მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
24 ივნისის ასტროლოგიური პროგნოზი ზოდიაქოს ნიშნებისთვის
18:42 / 23-06-2020
ვერძი
ეს დღე შესანიშნავია კომუნიკაციისთვის. საკმარისია, ვინმე ოდნავ მოგეფეროთ და ნებისმიერ წყენას მალევე დაივიწყებთ. ბავშვივით ყველაფერს გულთან ახლოს მიიტანთ და თავს დაუცველად იგრძნობთ. ნუ იქნებით გულჩათხრობილი და ყალბი. შემოიკრიბეთ გარშემო მხოლოდ სანდო და გამოცდილი ადამიანები.
კურო
ფიზიკურად შესანიშნავი მდგომარეობა გაქვთ, აი, თქვენი ფსიქიკური მდგომარეობა კი უკეთესობას მოითხოვს. მოსალოდნელია ურთიერთობებში დაძაბულობა და განშორებაც კი. შეეცადეთ, ისეთ ადამიანებთან ურთიერთობას მოერიდოთ, რომლებიც ვერ გაფასებენ - ასეთი ადამიანები მდგომარეობიდან გამოგიყვანენ.
ტყუპები
ყოფით პრობლემებს მინიმალური ძალისხმევითა გადაწყვეტთ და დროც ძალიან ცოტა დაგეხარჯებათ. შესაძლოა, შეყვარებულთან ან მეორე ნახევართან კარგი და ხანგრძლივი ურთიერთობა ააწყოთ. თუკი ჭადრაკს ან მსგავს თამაშებს კარგად ფლობთ, მარტივად უმკლავდებით კროსვორდების ამოხსნას და პაზლებსაც აწყობთ, ამ დღეს შეგიძლიათ, ამ საქმიანობით დაკავდეთ.
კირჩხიბი
დღის განმავლობაში მოწყენილი იქნებით. რომანტიკული თავგადასავლებისთვის ძალა არ დაგრჩებათ. ვარსკვლავები გირჩევენ, საკუთარი მომავალი დაგეგმოთ და შეეცადოთ, ნაკლები იკამათოთ გარშემომყოფებთან.
ლომი
გადამეტებული ფიზიკური აქტივობა და ზედმეტი დატვირთვა სარგებელს არ მოგიტანთ: არსებობს რისკი, რომ ხერხემალი დაიზიანოთ და სხვა ტრავმა მიიღოთ. შეეცადეთ, რისხვა შეიკავოთ და უმნიშვნელო მიზეზის გამო არ გაღიზიანდეთ. დღის მეორე ნახევარში მოინახულეთ მეგობრები, თანამოაზრეები ან რომელიმე საზოგადოებრივი ადგილი.
ქალწული
ეს დღე შესანიშნავია სპორტული აქტივობისთვის. რაც ნიშნავს, შეჯიბრზე საკუთარ შესაძლებლობებს მაქსიმალურად წარმოაჩენთ. ვარსკვლავები გირჩევენ, იყოთ თავდაჯერებული, არ დაიშუროთ ძალისხმევა, მაგრამ დაიცავით ზომიერება, წინააღმდეგ შემთხვევაში მონდომება საპირისპიროდ შემოგიტრიალდებათ.
სასწორი
პლანეტების მდგომარეობა ნებისმიერ სადარდელს (პოზიტიურსაც და ნეგატიურსაც) ნათელსა და ინტენსიურს გახდის. მსუბუქი ფლირტი ცეცხლოვან ვნებაში გადაიზრდება. სავარაუდოდ, ახალი რომანტიკული ან სექსუალური კავშირები გელოდებათ. მოემზადეთ, დიდი ხნის სურვილების შესასრულებლად.
მორიელი
ამ დღეს საოჯახო საქმეებით დაკავდებით. მეზობლებსა და ნათესავებს, შესაძლოა, ოდნავ შეშურდეთ კიდეც თქვენს სახლში შექმნილი შესანიშნავი ატმოსფეროსი, რომელშიც მხოლოდ წესრიგი და სისუფთავეა. ისარგებლეთ საკუთარი ფანტაზიით და ცოდნით რელაქსაციისა და ინტერიერის გაფორმების სფეროში - ამგვარად თქვენს სახლში სასიამოვნო და მშვიდი გარემო დიდხანს შენარჩუნდება.
მშვილდოსანი
სტაბილურობის განცდა შესანიშნავ ბაზას შეგიქმნით საკუთარი საქმის თუ რომელიმე წამოწყების გასავითარებლად, ოჯახური კერის შესაქმნელად ან სოლიდური შენაძენის გასაკეთებლად. გონივრული რისკი თქვენს შემოსავალს გაზრდის. თუკი კარგად იფიქრებთ და დაგეგმავთ, უსიამოვნებას თავიდან აიცილებთ.
თხის რქა
ამ დღეს საკუთარ თავს შეკითხვას დაუსვამთ: რომელი უფრო მნიშვნელოვანია - სახლი თუ სამსახური? რა თქმა უნდა, დასვენების დღეებში უფრო მეტი ყურადღება ოჯახსა და ნათესაურ ურთიერთობებს უნდა დაუთმოთ, თუმცა, სამუშაო დღეებში მხოლოდ საქმეზე უნდა კონცენტრირდეთ. ეს თქვენს სოციალურ სტატუსს აამაღლებს.
მერწყული
ძველი პრობლემები კვლავ შეგახსენებთ თავს. გაგიჭირდებათ პარტნიორის გაგება. გაგიჩნდებათ შეგრძნება, რომ თითქოს სხვადასხვა ენაზე საუბრობთ. საყვარელი ადამიანი სიმკაცრესა და სისასტიკეში დაგადანაშაულებთ. მოგეჩვენებათ, რომ რაღაცაში გატყუებენ, რომ რაღაცას ბოლომდე არ გიმხელენ ან გიმალავენ. ეჭვიანობის საბაბი ნამდვილად გაქვთ. სიტუაციის გამოსწორება მხოლოდ გულწრფელი საუბრით შეგიძლიათ. გაარკვიეთ ყველანაირი გაუგებრობა და საბოლოოდ დაუსვით ყველაფერს წერტილი.
თევზები
ამ დღეს ფობიები და ეჭვები შეგიპყრობთ. გაგიჭირდებათ, რეალურად შეაფასოთ შექმნილი სიტუაცია. სავარაუდოდ, ახლობელი ადამიანების ქმედებებსაც არასწორად შეაფასებთ. დროა, საოჯახო საქმეებით დაკავდეთ - მოაწესრიგეთ საცხოვრებელი ადგილი და მოიშორეთ ყველაფერი ზედმეტი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
