც ჩვენ გვაქვს დღე, შუადღე, საღამო და შუაღამე. საშუალო ციკლია მთვარის 28.5 დღის, ანუ პერიოდი ერთი ახალმთვარეობიდან მეორემდე. მესამე ციკლია 365-დღიანი ანუ წლიური, რომლის დროსაც მზე ოთხ მნიშვნელოვან წერილს გაივლის. ესენია გაზაფხულისა და შემოდგომის ბუნიობა და ზამთრისა და ზაფხულის მზებუდობა .
გაზაფხულის ბუნიობის დაწყებამდე, 20 მარტს, 10 წუთით ადრე მადლობა გადაუხადეთ წელს ყველა ცხოვრებისეული გაკვეთილისთვის . ზუსტ დროს კი ჩაიფიქრეთ თქვენთვის მნიშვნელოვანი სურვილი , რაც გინდათ, რომ მოხდეს თქვენს ცხოვრებაში ამ წელს. სასურველია, თუ კეთილ განწყობას და პოზიტივს მთელ სამყაროს გაუგზავნით. გახსოვდეთ, რაც უფრო მეტ სიკეთეს გაუგზავნით სამყაროს, მით მეტი დაგიბრუნდებათ. გამოასხივეთ სიყვარული, გაუგზავნეთ სამყაროს და ის აუცილებლად დაგიბრუნდებათ გაორმაგებული.
გაზაფხულის ბუნიობის მთვარის მერვე დღეს უწევს, რომლის სიმბოლოც ფენიქსი ან ცეცხლია . კარგი იქნება გაწმენდა ცეცხლით. აანთეთ სანთელი და შემოიარეთ საცხოვრებელი. ძველად ამ დღეს ეზოში კოცონს ანთებდნენ, მის გარშემო წრეზე ტრიალებდნენ და ცეცხლზე გადახტომის რიტუალიც ტარდებოდა.
ძველად გაზაფხულის ბუნიობამდე რამდენიმე დღით ადრე მარხვას ინახავდნენ, წინაპრებს მოიხსენიებდნენ და სახლებსა და გარშემო არსებულ ტერიტორიას ასუფთავებდნენ. ანუ ათავისუფლებდნენ ადგილს ახალი ენერგიის მისაღებად, ცხოვრების ახალი, სუფთა ფურცლიდან დასაწყებად. ძველად ამ დღეს აცხობდნენ ჩიტების ფორმის ორცხობილებს, ღებავდნენ კვერცხებს, უმასპინძლდებოდნენ ერთმანეთს. აგრეთვე არსებობს ასეთი რიტუალი, გაზაფხულის ბუნიობამდე შეგიძლიათ წყალში ჩაალბოთ თესლები, ბუნიობის დღეს კი მიწაში ჩარგოთ და სურვილიც ჩაიფიქროთ. წელს ბუნიობა მზარდი მთვარის პერიოდში დგება და ყველაფერი, რასაც დათესავთ, კარგად გაიზრდება.
როგორც უკვე იცით, ასტროლოგიურ ახალ წლამდე მზე თევზების ნიშანში იმყოფება , ეს არის მიმღეობის, მოთმინების, მიმტევებლობის, სიყვარულის სიმბოლო. თევზების ზოდიაქოს ბოლო 5 დღე განსაკუთრებულია, ის არის ერთი ციკლის დასასრულის და ახალში გადასვლის პერიოდი. ნუ გაგიკვირდებათ, თუ ამ დღეებში მოგემატებათ უგუნებობა, წარსულზე ფიქრი და განცდა; ზოგიერთმა შეიძლება ენერგიის ნაკლებობაც კი იგრძნოს. თითქოს დაუცველი ხართ, შიშები გიპყრობთ. ამ დღეებში გირჩევთ, უარი თქვათ ხორცპროდუქტების მიღებაზე. უპირატესობა ხილს, ბოსტნეულსა და მწვანილს მიანიჭოთ. კარგი იქნება ბალახების ჩაი. სასურველია სუფთა იყოთ ფიქრებით, სიტყვებით, სხეულით. გული, ქცევა და ტვინი მხოლოდ სიკეთისკენ გქონდეთ მომართული. გადახედეთ გასულ წელს, გამოიტანეთ დასკვნები. აპატიეთ თავად და ბოდიში მოუხადეთ მათ, ვისაც განზრახ თუ უნებურად აწყენინეთ, დაუშავეთ. მოიცილეთ ყველაფერი, რაც წინსვლისა და გამარჯვებაში გიშლით ხელს.
15-20 მარტს პერიოდს დელფინის დღეები ჰქვია და ამ პერიოდში დაბადებული ადამიანები განსაკუთრებულები, ინტუიციითა და სიბრძნით არიან განთქმულები. აქვთ უნარი, ამოხსნან ყველაზე რთული საიდუმლოებებიც კი. მათ უმაღლესი ძალები მფარველობენ. არიან ადამიანის სულისა და სხეულის უნიკალური მკურნალები. წაიკითხეთ სრულად
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
