ადამიანები უფრო გაღიზიანებული და შეუწყნარებლები გახდებიან სხვების მიმართ, გახშირებულია ინციდენტები და დაპირისპირებები ანუ ვისზე იმოქმედებს წლის დამაგვირგვინებელი სავსემთვარეობა ტყუპში ყველაზე მეტად

2024 წლის 15 დეკემბერს 13:01-ზე წლის ბოლო სავსემთვარეობა გველოდება ტყუპში. ამ დღის მოვლენებს მომდევნო ორი კვირის განმავლობაში ექნება გავლენა ანუ ახალმთვარეობამდე თხის რქაში, 2024 წლის 31 დეკემბრამდე. 15 დეკემბერს მზე და მთვარე ერთმანეთის მოპირდაპირე ნიშნებშია განლაგებული: მზე მშვილდოსანში, მთვარე - ტყუპში. სავსემთვარეობის ტენდენციები მიუთითებს კონფლიქტურ გარემოებებზე და გაურკვეველ სიტუაციებზე. გვაქვს სამი რეტროგრადული პლანეტა: იუპიტერი ტყუპში, მარსი ლომში და მერკური მშვილდოსანში. პლანეტების დაძაბულმა კონფიგურაციამ შეიძლება გამოიწვიოს დაბნეულობა, ემოციები და გრძნობები ბობოქრობს. ეს არის ემოციური ქარიშხლებისა და აღვირახსნილი ვნებების დრო. კარგია ინტუიციაზე დაყრდნობით მოქმედება.

ამ დღეს და მომდევნო 2 კვირის განმავლობაში არ გირჩევთ ნაჩქარევი და დაუფიქრებელი გადაწყვეტილებების მიღებას. ადამიანებს თითქოს არ ესმით ერთმანეთის: კომუნიკაცია ჰგავს „გაფუჭებულ ტელეფონს“ - ინფორმაცია და ნათქვამის მნიშვნელობა დამახინჯებულია. კომუნიკაციებმა შეიძლება გამოიწვიოს გაუგებრობა და ჩხუბი.

საქმეები გაჩერებულია და აქტიური მოქმედებებისთვის ძალა არ არის, თითქოს ერთ ადგილს ტკეპნით და წინ ვერ მიდიხართ. უმეტესობა უკმაყოფილოა საკუთარი თავის და ცხოვრების. ადამიანები ხდებიან უფრო გაღიზიანებული და შეუწყნარებლები სხვების მიმართ. გახშირებულია ინციდენტები და დაპირისპირებები.

ადამიანი თითქოს მზადაა ცვლილებებისთვის, მაგრამ ჯერ კიდევ არ არის საკუთარ თავში ბოლომდე დარწმუნებული. მოვლენის დონეზე, ეს არის უთანხმოების გაგრძელება და საკუთარი ინტერესების დაცვა. სიტუაცია მოგვიანებით წავა წინ, მაგრამ შედეგი დამოკიდებულია პირად არჩევანსა და მიზნებზე.

შესაძლებელია ურთიერთობის გაუარესება მეზობელ სახელმწიფოებთან და ზოგადად საერთაშორისო პოლიტიკაში.

პლანეტების ასპექტაცია მოგიწოდებთ, რომ გადაიხადოთ გადასახადები. მოიცილოთ ის, რაც არ გაძლევთ წინსვლის საშუალებას. ამასთან გაფრთხილდით, მცირე უსიამოვნება გაუგებრობამდე და ჩხუბამდე მიგვიყვანს. მკვეთრი ზომებისა და აქტიური მოქმედების დრო ჯერ არაა, მაგრამ პასუხისმგებლობის გამოვლენის დრო დადგა.

ინტუიცია და საკუთარი დაკვირვებები დაგეხმარებათ სიტუაციაში გარკვევაში და შემდგომი ქცევის სტრატეგიის განსაზღვრაში. მთავარია არ ჩავარდეთ ილუზიაში, არ მოიტყუოთ თავი და არ იჩქაროთ. სიტუაციის გარკვევა ეტაპობრივად დაიწყება, როცა რეტროგრადული მერკური მშვილდოსანში პირდაპირ მოძრაობას დაიწყებს 15 დეკემბრის შემდეგ.

ვისზე იმოქმედებს სავსემთვარეობა ტყუპში ყველაზე მეტად?

მათზე, ვისაც მზე ან მთვარე ჰყავს ტყუპის, მშვილდოსნის, ქალწულისა და თევზების ზოდიაქოებში.

ვისაც მნიშვნელოვანი წერტილები ან სტელიუმი აქვს ტყუპში ან მშვილდოსანში. და მათზეც, ვისი რეტროგრადული მერკურიც მშვილდოსანშია ან რეტროგრადული მარსი - ლომში პირად რუკაში.

ბედნიერ სავსემთვარეობას გისურვებთ !