თებერვალი (ლათ. Februarius — განწმენდა) არის გრიგორიანული კალენდრის მეორე თვე. სახელი ამ თვეს მიწისქვეშა სამეფოს რომაული ღვთაების მიხედვით ეწოდა. იანვარი და თებერვალი კალენდრის ბოლო დამატებული თვეებია, ვინაიდან რომაელები ზამთარს თვლიდნენ პერიოდად თვეების გარეშე. თებერვლის ძველქართული სახელწოდებაა სურწყუნისი.
თებერვლის ზოდიაქოს ნიშნებია მერწყული და თევზები. მათ შორის მსგავსება კარგი ინტუიცია და მდიდარი ფანტაზიის უნარია. თუმცა, ეს ორი ნიშანი, ემოციური დონით აბსოლუტურად განსხვავდება ერთმანეთისგან. მერწყულს ზედაპირულობა ახასიათებს, მაშინ როცა თევზები ღრმად ემოციური და უზომოდ განცდიანი ნიშანია.
22 თებერვალს დაბადებული ადამიანები უნიკალური გარდასახვის ნიჭითა და კარგი არტისტული მონაცემებით არიან დაჯილდოებულნი. მათ უმრავლესობას ეხერხება სხვის სულში "ძრომიალი" და გარშემო მყოფთა ტკივილის ან საწუხარის მარტივად გათავისება. ამიტომ ამ ხალხს შორის ყველაზე ხშირად ვხვდებით ორი პროფესიის წარმომადგენლებს ხელოვანებს ან ფსიქოლოგებს.