7 ასტროლოგიური მოვლენა, რომელიც აპრილში ზოდიაქოს ყველა ნიშანზე იმოქმედებს - "გრანდიოზული ცვლილებები გველის"

კორონავირუსისი გამო, გაზაფხულის მეორე თვეს შინჩაკეტილები ვხვდებით. თუმცა, ცაზე მნიშვნელოვანი მოვლენები ხდება და სასურველია, ვიყოთ ინფორმირებულები, რათა მაქსიმალურად ფრთხილად დავიცვათ საკუთარი თავი და გარშემო მყოფები. აპრილში გველოდება რამდენიმე მნიშვნელოვანი მოვლენა, თუმცა, გამოვყოფთ 7 გრანდიოზულს.

• 30 მარტს - მარსი გადავიდა მერწყულის ზოდიაქში და იქ დარჩება 5 მაისამდე.
• 3 აპრილს - ვენერა ესტუმრება ტყუპის ზოდიაქს, სადაც დარჩება 7 აგვისტომდე.
• 5 აპრილი - იუპიტერი-პლუტონის პირველი შეერთება.
• 7 აპრილს - ფრთხილად უნდა ვიყოთ, რადგან მარსი ურანს უერთდება.
• 8 აპრილს - სავსემთვარეობა გველის სასწორის 19 გრადუსში.
• 23 აპრილი - ახალმთავრეობა კუროს მეხუთე გრადუსში.
• პლუტონის რეტროგრადული ფაზა 25 აპრილიდან 4 ოქტომბრის ჩათვლით.

აქვე შეგახსენებთ, რომ მზე ვერძის ზოდიაქოში იქნება 19 აპრილამდე , მერე გადავა კუროში .

მერკური ვერძის ზოდიაქოს ესტუმრება 11 აპრილს. ამ პერიოდიდან ადამიანები მეტად ყურადღებიანები გახდებიან ინფორმაციებისადმი და თევზებიდან მერკურის თავის დაღწევა მოგვცემს იმის ალბათობასაც, რომ საგრძნობლად შემცირდება ვირუსების ჰაერ-წვეთოვნით გავრცელების რაოდენობა . ამასთანავე, სწრაფად მოხდება მიღებული ინფორმაციების აღქმა, გამარტივდება სწავლის პროცესი, ადამიანებში მოიმატებს ახალი ინფორმაციების მოძიების სურვილი.

4 აპრილს იქნება მერკური-ნეპტუნის შეერთება და ეცადეთ, ფრთხილად იყოთ, ნეპტუნი მაინც ინფექციების აფეთქებაა. მოვლენებს ცოტა წინ გავუსწერებ და გეტყვით, რომ რეტროგრადული მერკურის პერიოდების დროს წყლის ნიშნებში ( კირჩხიბი, მორიელი და თევზები ) ანუ ივნისის ბოლო და ივლისის დასაწყისი და ოქტომბერის ბოლო და ნოემბრის დასაწყისში შეიძლება იყოს კორონავირუსის პატარ-პატარა აფეთქებები. ამიტომ ვიყოთ ფრთხილად და დავიცვათ უსაფრთხოების ნორმები, ინფორმირებული უკვე ხართ. ხოლო უკვე 27 აპრილს პლანეტა მერკური კუროს ზოდიაქოში გადაბრძანდება.

აქტიური მარსი მთელი აპრილი იქნება მერწყულის ზოდიაქოში (13 მაისს გადავა თევზებში). მერწყული არის ექსპერიმენტატორი, მკვლევარი, უყვარს ყველაფერი ახალი, უჩვეულო და მაღალტექნოლოგიური. კარგი შანსი გეძლევათ, ინტერნეტში მუშაობის, ახალი ტექნოლოგიების, გაჯეტების ათვისებისთვის. გარდა ამისა, მერწყული გუნდური მუშაობის მომხრეა და შეიძლება ინტერესთა პატარ-პატარა გუნდებში გაწევრდეთ (ან თავად შექმნათ ჯგუფები) და აქტიურად იმოქმედოთ.

სილამაზისა და სიყვარულის პლანტება ვენერა 3 აპრილს გადავა ტყუპის ზოდიაქოში და აქ დარჩება 7 აგვისტომდე. ალბათ გაგიკვირდებათ, რატომ ასე დიდხანს, რადგან აქ მოუწევს რეტროფაზა. ამ პერიოდში გახშირდება ვირტუალური ნაცნობობა. ამასთანავე, ტყუპის ვენერას ძალიან უყვარს ახალი ადამიანების გაცნობა, ახალი ინფორმაციების ათვისება, ახლის სწავლა. ამიტომ აპრილში, ინტერნეტ ფლირტის, ინფორმაციების მოძიების ნაკლებობა არ გექნებათ. თუმცა, გახსოვდეთ, რომ ტყუპის ვენერას ხშირად ეცვლება განწყობა, გემოვნება და შეხედულებები.

