22 აგვისტოს იუბილარი
აგვისტო ძველად (ლათ. Augustus) განსაკუთრებულ, სხვა თვეებს შორის ზეაღმატებულ, სამეფო თვედ ითვლებოდა. სახელი იმპერატორ ოქტავიანე ავგუსტუსის პატივსაცემად ეწოდა. აგვისტო ზაფხულის ბოლო თვეა და ერთ-ერთია იმ შვიდ თვეს შორის, რომელიც 31 რიცხვით სრულდება. ასტროლოგიურად აგვისტო ორ ერთმანეთისგან რადიკალურად განსხვავებულ ზოდიაქოს ნიშანს – ლომსა და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა, ხშირად ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არაა, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს. ქართული წარმართული კალენდრის მიხედვით აგვისტოს ქველთობისა ერქვა.
როგორია 22 აგვისტოს დაბადებული ადამიანი
22 აგვისტოს დაბადებული ადამიანები შემოქმედებითები და კრეატიულები არიან. ხშირად აქვთ ბრწყინვალე მუსიკალური, სამსახიობო ან ცეკვის ნიჭი, რომლის რეალიზებასაც შესანიშნავად ახერხებენ, თანდაყოლილი ქარიზმატულობისა და მომხიბვლელობის ხარჯზე. თუმცაღა, მათ უნდა ისწავლონ საკუთარი შეცდომების აღიარება, რაც ძალიან უჭირთ. წინააღმდეგ შემთხვევაში საზოგადოება მათ წინააღმდეგ განეწყობა.