არაა გამორიცხული საბედომ საკურთხეველთან მიგატოვოთ და ყოფილთან გაიქცეს, ანუ როდის დავგეგმოთ ქორწილი შემოდგომაზე
შემოდგომაზე თუ ქორწილი გაქვთ დაგეგმილი, გირჩევთ, საუკეთესო დღეები მოინიშნოთ. სხვათა შორის, ახალი ოჯახის შექმნაში თარიღს ძალიან დიდი მნიშვნელობა აქვს ამიტომ, გაეცანით სტატიას და გაიგეთ, როდის ჯობია ქორწინების ოფიციალურად გაფორმება.
სექტემბერი ქორწინებისთვის მთლად ხელსაყრელი თვეა რაა, მაგრამ თუ ძალიან გინდათ, აირჩიეთ პერიოდი 17 სექტემბრის ჩათვლით.
18 სექტემბრიდან 2 ოქტომბრის ჩათვლით დაბნელებათა შემოდგომის დერეფანი გველოდება, რომელიც ურთიერთობების სფეროში უსიამოვნო მოვლენებს შემოიტანს. რა თქმა უნდა, არავითარ შემთხვევაში არ უნდა აირჩიოთ ქორწინების თარიღი ამ პერიოდში.
დაბნელებები ნეგატიურო ფონის პარალელურად, 20 ნოემბრის ჩათვლით პლუტონი ბრუნდება თხის რქის ნიშანს და ქმნის ტრანსფორმაციულ სიტუაციებს ცხოვრების ყველა სფეროში. ალბათ, ბევრი წყვილი დაუსვამს წერტილი ურთიერთობას, თუ ის დიდი ხნის განმავლობაში არ ვითარდებოდა. ამიტომ, ესეც გაითვალისწინეთ.
2 ოქტომბერს სასწორში - პარტნიორების ნიშანში - მზის დაბნელების შემდეგ იწყება ნეიტრალური პერიოდი მნიშვნელოვანი გადაწყვეტილებების მიღების, ქორწინებისა და სხვა მნიშვნელოვანი ნაბიჯებისთვის. მაგრამ თუ შეგიძლიათ დაელოდოთ 20 ნოემბრამდე, მაშინ ნუ აჩქარდებით.
23 სექტემბრიდან 18 ოქტომბრამდე ვენერა მორიელში იქნება, რაც ქმნის ურთიერთობებში კრიზისს, უკმაყოფილების ატმოსფეროს. პარტნიორებში მოიმატებს პრეტენზიები, დრამები, ინტრიგები, ეჭვიანობა - ეს ყველაფერი ქმნის არაჯანსაღ კლიმატს ურთიერთობების სფეროში.
18 ოქტომბრიდან თვის ბოლომდე პერიოდი შედარებით ხელსაყრელია. ამ დროს ვენერა უკვე მშვილდოსანშია და ქმნის სადღესასწაულო ატმოსფეროს, აძლიერებს ოპტიმიზმს და რწმენას ნათელი მომავლის მიმართ.
ნოემბერი ქორწინებისთვის ყველაზე შესაფერისი თვეა მთელი შემოდგომის სეზონზე, განსაკუთრებით თვის მესამე დეკადა. ვენერას გადასვლა თხის რქაში 11 ნოემბრიდან ქმნის ზომიერ კლიმატს პირადი ურთიერთობების სფეროში. კარგი თვეა ხანდაზმული წყვილებისთვის, რომლებმაც გადაწყვიტეს დაქორწინება.
დეკემბერიც შესაფერისია ქორწინებისთვის, მთავარია, წარსულიდან მოულოდნელად გამოჩენილმა პიროვნებამ არ გადაგაწყვეტინოთ დღესასწაულის ჩაშლა. ამის თქმის უფლებას გვაძლევს მარსის რეტროგრადული მოძრაობა, რომელიც 7 დეკემბერს დაიწყება. არაა გამორიცხული საბედომ საკურთხეველთან მიგატოვოთ და ყოფილთან გაიქცეს.
დაბოლოს, ნუ დაგავიწყდებათ, რომ 2025 წლის გაზაფხულამდე ლილიტი (შავი მთვარე) პარტნიორობის ნიშანში - სასწორშია და ბადებს ურთიერთობების კარმულ თემებს. ამასთან, 2024 წელი ნაკიანია და მაინცდამაინც არახელსაყრელია დასაქორწინებლად, ასე ამბობდნენ ძველად, უბრალოდ, ოფიციალურად მაინც ნუ გააფორმებთ ქორწინებას.