ადამიანები მიდრეკილნი არიან აგრესიული ქმედებებისა და რისკებისკენ ანუ კვირის მნიშვნელოვანი ასტროლოგიური მოვლენები

28 ოქტომბრის-3 ნოემბრის შუალედში პლანეტების დაძაბული ასპექტები ქმნის გარკვეულ დინამიკას, რამაც შეიძლება გამოიწვიოს როგორც შიდა, ასევე გარე დისკომფორტი. ამ ფონზე, ემოციური გამოცდილება შეიძლება უფრო ინტენსიური გახდეს. ეს არის თვითჩაღრმავების, გადახედვის, ანალიზისა და ტრანსფორმაციის პერიოდი.

კვირის პირველ ნახევარში ვენერა და რეტრო სატურნი "კონფლიქტში" არიან. რის გამოც გადაუჭრელი პრობლემები ზედაპირზე ამოდის. ამ რთული ენერგიების გავლენის ქვეშ, ბევრი ადამიანი უფრო მგრძნობიარე ხდება. ბევრიც თავს უფრო დაუცველად გრძნობს, მათთვის უფრო რთულია ემოციების კონტროლი და ზოგიერთის განწყობა შეიძლება მკვეთრად შეიცვალოს ყოველგვარი მიზეზის გარეშე.

მერკურის დაპირისპირება რეტრო ურანთან შექმნის პრობლემებს და გაურკვევლობას. შფოთვა, არასტაბილურობის განცდა, ფიზიკური გადაღლა და სტრესი ხელს არ უწყობს პროდუქტიულ აქტივობას, ამიტომ უმჯობესია ამ კვირაში დაგეგმოთ ის აქტივობები, რომელიც არ საჭიროებს პასუხისმგებელ ინტელექტუალურ მუშაობას.

ერთადერთი მეტ-ნაკლებად ხელსაყრელი დღე ხუთშაბათია. 31 ოქტომბერს, მერკური რეტრო ნეპტუნთან ჰარმონიულ ასპექტს ქმნის, რაც დაგვეხმარება მოდუნებას და დამშვიდებაში, ქარიშხალი გადაივლის.

1-ლ ნოემბერს მორიელში ახალმთვარეობას მოაქვს ახალი ენერგია, მეტად უნდა ჩაუღრმავდეთ საკუთარ თავს, განცდებს, კარგია ფსიქოლოგის, ეზოტერიკის შესწავლა და გამოყენება. ამასთან, ფრთხილად უნდა იყოთ, არ გახდეთ მანიპულატორების მსხვერპლი.

პირველი-3 ნოემბრის ჩათვლით მარსისა და პლუტონის დაპირისპირება საფრთხეს, კრიზისსა და საომარ პირობებს ქმნის. ადამიანები უფრო მიდრეკილნი არიან აგრესიული ქმედებებისა და რისკებისკენ. ენერგეტიკული დაძაბულობა ადამიანს უბიძგებს აქტიური და ხშირად აგრესიული მოქმედებისკენ, მაშინაც კი, თუ სიტუაცია მოითხოვს მეტ სიფრთხილეს. ამ დღეებში ძალიან ფრთხილად უნდა იყოთ!