2025 წელს სიმდიდრისა და ბედნიერების მოსაზიდი ნივთები, ხილი, მინერალები და მარტივი რჩევები

ნუ გგონიათ, რომ ყველას მწვანე ფერის სამოსის ჩაცმას ან გველის ტყავში გამოწყობას გირჩევთ, არა, უფრო საინტერესო რჩევები მოგიმზადეთ. აქვე შეგახსენებთ, რომ გველის წელი, აღმოსავლური კალენდრით, 2025 წლის 29 იანვარს დადგება.

ცხოვრებაში ახალი და სასიამოვნო რომ მივიზიდოთ, ახალი წლის შესახვედრად სიმბოლურად ვიცვამთ რაღაც ახალს და ლამაზს, რომელიც ძალიან მოგვწონს! ახალი სამკაულიც კარგია.

სუფრაზე აუცილებლად საჭიროა სიმდიდრისა და კეთილდღეობის სიმბოლო! იყოს ყულაბა ფულის ტომრის გამოსახულებით, ოქროს ჩინური სამფეხა გომბეშო, ოქროსფერი სპილო განეშა, მონეტებიანი კუ ან თუნდაც მონეტების ხე.

იმისათვის, რომ 2025 წელს ვიყოთ ჯანმრთელები და ხალისიანები, ჩვენ აუცილებლად გვჭირდება სიცოცხლისა და ჯანმრთელობის მისაზიდი სიმბოლოები. ასეთია ოქროსფერი (იზიდავს იღბალს და კეთილდღეობას) და მწვანე (ჯანმრთელობის, ფულის და ზრდის ფერია) ფერის სანთლები საახალწლო სუფრაზე. არ ჩააქროთ სანთლები, თავისით ჩაიწვას.

სანთლების გარდა, ჯანმრთელობის სიმბოლოა ხილიც, სუფრაზე გქონდეთ: ბროწეული, ფორთოხალი და მანდარინი, ვაშლი და ყურძენი.

თხილეული (ნიგოზი, მზესუმზირა, გოგრის თესლი) სუფრაზე ცალკე ფიალაში გქონდეთ. გარდა ამისა, შეგიძლიათ ცალკე ფიალაში ჩაყაროთ ბრინჯი, შვრია, ხორბალი ან ფეტვი.

ბროლის ვაზა წყლით აავსეთ, დაუმატეთ ვარდის ფურცლები და კენტი რაოდენობის მონეტები მოათავსებთ მის ძირში.

2025 წლის შესახვედრად გირჩევთ მწვანე ცოცხალი ნაძვის ხე მორთოთ. თუ ამის საშუალება არა გაქვთ, პატარა ნაძვის ტოტებს მოახვიეთ წითელი ფერის ლენტები და დაალაგეთ სუფრაზე. ნაძვის ხეზე შეგიძლიათ წითელ ლენტებზე ჩამოკიდოთ სიმბოლური სათამაშოები: დეკორატიული ვაშლი, ყურძენი, მონეტების ქისა და ა.შ.

ახლა კი ყურადღება მივაქციოთ იმ მინერალებს, რომლებმაც სასურველი ენერგია უნდა მოგიტანოთ. ასეთებია:

ჯანმრთელობისთვის: მალაქიტი (დაგიცავთ დაავადებებისგან), იასპი (აღადგენს ძალას), ამაზონიტი (ხელს უწყობს სტრესთან გამკლავებას და აუმჯობესებს საერთო კეთილდღეობას).

სიყვარულისთვის: ვარდისფერი კვარცი (სიყვარული, სინაზე და ჰარმონია ურთიერთობებში); ძოწი (ამაღლებს ვნებას და აძლიერებს რომანტიკულ კავშირებს); ლალი (იზიდავს ღრმა გრძნობებს და გულწრფელობას).

სიმდიდრისთვის: ციტრინი (ფინანსური სიმრავლე, ბიზნეს წარმატება), პირიტი (სიმდიდრის დაგროვება, ფინანსური სტაბილურობა); მწვანე ავანტიურინი (იღბალი, ფინანსური შესაძლებლობები).

შვილის დაბადებისთვის: მთვარის ქვა, ხავსიანი აქატი, მარგალიტი.

მოგზაურობისთვის: ტურმალინი (იცავს გზაზე), საფირონი (იღბალი მოგზაურობაში), ქრიზოპრაზი (ხსნის შესაძლებლობებს თავგადასავლებისთვის).

ქორწინებისთვის: ბრილიანტი (ერთგულების სიმბოლო), ვარდისფერი კვარცი (აძლიერებს სიყვარულს და ნდობას).

ურთიერთობების გასაძლიერებლად: როდონიტი (ასწორებს კონფლიქტებს), საფირონი (აძლიერებს ერთგულებას და ნდობას), აკვამარინი (პატიოსანი კომუნიკაცია).

სწავლისთვის: ფლუორიტი (აძლიერებს კონცენტრაციას და მეხსიერებას), ამეთვისტო (ხელს უწყობს ფოკუსირებას).

იურიდიული საკითხების მოსაგვარებლად: ობსიდიანი (იცავს ნეგატიური გავლენისგან და დაგეხმარებათ საკუთარი პოზიციის დაცვაში), ლაპის ლაზურიტი (სამართლიანი გადაწყვეტილება), ჰელიოტროპი (გაძლევთ ძალას და ნდობას, რომელიც აუცილებელია დაბრკოლებების დასაძლევად).