29 ნოემბერს დაბადებულ ადამიანს სოციუმთან ხშირად ექმნება პრობლემა
ნოემბერი ძველრომაული კალენდრით მეცხრე, ხოლო გრეგორიანული კალენდრით მეთერთმეტე თვეა. სახელწოდებაც მისი სწორედ ცხრიანს უკავშირდება. (ლათ. novem – ცხრა). ქართული წარმართული კალენდრის – ტირისკონის მიხედვით ნოემბერს ყველაზე გავრცელებულ სახელწოდებასთან – გიორგობისთვესთან ერთად, სხვაგვარად ჭინკობისთვედაც მოიხსენიებდნენ. ასტროლოგიური კუთხით ნოემბერი ორ აბსოლუტურად განსხვავებულ ნიშანს აერთიანებს: ვნებიან, ექსპანსიურ, ღრმად ემოციურ მორიელსა და იდეალისტ, მაწანწალა, მხიარულ მშვილდოსანს, რომელიც კენტავრის გაორებული ბუნების გამო ხშირად იცვლის მიზნებს და შეხედულებებს, რაც არამც და არამც არ ახასიათებს მიზანმიმართულ და პრინციპულ მორიელს.
როგორია 29 ნოემბერს დაბადებული ადამიანი
29 ნოემბერს დაბადებული ადამიანები, ფსიქოლოგიური ხედვის ნიჭითა და კარგი კომუნიკაციის უნარით არიან დაჯილდოებულნი. მათ შესანიშნავად გამოსდით და ეხერხებათ, გარშემო მყოფები გულახდილად სასაუბროდ განაწყონ, რის ხარჯზეც ბევრი საჩოთირო საიდუმლოს მოსმენა უხდებათ ხშირად. თუმცა, თვისება ზედმეტად პირდაპირი და „მართალი“ პოზიცია დაიკავონ სხვების განსჯისას, ხშირად უქმნის ამ ხალხს პრობლემას სოციუმთან.