"ახლა წარმოქმნილმა დაპირისპირებამ, შესაძლოა, პარტნიორს საბოლოოდ დაგაშოროთ" - ასტროლოგი დღევანდელ სავსემთვარეობასა და მომდვნო 2 კვირაზე

3 აგვისტოს სავსემთვარეობაზე ასტროლოგი ხათუნა ნოელი სოციალურ ქსელში წერს. ასტროლოგის თქმით, მომდევნო 2 კვირის მანძილზე პარტნიორული ურთიერთობების, კონკურენციის და მტრების თემა იქნება ყველაზე მეტად წინ წამოწეული.

"3 აგვისტოს სავსემთვარეობა მერწყული-ლომის ღერძზე მე-12 გრადუსებზე გვექნება. პიკი თბილისის დროით 19:59-ზე უწევს.

სავსემთვარეობისას ორი მნათობი ურთიერთსაწინააღმდეგო ნიშნებში მოძრაობენ. შესაბამისად, ჩვენი ცნობიერი (მზე) და ქვეცნობიერი (მთვარე) ასეთივე ურთიერთსაწინააღმდეგო ენერგიებით იმართებიან, ამიტომ არის ხოლმე, რომ გონება და ემოციები ასეთ დღეებში ცოტა არ იყოს დაპირისპირებაში მოდიან ერთმანეთთან, თუმცა ეს ყველაზე არ ითქმის. ბევრი აღნიშნავს, რომ მასზე სავსებით არ მოქმედებენ მთვარის ფაზები. დიახ, უფრო მეტად პრაქტიკული, მიწის სტიქიიის დიდი დოზის მქონე ადამიანები ფაზებს სულაც არ გრძნობენ მტკივნეულად. პირიქით, ისინი ამ ცვლილებებს ფეხს უწყობენ ხოლმე და საკმაოდ წარმატებულადაც.

რა უნდა მივიღოთ მხედველობაში?

უცხოეთის ასტროლოგიური საიტებიდან გადმოწერილი პროგნოზები - არა. იქ რუკა სხვა სახლებს აჩვენებს, ჩვენთან სხვას.

ჩვენთან მზისა და მთვარის ოპოზიცია 1-7 სახლებში ხვდება. ესე იგი, პარტნიორული ურთიერთობების, კონკურენციის და მტრების თემა იქნება ყველაზე მეტად წინ წამოწეული მიმდინარე 2 კვირის მანძილზე. მაინცდამაინც ეგრევე კონფლიქტებზე ნუ იფიქრებთ, გვეყო კონფლიქტები. ეცადეთ, ეს პერიოდი თქვენს პარტნიორთან ერთად გაატაროთ, საერთო საქმე, ჰობი გამოიჩინოთ და ორი ''მე'' ასე გაამთლიანოთ. წინააღმდეგ შემთხვევაში, ახლა წარმოქმნილმა დაპირისპირებამ შესაძლოა თქვენი დუეტის დაშლაც მოიტანოს, ამაზე ურანი ''იზრუნებს'', რომელიც მზესთანაც და მთვარესთანაც ერთდროულად ქმნის კვადრატებს.

თუ მაინც მოგიწიათ დაპირისპირებაში ჩართვა, ნუ იქნებით ამ დაპირისპირების ინიციატორი თქვენ. მოუსმინეთ ადამიანებს, ეცადეთ გაერკვიოთ, იქნებ ცუდ რამეს სულაც არ გთავაზობენ.

მერკური მე-6 სახლში ხვდება - ანუ ფიქრები ყოველდღიურ რუტინას ეხება და არა გართობას. მითუმეტეს, ამჟამად მერკური დაზიანებულია. როგორც ჩანს, შვებულებების დრო ჯერ არ დამდგარა. წინააღმდეგ შემთხვევაში, შესაძლოა ჯანმრთელობის პრობლემებს გადავაწყდეთ. მცირეს, მაგრამ მაინც არასასიამოვნოს.

აი, სიყვარულის თემა - კიიიი. სიყვარული გამოიჩინეთ და რაც შეიძლება უხვად - ვენერაც და აღმავალი კვანძიც მე-5 სახლშია. დაუთმეთ დრო ბავშვებს, დაინტერესდით კულტურის სიახლეებით, ან სპორტით (უფრო ფიტნესით). გაიჩინეთ ჰობი.

ფინანსებს რაც შეეხება - ეს ორი კვირა არასტაბილური შეიძლება იყოს, ბევრი ფუჭი შრომა, ასევე მატერიალური ცდუნებები, ნაჩქარევად გაკეთებული შენაძენები, რატომ? - ლილიტი და მარსი მე-2 სახლში იყრიან თავს.

გზებზე - ფრთხილად - მე-3 ში დაზიანებული ურანია. მოუფრთხილდით თქვენი ინოვაციური იდეების შესახებ ინფორმაციის გაჟონვას. ტექნიკა შესაძლოა ასევე მწყობრიდან გამოვიდეს.

კარგი რა ხდება?

რასაც კარგად გავაკეთებთ და ერთმანეთს გავახარებთ - კარგიც ის იქნება. კეთილშობილური ზრახვები, ურთიერთდახმარების ხელის გაწვდენა, ქველმოქმედება. ამაზე პირველი - მე-12 სახლების სექსტილი იმუშავებს (ნეპტუნსა და იუპიტერს შორის).

აგვისტოს მე-2 ნახევარი ბევრად უფრო მშვიდი და სასიამოვნო იქნება - ვარსკვლავები გვპირდებიან, ისინი კი, ადამიანებისაგან განსხვავებით, პირობას არასდროს არღვევენ..."