28 აგვისტოს იუბილარი

აგვისტო ძველად (ლათ. Augustus) განსაკუთრებულ, სხვა თვეებს შორის ზეაღმატებულ, სამეფო თვედ ითვლებოდა. სახელი იმპერატორ ოქტავიანე ავგუსტუსის პატივსაცემად ეწოდა. აგვისტო ზაფხულის ბოლო თვეა და ერთ-ერთია იმ შვიდ თვეს შორის, რომელიც 31 რიცხვით სრულდება. ასტროლოგიურად აგვისტო ორ ერთმანეთისგან რადიკალურად განსხვავებულ ზოდიაქოს ნიშანს – ლომსა და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა, ხშირად ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არაა, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს. ქართული წარმართული კალენდრის მიხედვით აგვისტოს ქველთობისა ერქვა.

როგორია 28 აგვისტოს დაბადებული ადამიანი

28 აგვისტოს დაბდებული ადამიანები ორატორული შესაძლებლობებითა და გასაოცარი დამაჯერებლობით გამოირჩევიან. მათ უყვართ სხვებისთვის ჭკუის სწავლება და რჩევების მიცემა. ამასთან, თითქმის არასოდეს ეპარებათ ეჭვი საკუთარი აზრების სისწორეში. ეს თვისება კი ხშირად ჩრდილავს მათში ისეთ დადებით შტრიხებს როგორიცაა – ერთგულების უნარი და მზრუნველი ბუნება. ამიტომ სასურველია ამ ადამიანებმა ცოტათი მაინც შეარბილონ სხვების მიმართ მენტორული ტონი.