ბედნიერებისა და წარმატების პლანეტა იუპიტერი 26 მაისიდან ტყუპის ზოდიაქოში გადადის - ხათუნა ნოელის ასტროლოგიური პროგნოზი
"ბედნიერებისა და წარმატების პლანეტა იუპიტერი 26 მაისიდან ტყუპის ზოდიაქოში გადადის. ის აქ 2025 წლის 10 ივნისამდე იმოძრავებს.
იუპიტერი სიმბოლოზირებს წარმატებას, სიმდიდრეს, გაფართოებას. ავტორიტეტს, აღიარებას, უმაღლეს განათლებას, თვალსაწიერის გაფართოებას, შორეულ მოგზაურობებს, ოპტიმიზმს, საზოგადოების მორალური ფასეულობების სისტემას.
თუმცა ტყუპში ძლიერი არაა, მაგრამ გარკვეულ შემთხვევებში მაინც შეუძლია ხელი შეგვიწყოს დასახული მიზნების მიღწევაში იქნება ეს სოციალური, თუ ბიზნესპროექტების განხორციელება. მით უფრო, თუკი ისინი ტყუპურ საქმიანობასთან ასოცირდებიან - კომუნიკაციების სფერო, სატრანსპორტო მიმართულებები, სწავლა ან სწავლება, საშუამავლო ბიზნესები და ასე შემდეგ.
გამორიცხული არც ისაა, რომ ამ ტრანზიტმა თქვენი ცხოვრების სხვა სფეროებზეც იმოქმედოს. ვისთვის კარგად და ვისთვის ცუდად, ბევრად არის დამოკიდებული იმაზე, თუ როგორი იუპიტერი გყავთ პირად რუკაში, რამდენად ჰარმონიულია, რა ნიშანში დგას, რეტროა თუ დირექტული და ასე შემდეგ…
ზოგადი შეფასებით, კარგი პერიოდი იქნება ტყუპისთვის, სასწორებისა და მერწყულებისათვის. ასევე მათთვის ვისაც ამ ნიშნებში ჰყავთ იუპიტერი. წაადგებათ მათაც, ვინც ლომის ან ვერძის ზოდიაქოს წარმომადგენლები არიან. პრობლემური შეიძლება იყოს მშვილდოსნებისთვის, თევზებისთვის, ქალწულებისთვის. დანარჩენებისთვის მეტ-ნაკლებად ნეიტრალურია, თუმცა კიდევ ვიმეორებ, გააჩნია პირად რუკას".