აგვისტოს ასტროლოგიური პროგნოზი მამაკაცი და ქალი ტყუპისთვის "ერთდროულად რამდენიმე პროექტში ჩაერთვებით"
საინტერესო და პოზიტიური თვე გელოდებათ. მოსაწყენად ვერ მოიცლით, უამრავი რამე გექნებათ გასაკეთებელი და სანახავი, ყოველდღე ახალი შთაბეჭდილება გელოდებათ. თავადაც იქნებით მომართული, რომ გაიმრავალფეროვნოთ ცხოვრება. ერთდროულად რამდენიმე პროექტში ჩაერთვებით, იყავით მომართული გამარჯვებაზე, მიიყვანეთ საქმეები ბოლომდე. გაიცნობთ უამრავ ადამიანს და ეცადეთ, მხოლოდ საუკეთესოებს დაუმეგობრდეთ. გახშირდება მივლინება, ახალი ცოდნის მიღების სურვილი. შეიძლება შეიცვალოთ სამსახური ან საცხოვრებელი. მეტი დრო გაატარეთ და-ძმების გვერდით. შეეხმიანეთ დიდი ხნის უნახავ მეგობრებს.
ბიზნესი, სამსახური
ენერგიული და აქტიური ხართ. იოლად ჩაერთვებით ახალ საქმეებში, პროექტებში. მოგინდებათ ინტელექტუალური დონის ამაღლება, ახალი ცოდნის მიღება. შეიძლება მეგობრებთან ერთად დაიწყოთ რამის შესწავლა. საქმიანი ურთიერთობების მეგობრულში გადაზრდა მოგინდებათ და პარტნიორებს ხშირად უმასპინძლებთ შინ. საქმეების პარალელურად უნდა მოაგვაროთ საოჯახო ვალდებულებები. აუსრულეთ მშობლებს დანაპირები. შეიძლება მოგიწიოთ ნათესავებზე ზრუნვამ, მოვლამ. შეიძინეთ საჭირო ნივთები სახლისთვის. შეიძლება საოჯახო ბიზნესში ჩაერთოთ. ზოგიერთმა შეიძლება სახლიდან მუშაობა გადაწყვიტოთ. გაფრთხილდით, არ დაკარგოთ მნიშვნელოვანი დოკუმენტები. 26 აგვისტოდან მოიმატებს გართობის, აქტიურობის პიკნიკებისა და ექსკურსიების სურვილი. გაგიმძაფრდებათ ინტერესი ჰობისადმი. ფრთხილად აზარტული თამაშებისადმი.
სიყვარული
აგვისტოს დასაწყისში გაგიუმჯობესდებათ მატერიალური მდგომარეობა. სამწუხაროდ, ფული და სიყვარული განუყრელია და ეცადეთ, მატერიალური საკითხების გამო არ გაიფუჭოთ დამოკიდებულება მეუღლესთან. შეიძლება რომანი გააბათ მეგობართან, დედმამიშვილის მეგობართან, თუნდაც, მეზობელთან. ნუ ააჩქარებთ მოვლენებს, დატკბით არსებული მდგომარეობით. დაწყვილებულები დაეხმარებით ერთმანეთს სირთულეების გადალახვაში. თქვენ შორის ურთიერთჰარმონია დაისადგურებს. გახშირდება ფლირტის, პაემნებზე სიარულის სურვილი. 11 აგვისტოდან საინტერესო შეხვედრების რაოდენობა იმატებს და რომანტიკული ნაცნობობისაც. თუმცა, თქვენი გადასწყვეტია, რამდენად გადაზრდით ურთიერთობას სერიოზულ, მყარ კავშირში.
ჯანმრთელობა და აქტიურობა
თვის პირველ დეკადაში დაზოგეთ ენერგია, ყველას გასაკეთებელს თქვენ ნუ შეეჭიდებით და ნურც ერთდროულად გააკეთებთ რამდენიმე საქმეს. იზრუნეთ იმუნიტეტის ამაღლებაზე, ხშირად განმარტოვდით და სიმშვიდეში დაისვენეთ. გაფრთხილდით, რომ არ გაგირთულდეთ ქრონიკული დაავადებები. შეამცირეთ ვარჯიშები, არ გირჩევთ გადატვირთვას. გაესინჯეთ ექიმს, ჩაიტარეთ გამოკვლევა, თუ ქრონიკული დაავადება გაწუხებთ. გაიუმჯობესეთ ძილის, კვების რეჟიმი. მიიღეთ ხილი და ბოსტნეული, მაგრამ კანგაცლილი. ისეირნეთ სუფთა ჰაერზე, თუნდაც, უახლოეს სკვერში, თუ ქალაქგარეთ ვერ ახერხებთ გასვლას. 20 აგვისტოდან ენერგიის მოზღვავებას იგრძნობთ.
12 აგვისტოს შემდეგ მოგინდებათ ცოდნის გაღრმავება, კვალიფიკაციის ამაღლება. უნდა დაასრულოთ დაწყებულ პროექტებზე მუშაობა. შეიძლება გაემგზავროთ საზღვარგარეთ. შეგეცვლებათ წარმოდგენები გარშემო მყოფებზე, არსებულ სიტუაციაზე.
27 აგვისტოს შემდეგ ისევ ოჯახზე უნდა იზრუნოთ; გაატარეთ მეტი დრო მშობლებთან; ხშირად მოიკითხეთ ისინი. გააუმჯობესეთ დამოკიდებულება ნათესავებთან. ჩაერთოთ საოჯახო საქმეებში. შეიძლება უძრავი ქონების მფლობელი გახდეთ.