აგვისტოს ასტროლოგიური პროგნოზი მამაკაცი და ქალი მშვილდოსნებისთვის "მოგინდებათ ცხოვრების ახლებურად, სუფთა ფურცლიდან დაწყება"
შესაძლებლობებისა და მიზნებს განხორციელების პერიოდი გეწყებათ. ნუ შეუშინდებით ცვლილებებს, მაგრამ ნურც საფრთხეში ჩაიგდებით საკუთარ თავს. გამონახეთ ოქროს შუალედი დაკვირვებულობასა და ავანტიურიზმს შორის. ზოგიერთს მოგინდებათ ცხოვრების ახლებურად, სუფთა ფურცლიდან დაწყება. ეს შეიძლება იყოს სამსახურს, საქმიანობის შეცვლა. ახალი რომანტიკული ურთიერთობა, უცხოელთან. ზოგიერთს გელოდებათ საინტერესო მოგზაურობა, მივლინება.
ბიზნესი, სამსახური
საქმიანობის, სამსახურის შეცვლა მოგინდებათ ან გააქტიურდებით, რომ დაწინაურდეთ. გააფორმებთ თქვენთვის მნიშვნელოვან ხელშეკრულებებს, მიიღებთ საჭირო დოკუმენტებს. აგრეთვე, მოგინდებათ საკუთარი ცოდნის სხვებისთვის გაზიარება. გამოჩნდებით საზოგადოებაში, ჩაერთვებით სოციალურ ცხოვრებაში. ნუ მოგერიდებათ საკუთარი აზრის ღიად დაფიქსირება. თქვენი იდეები გააცანით ზემდგომებს და გაქვთ შანსი, რომ დაგიფინანსონ პროექტი. 26 აგვისტოდან ყურადღების ცენტრში აღმოჩნდებით, მიიღებთ საჭირო ინფორმაციას, გაიჩენთ გავლენიან ნაცნობებს.
სიყვარული
თვის დასაწყისში მოერიდეთ რისკსა და ექსტრიმს. გაფრთხილდით, მოჭარბებულმა ვნებიანობამ არ დაგაზარალოთ. უმეტესობას მოგინდებათ კარდინალური ცვლილებები პირად ცხოვრებაში. გამორიცხული არაა, გააბათ რომანი ხელმძღვანელობის წარმომადგენელთან, ცნობილ ადამიანთან. არ გირჩევთ დასკვნების ნაჩქარევად მიღებას, თავად რომ არ დაზარალდეთ. 11 აგვისტოს შემდეგ გახშირდება მიმოსვლა, მივლინება, მოგზაურობა, საზღვარგარეთაც. შეყვარებულებმა მოიწყვეთ რომანტიკული დღეები უცხოეთის კურორტებზე. გარემოს ცვლილება დიდი ხნის დაქორწინებულებსაც წაგადგებათ. არ გირჩევთ ყოფილებზე ფიქრს და მით უმეტეს, მათთან შერგებაზე დაფიქრებას. შეიძლება შემოგემატოთ ოჯახში ახალი წევრი. ზოგიერთ მშვილდოსანი კი ან მეორედ იქორწინებს ან სამოქალაქო ქორწინებას გააოფიციალურებს.
ჯანმრთელობა და აქტიურობა
ენერგიის, ხალისის მომატებას იგრძნობთ. მეტი დრო უნდა დაუთმოთ საყოფაცხოვრებო საკითხების მოგვარებას. იზრუნეთ ბინის რემონტზე, საცხოვრებელი პირობების გაუმჯობესებაზე. ჩაიტარეთ სრული სამედიცინო კვლევა. თუ ქრონიკული დაავადებები გაწუხებთ, გაესინჯეთ მკურნალ ექიმს. მინიმუმამდე შეამცირეთ ცხიმიანი, შემწვარი საკვების მიღება, ალკოჰოლი. ფიზიკური დატვირთვა უნდა იყოს ზომიერი და უსაფრთხო.
12 აგვისტოს შემდეგ უნდა დაასრულოთ ავტომობილის, საყოფაცხოვრებო ან კომპიუტერული ტექნიკის რემონტი. იზრუნეთ ურთიერთობის გაუმჯობესებაზე ნათესავებთან, მეზობლებთან.
27 აგვისტოს შემდეგ დაისახეთ კონკრეტული მიზნები, იყავით მომართული კარიერულ წინსვლაზე, ბიზნესის გაფართოებაზე. გადაამოწმეთ ყველა ინფორმაცია და დოკუმენტი, რომელსაც მიიღებთ და რომელიც უნდა გასცეთ.