14
მარტიდღის ზოგადი ასტროლოგიური პროგნოზი
ამ ქალების უმეტესობა ვერც კი აცნობიერებს, რომ აქვთ შესაძლებლობა, წარმოუდგენელი გავლენა მოახდინონ მამაკაცებზე. ნახეთ, ხართ თუ არა საბედისწერო ქალების ოთხეულში:
ლომი
სასიყვარულო ურთიერთობებში ლომი ქალები არიან საინტერესო, ნაზი, ვნებიანი, მომხიბვლელნი და მიმზიდველნი. მათ არ შეუძლიათ უსიყვარულოდ ცხოვრება, სურთ, რომ უყვარდეთ, ოჯახის შექმნას და შვილების გაჩენას ცდილობენ. ისინი ყოველთვის არიან მამაკაცის ყურადღების ცენტრში. სკოლაშიც კი ყველაზე პოპულარულ გოგოებს შორის არიან.
ლომები თამამად გამოხატავენ ქალურობას, აკვირდებიან მოდის ტენდენციებს და აოცებენ მამაკაცებს ინტელექტით. გულის სიღრმეში უდარდელები და თავისუფლები არიან, ამიტომ მათი კომპანია ყოველთვის მარტივი და სახალისოა. მათი ოპტიმიზმისა და თანდაყოლილი ჭკუის წყალობით, ლომებს აქვთ კარგი ინტელექტი და შესანიშნავი იუმორის გრძნობა.
როდესაც ლომები ტოვებენ პარტნიორებს, ამ უკანასკნელის რეალობა ქრება. ისინი მოწყენილნი არიან, იხსენებენ ერთად გატარებულ წუთებს და ძალიან ენატრებათ ის დრო. ლომი ქალები შეიძლება ყველაზე ნათელი მოგონებების ნაწილი იყვნენ და წარუშლელი კვალი დატოვონ იმ ადამიანების მეხსიერებაში, ვისთანაც მათი ცხოვრების გზა გადაიკვეთა.
კირჩხიბი
კირჩხიბ ქალებს მამაკაცებში "მამის" ნახვა ურჩევნიათ. ურთიერთობის ეს მოდელი მათ იდეალურად შეეფერება, რადგან გულით მყიფე, სათუთი, დაუცველები არიან და ქვეცნობიერად ეძებენ მფარველსა და მეურვეს.
ამ ნიშნის ქალები ძალიან სენტიმენტალური, რომანტიკულები და დახვეწილნი არიან. მათ შეუძლიათ მიიპყრონ ნებისმიერი მამაკაცის მზერა, შთააგონონ მათში ზრუნვისა და სიყვარულის სურვილი. კირჩხიბი ქალები პარტნიორებს უფრო მგრძნობიარედ და ყურადღებით ეპყრობიან, ვიდრე ზოდიაქოს სხვა ნიშნები. ისინი ასხივებენ სიყვარულს, თანაგრძნობას და ერთგულებას.
ისინი ქმნიან სახლში კომფორტს, ზრუნავენ საყვარელი ადამიანის კომფორტზე, ყოველთვის ეხმარებიან, მხარს უჭერენ, აძლევენ რჩევებს ან გულწრფელ კომპლიმენტს გასამხნევებლად და განწყობის გასაუმჯობესებლად.
კირჩხიბი ქალს კარგად ესმის პარტნიორის ინტერესები და სურვილები, რაც ეხმარება მის გაოცებასა და გახარებაში. ამას მთელი გულით აკეთებს და გულწრფელად ბედნიერია, როცა საყვარელი ადამიანი თავს კარგად გრძნობს.
მამაკაცები ეჩვევიან მოდუნებულ ატმოსფეროს და კომუნიკაციის სიმარტივეს, ისინი ძალიან კარგად გრძნობენ თავს ასეთი თანამგზავრების გვერდით. ამ ნიშნის ქალის დაკარგვის შემდეგ მამაკაცი იტანჯება და დიდხანს იხსენებს მას მადლიერებით.
ქალწული
როცა ამბობენ, რომ ყველა წარმატებული მამაკაცის უკან დგას ქალი, რომელსაც სჯერა მისი და მხარს უჭერს, ეს ქალწული ქალია.
ერთი შეხედვით ქალწული ცივი და თავშეკავებულია, მაგრამ უფრო ახლოს გაცნობის შემდეგ ცხადი ხდება, რომ გულით რბილი და მგრძნობიარეები არიან. ქალწულებმა იციან თავდაუზოგავად სიყვარული, ყველაფერში მხარს უჭერენ რჩეულს და იზიარებენ მის ოცნებებსა და მისწრაფებებს.
ისინი ყოველთვის პირველ ადგილზე აყენებენ საყვარელი მამაკაცის ინტერესებს. ეხმარებიან, მხარს უჭერენ და განვითარების სტიმულს აძლევს. ქალწულების გვერდით მამაკაცები თავს ძლიერად, საჭიროდ და შეუცვლელად გრძნობენ. ქალწულები ეხმარებიან თავიანთ რჩეულს და შთააგონებენ მას, რომ ბევრს მიაღწიოs ცხოვრებაში. ქალწული შეუცვლელი თანამოაზრე და პარტნიორის მოკავშირეა ყველა საკითხში.
ერთხელ თუ იგრძნო ეს, მამაკაცს გაუჭირდება ქალწული ქალის შემცვლელის პოვნა. ის დიდხანს დაიტანჯება მისი გახსენებით.
მორიელი
მორიელი რთულ და იდუმალ ნიშნად ითვლება. მათ მოსწონთ საუბარი ღრმა და საინტერესო თემებზე, რაც ეხმარება სწრაფად ჩამოაყალიბონ ურთიერთობა. ისინი წარმოუდგენლად სენსუალურები და ნაზები, სექსუალურები და რომანტიკულები არიან. აერთიანებენ ინტელექტს, ვნებასა და ქარიზმას. ისინი გამომგონებლები არიან, უყვართ ექსპერიმენტები და მზად არიან გამოხატონ გრძნობები ყველაზე უჩვეულო ადგილებში. ვერ წარმოუდგენიათ ცხოვრება სპონტანურობის გარეშე. მშვიდი და რუტინული ცხოვრება მათთვის მოსაწყენია.
მორიელ ქალებს შეუძლიათ მამაკაცებთან ოსტატურად მანიპულირება მათთან მიახლოებით და მოულოდნელად დაშორებით. მათთან ურთიერთობა აიწონა-დაიწონას ჰგავს. ისინი კარგად გრძნობენ ადამიანებს, ხედავენ სიცრუეს და მოტყუებას. ისინი მართავენ პარტნიორს, გამოიცნობენ მის სურვილებსა და გრძნობებს. საყვარელ მამაკაცს ნამდვილ სასიყვარულო თავგადასავალს უწყობენ!
მათ ურთიერთობაში ყოველთვის არის უზარმაზარი ვნება. ყველაფერი იწვის და ანათებს, არასოდეს არის მოსაწყენი მომენტი - თუნდაც მრავალი წლის თანაცხოვრების შემდეგ.
გასაკვირია არაა, რომ ასეთი მძაფრი ემოციების შემდეგ მორიელ ქალთან დაშორება ძალიან მტკივნეული იქნება მამაკაცისთვის. მისი დავიწყება შეუძლებელია, მაშინაც კი, თუ ურთიერთობა არ გადაიზარდა სერიოზულ კავშირში, არამედ მხოლოდ მოკლევადიანი რომანი იყო.
