21 აგვისტოს იუბილარი
აგვისტო ძველად (ლათ. Augustus) განსაკუთრებულ, სხვა თვეებს შორის ზეაღმატებულ, სამეფო თვედ ითვლებოდა. სახელი იმპერატორ ოქტავიანე ავგუსტუსის პატივსაცემად ეწოდა. აგვისტო ზაფხულის ბოლო თვეა და ერთ-ერთია იმ შვიდ თვეს შორის, რომელიც 31 რიცხვით სრულდება. ასტროლოგიურად აგვისტო ორ ერთმანეთისგან რადიკალურად განსხვავებულ ზოდიაქოს ნიშანს – ლომსა და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა, ხშირად ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არაა, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს. ქართული წარმართული კალენდრის მიხედვით აგვისტოს ქველთობისა ერქვა.
როგორია 21 აგვისტოს დაბადებული ადამიანი
21 აგვისტოს დაბადებული ადამიანები ბუნებით ძალიან სტაბილურები და მზრუნველები არიან. საკუთარი ემოციების ფლობის უნარი და პრინციპულობა, რომელიც მათში დიდი დოზითაა განვითარებული ხშირად ეხმარება ამ ხალხს იმაში, რომ ცხოვრებისეული სირთულეები წუწუნისა და დეპრესიის გარეშე გადალახონ. უფრო მეტიც, მძიმე წუთებში იყონ სხვების დასაყრდენი და იმედი. თუმცა მათ უნდა ახსოვდეთ ერთი მარტივი ჭეშმარიტება, კერძოდ ის რომ სხვებზე ზრუნვასაც საზღვრები გააჩნია. ამიტომ ზომიერება უნდა დაიცვან, რათა სამომავლოდ იმედი არ გაუცრუვდეთ.