მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აპრილის მნიშვნელოვანი ასტროლოგიური მოვლენები - შეინარჩუნეთ სიმშვიდე და იყავით ტოლერანტული გარშემო მყოფების მიმართ
21:40 / 31-03-2025
მარტზე არანაკლები ასტროლოგიური მოვლენები გველოდება აპრილში. ეს არის ცვლილებების, განახლებისა და ახალი შესაძლებლობების თვე; გამოფხიზლების, წარსულისგან გათავისუფლების და აქტიურ მოქმედებებზე გადასვლის პერიოდი. თუმცა, ნუ დაგვავიწყდება, რომ, 7-მდე მერკური, ხოლო ვენერა 13 აპრილამდე რეტროგრადულებია. ამ დრომდე რომანტიკული ნაცნობობა, დიდი ფინანსური ტრანზაქციები, ახალი სილამაზის პროცედურები უნდა დაივიწყოთ. 20 აპრილამდე კი მერკური ნეპტუნთან კავშირშია, რამაც შეიძლება უარყოფითად იმოქმედოს ყურადღებაზე და შესაძლოა ჩვენმა ტვინმა ვერ იმუშაოს გამართულად. მივყვეთ მოვლენებს თანმიმდევრულად:
- აპრილის პირველ კვირაში ზოგად ფონს ქმნის აღმავალი კვანძის, სატურნის, რეტროგრადული მერკურისა და რეტროგრადული ვენერას შეერთება თევზებში. ეს ღრმა კავშირი გვაიძულებს გავჩერდეთ, გავიხედოთ უკან და გადავხედოთ ჩვენს ცხოვრებას. ასპექტი ააქტიურებს კარმულ სიტუაციებს - წარსულის თემები ბრუნდება, განსაკუთრებით სიყვარულში, ფულში, კარიერაში. ეს მოიტანს ღრმა რეალიზაციას - გადახედეთ საკუთარ თავს, თქვენს საზღვრებს, ოცნებებს და სურვილებს. თევზები ინტუიციური ნიშანია. ამიტომ ლოგიკა სუსტდება აპრილის პირველ კვირაში და გრძნობები, შეგრძნებები და ბედისწერის ნიშნები უფრო მნიშვნელოვანი გახდება. გლობალურ დონეზე შესაძლებელია ძველი პოლიტიკური და ეკონომიკური თემები დაბრუნდეს და მორალის, სულიერებისა და ნდობის საკითხები კიდევ უფრო გამწვავდეს.
- 3 აპრილს სატურნისა და ურანის ჰარმონიული ასპექტი აერთიანებს ტრადიციასა და ინოვაციებს, სტრუქტურასა და ცვლილებების ენერგიებს. ეს ასპექტი წარმოადგენს იშვიათ შესაძლებლობას დააბალანსოთ ძველი და ახალი, შექმნათ პირობები პროგრესული ცვლილებებისთვის.
- 4 აპრილს მარსის ჰარმონიული ასპექტი სატურნთან ხელს უწყობს კონსტრუქციულ ქმედებებს და ოქროს შუალედის პოვნას ახალი წამოწყებებსა და სტაბილურობას შორის. ამ დღიდან შესაძლებელია ახალი იდეებისა და რეფორმების დანერგვა არსებულ სტრუქტურებში.
- 5 აპრილს ყალიბდება საინტერესო კონფიგურაცია სატურნს, ურანსა და მარსს შორის. მარსი არის ქმედება, ენერგია, ზოგჯერ დამანგრეველიც. ურანი წარმოადგენს ინოვაციებს, თავისუფლებას და უეცარ ცვლილებებს, ხოლო სატურნი უზრუნველყოფს მათ პრაქტიკულ განხორციელებას.
- 6 აპრილს მზისა და იუპიტერის ჰარმონიული ასპექტი ხელს შეუწყობს შესაძლებლობების გაფართოებას, განათლებას, უცხოეთის საკითხების მოგვარებას, დიდი ხნის ნანატრი დოკუმენტებისა და ნებართვების მოპოვებას. ამ სასიამოვნო ასპექტის გარდა, სამყარომ კიდევ ერთი სიურპრიზი მოგვიმზადა: 6-12 აპრილს ზემოთქმულ პლანეტებს უერთდებიან მერკური და რეტროგრადული ვენერა. ეს პლანეტები ხელს შეუწყობენ სიახლეების შეუფერხებლად დანერგვას ყოველდღიურ ცხოვრებაში. შესანიშნავი დროა სისტემების განახლებისთვის, ახალი ბიზნესის და გრძელვადიანი პროექტების დასაწყებად.