რაც შეეხება 5 აპრილს - იუპიტერი-პლუტონის შეერთებას ველოდებით. ეს ამ წელიწადში პირველია, გვექნება კიდევ 2 ასეთი. საერთოდ, ასეთი ასპექტი 12 წელიწადში ერთხელ ფიქსირდება . შეგახსენებთ, იუპიტერი დაკავშირებულია საერთაშორისო საქმეებთან, დიპლომატიასთან, საზღვარგარეთ მიმოსვლასთან, იურისპრუდენციასთან, აგრეთვე, უმაღლეს განათლებასთან. რადგან კარანტინის გამო საზღვრები ჩაკეტილია, პლუტონის გავლენით ყურადღება უნდა მივაქციოთ, ურთიერთობების განვითარებას, ცვლილებებს საერთაშორისო ეკონომიკაში და ყველაფერს, რაც უმაღლესი ცოდნის მიღებასთანაა კავშირში, რადგან აქ ხდება პლუტონისეული ტრანფორმაცია. ნუ დაგვავიწყდება, რომ იუპიტერი და პლუტონი ძმები არიან, რომლებსაც გაყოფილი აქვთ მართველობის სფეროები: იუპიტერი განაგებს ცასა და მიწას, ხოლო პლუტონი - მიწისქვეშეთს. გარდა ამისა, პლუტონს ხშირად აკავშირებენ სასარგებლო წიაღისეულთან (მაგ., ნავთობი). ერთი სიტყვით, იუპიტერ-პლუტონი უზარმაზარი ფულისა და რესურსების ტრანსფორმაციას მოახდენენ . აგრეთვე, ორივე პლანეტა არის ძალაუფლებასთან და სახელმწიფო უწყებებთან დაკავშირებული. ასე, რომ "ტიტანების ბრძოლა" სერიოზულ ცვლილებებს გამოიწვევს .

ახლა რაც შეეხება მარსი-ურანის კვადრატს, რომლის პიკიც იქნება 7 აპრილს , ხოლო მის გავლენას ვიგრძნობთ პირველიდან 14 აპრილის ჩათვლით, ანუ 14 დღე. მიუხედავად იმისა, რომ მოსახლეობის უმეტესობა სახლებში ვართ და მხოლოდ აუცილებლობის შემთხვევაში გამოვდივართ გარეთ, მაქსიმალურად გაფრთხილდით, რადგან ამ პერიოდში მოსალოდნელია ავარიები. აგრეთვე, შეამოწმეთ და გაფრთხილდით დენთან და ელექტრონივთებთან. ადამიანებში მოიმატებს გაღიზიანებულობა, ემოციურობა, ნუ გაგიკვირდებათ, თუ გარშემო მყოფები "გაცოფდებიან".

სავსემთვარეობის დროს - 8 აპრილს - განსაკუთრებით სიფრთხილე გვმართებს, ეს არის მზისა და მთვარის ოპოზიცია და ამავე პერიოდს ემთხვევა მარსი-ურანის კვადრატი და იუპიტერი-პლუტონის შეერთება. იყავით მაქსიმალურად მშვიდი. სერიოზულად და მშვიდად შეხვდით ყოველივეს. განსაკუთრებით საქმიანი და სასიყვარულო პარტნიორების მიმართ (ვერძის, სადაც განლაგდა მზე, მოპირდაპირე ნიშანი, სასწორი, სადაც მთვარე იქნება, პარტნიორობის თემასაც განაგებს). სცადეთ და პრეტენზიები კი არ გამოთქვათ, არამედ ჩამოწერეთ და სავსემთვარეობიდან მესამე-მეოთხე დღეს წარუდგინეთ ადამიანს.

ახალმთვარეობა - 23 აპრილს კუროს მეხუთე გრადუსში გველოდება. მთვარის ეს თვე დაარეგულირებს ემოციურობას გარშემო მყოფებში. ადამიანები მეტად გახდებიან ორიენტირებულები მატერიალურ-საყოფაცხოვრებო საკითხებზე. ახალმთვარეობასთან შეერთებაში მყოფი ურანი გვაფრთხილებს, რომ მზად უნდა ვიყოთ მოულოდნელობებისთვის. თუ ახალმთვარეობაზე გაქვთ პრაქტიკა, რომ ჩაიფიქროთ სურვილი, ჩამოწეროთ მომავლის გეგმა - 23 აპრილს არ გირჩევთ, რა შედეგს მიიღებთ არავინ იცის. შეიძლება პეპელა შეუკვეთოთ და სპილო ჩამოგივიდეთ.

დაბოლოს, 25 აპრილი , პლუტონი პირველი პლანეტაა, რომელიც წელს რეტროგრადულ მოძრაობაში გადავა და დაბრუნდება თხის რქის ზოდიაქოში. ტრანსფორმაციები და ცვლილებები გველის, რასაც გამოხმაურება ექნება მომავალ წელსაც. ეცადეთ კრიზისულ და ექსტრემალურ სიტუაციებს მშვიდად შეხვდეთ. გადადით განვითარების უმაღლეს საფეხურზე. კორონავირიუსისა და ეკონომიკური სიტუაცის მიუხედავად, პირად განვითარებაზე, შინაგან ტრანსფორმაციაზე უარი არ თქვათ. რაც უფრო მშვიდი იქნებით და მოახერხებთ ლავირებასა და ადაპტირებას, შინაგან გარდაქმნებს, მით უკეთესი იქნება თქვენთვის.

ჯანმრთელობასა და სიმშვიდეს გისურვებთ!