აპრილის ყვავილი თოვლს ტეხავსო – ასე ამბობდნენ ძველად. აპრილში დაბადებული ადამიანებიც, ამ ყვავილის შესაბამისად ჯიუტი, პრინციპული და მიზანსწრაფული ხასიათით არიან გამორჩეულნი. ეს თვე ცეცხლოვანი ვერძისა და მიწის სტიქიის პირველი წარმომადგენლის – კუროს ზოდიაქოს ნიშნებს აერთიანებს. აპრილის ადამიანები, გასაოცარი გამძლეობითა და სიცოცხლის უნარიანობით გამოირჩევიან. სწორედ ამიტომაც შეადარეს ისინი აპრილის ყვავილს – მამაც ყოჩივარდას.
24 აპრილს დაბადებული ადამიანები, ჰუმანურები და მეგობრულები არიან. ისინი ყოველთვის ცდილობენ ხელი გაუმართონ და დაიცვან უსამართლობისგან სხვა ადამიანები. მათი ერთგულება კი, ოჯახისა და მეგობრების მიმართ მართლაც რომ უსაზღვროა. თუმცა, პროფესიულ სარბიელზე მათ მეტი პრინციპულობის გამოვლენა მოეთხოვებათ იმიტომ რომ, ხშირად ამ ადამიანების ღვაწლი შეუმჩნეველი და დაუფასებელი რჩება ხელმძღვანელობის მიერ.
