6 იანვარს დაბადებული ადამიანი კარგი იურისტი, ადვოკატი და უფლებადამცველი ხდება
იანვარი (ლათ. Jānuārius mēnsis «იანუსის თვე») — იანუსი რომაული მითოლოგიის მიხედვით, სათავის დადების და ყოველივეს საწყისის ღვთაებად მოიაზრებოდა. აქედან მოდის იანვრის მიმართ განახლების და სიახლის სინონიმად აღქმის დამოკიდებულება. ასტროლოგიურად ეს თვე, ორ საკმაოდ განსხვავებულ ნიშანს: თხის რქას და მერწყულს აერთიანებს. თუმცა, გამომდინარე იქიდან, რომ მერწყულის შემთხვევაში თხის რქის მმართველი სატურნი ზოდიაქოს ამ ნიშნის მმართველობასაც ირგებს ღამით დაბადებულთა შემთხვევაში, ამიტომ თხის რქას და მერწყულს შორის ბევრი საერთო მახასიათებლის პოვნაც შეიძლება რიგ შემთხვევაში. მათ შორის უმთავრესი კი სატურნული უპირობო სიჯიუტე და პრინციპულობაა.
როგორია 6 იანვარს დაბადებული ადამიანი
6 იანვარს დაბადებული ადამიანები, ბუნებით მაძიებლები და ცნობისმოყვარეები არიან. მათთვის ამქვეყნად უმთავრესი ჭეშმარიტებაა სამართლიანობა ყველას მიმართ. ამიტომ ამ ხალხისგან კარგი იურისტები, ადვოკატები და უფლებადამცველები გამოდიან. ასეთ ადამიანს მოსწონს თავსატეხების, ამოცანებისა და შარადების ამოხსნა. ისინი ზოგადად აზარტულობით გამოირჩევიან და მზად არიან საკუთარ იდეალებს ბოლომდე მიჰყვნენ. თუმცა, ეს გზა ყოველთვის როდია მათთვის უსაფრთხო და მარტივად სავალი.