- 13 აპრილს სავსემთვარეობა გველოდება სასწორში 04:21. ყურადღება უნდა მიაქციოთ ბალანსისა და ჰარმონიის მიღწევას პირად და საქმიან ურთიერთობებში. ეს არის დრო, როდესაც მნიშვნელოვანია კომპრომისების ძიება, კონფლიქტების დასრულება და კავშირების გაძლიერება. სასწორის ენერგია ხელს უწყობს შინაგანი ბალანსის აღდგენას და სილამაზის შექმნას გარემომცველ სამყაროში. ამასთან, მთვარის დაძაბული კონფიგურაცია კირჩხიბში მყოფ მარსთან და თევზებში სატურნთან ერთად მყოფი სტაციონარული ვენერა (სასწორის მმართველი პლანეტა, სადაც სავსემთვარეობა ხდება) წარმოქმნის იმპულსურობას, დაუფიქრებელ ქმედებებს, მომატებულ მგრძნობელობას და ემოციების ადეკვატურად გამოხატვის უუნარობასაც კი. ამიტომ, მნიშვნელოვანია, ამ დღეს (პლუს/მინუს 2 დღე) მოაწესრიგოთ თქვენი შინაგანი სამყარო, შეინარჩუნოთ სიმშვიდე და იყოთ მეტად ტოლერანტული გარშემო მყოფების მიმართ.
- 16 აპრილს მერკური ვერძში გადავა. აჩქარდება აზროვნების პროცესები, შეძლებთ დიდი ხნის პრობლემების გადაჭრას და გააუმჯობესებთ ურთიერთობებს.
- 18 აპრილს მარსი გადავა ლომში და მაშინვე შექმნის ჰარმონიულ ასპექტს მერკურისთან - მოქმედებები გააზრებულია, გეგმები კი რეალობაში განხორციელდება. ბევრი რამ გახდება ნათელი და გასაგები, გამოჩნდება ჩამოყალიბდება კონკრეტული აზრები.
ამასთან, 18 აპრილიდან ყალიბდება მარსისა და პლუტონის დაპირისპირება (ზუსტი ასპექტი იქნება 26 აპრილს), რომელიც იძლევა სახიფათო და დესტრუქციულ სიტუაციებს, მზარდ სამხედრო და პოლიტიკურ დაპირისპირებას. 18 აპრილიდან თვის ბოლომდე ფონი ძალიან საგანგაშოა, მარსსა და პლუტონს შორის ასეთი დაპირისპირება უკვე იყო 2024 წლის დეკემბრის ბოლოს და გაიხსენეთ, რა ხდებოდა ამ პერიოდში თქვენს ცხოვრებაში, გარშემო, ზოგადად სამყაროში.
- 20 აპრილიდან მზე ერთი თვით იქნება კუროს ზოდიაქოში. კურო ფოკუსირებულია სტაბილურობასა და პრაქტიკულობაზე. ამ პერიოდში გვექნება კომფორტის, უსაფრთხოებისა და ცხოვრებით ტკბობის სურვილი.
- 21 აპრილს მერკური და პლუტონი ჰარმონიულ ასპექტში არიან, ხოლო 21-დან 24 აპრილამდე ვენერა და სატურნი თევზებში შეერთდებიან. დღე გამოირჩევა ძლიერი ენერგიით, რომელიც ორიენტირებულია ღრმა ცნობიერებაზე, პასუხისმგებლობასა და ჰარმონიაზე. ხელსაყრელი დღეა ინტელექტუალური მუშაობისთვის, ღრმა ანალიზისა და ფარული ჭეშმარიტების საპოვნელად. საერთაშორისო დონეზე არის სტრატეგიული კომუნიკაციის დამყარების დიდი შესაძლებლობა. პლანეტების ენერგიები ხელს უწყობს რთული საკითხების არსში ჩაწვდომას და ინტუიციის გამძაფრებას. იდეალური პერიოდია რთული მოლაპარაკებებისა და კვლევის დასაგეგმავად და ფარული შესაძლებლობების გამოსავლენად.
- 27 აპრილს, ახალმთვარეობა გველოდება კუროში 23:30 საათზე. იქნება სერიოზულობა და სტაბილურობა ურთიერთობების, შემოქმედებისა და ფინანსების სფეროში. ეს ახალმთვარეობა ხელს შეუწყობს ვალდებულებების გაძლიერებას, ემოციების დამუშავებას და ჰარმონიის შექმნას თქვენთვის მნიშვნელოვან სფეროებში. დღე შესაფერისია კავშირების გასაძლიერებლად, ნდობის გასამყარებლად და გრძელვადიანი პროექტების დასაგეგმად.
- 30 აპრილს ვენერა ვერძის ნიშანში გადავა და გაგვახსენებს საკამათო სიტუაციებს ურთიერთობებისა და მატერიალური ფასეულობების სფეროში. ასეთი ტრანზიტის დროს უფრო რთულია პროდუქტიული თანამშრომლობის დამყარება, რადგან ყველა საკუთარ სურვილებზეა ორიენტირებული; ეგოიზმი მძლავრობს. მეორე მხრივ, ტრანზიტი შთაგვაგონებს თავდაჯერებული ნაბიჯების გადადგმას ფინანსური და პირადი საკითხების მოსაგვარებლად.
ბედნიერ, მშვიდ და ჰარმონიულ აპრილს გისურვებთ!
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
