25 ნოემბრის იუბილარი - რის გამო სარგებლობენ ავტორიტეტით გარშემო მყოფებში
ნოემბერი ძველრომაული კალენდრით მეცხრე, ხოლო გრეგორიანული კალენდრით მეთერთმეტე თვეა. სახელწოდებაც მისი სწორედ ცხრიანს უკავშირდება. (ლათ. novem – ცხრა). ქართული წარმართული კალენდრის – ტირისკონის მიხედვით ნოემბერს ყველაზე გავრცელებულ სახელწოდებასთან – გიორგობისთვესთან ერთად, სხვაგვარად ჭინკობისთვედაც მოიხსენიებდნენ. ასტროლოგიური კუთხით ნოემბერი ორ აბსოლუტურად განსხვავებულ ნიშანს აერთიანებს: ვნებიან, ექსპანსიურ, ღრმად ემოციურ მორიელსა და იდეალისტ, მაწანწალა, მხიარულ მშვილდოსანს, რომელიც კენტავრის გაორებული ბუნების გამო ხშირად იცვლის მიზნებს და შეხედულებებს, რაც არამც და არამც არ ახასიათებს მიზანმიმართულ და პრინციპულ მორიელს.
როგორია 25 ნოემბერს დაბადებული ადამიანი
25 ნოემბერს დაბადებული ადამიანები წინდახედულობითა და სიფრთხილით გამოირჩევიან. მათ აქვთ გასაოცარი ამტანობა და შრომის უნარი, რის გამოც ყოველთვის აღწევენ დასახულ მიზანს. ამასთან ერთად, ისინი გამოირჩევიან მაღალი ეთიკურ-მორალური პრინციპებით, რის გამოც ხშირად სარგებლობენ ავტორიტეტით გარშემო მყოფებში.