2025 წელს რომელი პლანეტები და როდის იქნებიან რეტროგრადულები, ჩაინიშნეთ მნიშვნელოვანი ინფორმაცია, რათა არ გამოგრჩეთ
2025 წელსაც გველოდება პლანეტების რეტროგრადული სვლა. საქმეებში და პირად ურთიერთობებში ჰარმონია რომ გქონდეთ, პლანეტების რეტროგრადული განრიგის ცხრილი შეინახეთ და პერიოდულად ჩაიხედეთ ხოლმე.
თავდაპირველად ვნახოთ, 2025 წელს რომელი პლანეტა როდის გახდება რეტროგრადული:
მერკური: 15 მარტიდან 7 აპრილამდე; 18 ივლისიდან 11 აგვისტომდე და მესამედ - 9-29 ნოემბერს.
ვენერა: ორი მარტიდან 13 აპრილამდე.
მარსი: 2025 წლის 24 თებერვლამდე რეტროგრადული იქნება
იუპიტერი: რეტროგრადული იქნება 2025 წლის ოთხ თებერვლამდე და მერე კიდევ ერთხელ იქნება უკუსვლაში 11 ნოემბრიდან 2025 წლის ბოლომდე.
სატურნი: 13 ივლისიდან 28 ნოემბრამდე.
ნეპტუნი : 4 ივლისიდან 10 დეკემბრამდე.
პლუტონი : 4 მაისიდან 13 ოქტომბრამდე.
ურანი : რეტროგრადული იქნება 2025 წლის 30 იანვრამდე; შემდეგ კიდევ დაიწყებს უკუსვლას 6 სექტემბრიდან 2025 წლის ბოლომდე.
ახლა კი ვნახოთ, რომელი პლანეტა რას განაგებს და როდის გვმართებს სიფრთხილე:
მერკური – დოკუმენტები, კონტრაქტები (წერილობითი და ზეპირი), მოგზაურობები, მივლინებები, საქმიანი შეხვედრები, მოლაპარაკებები, საყოფაცხოვრებო ტექნიკა, ელექტრონიკა, ტრანსპორტი, მოკლევადიანი ტრენინგი.
მერკურის რეტროგრადულობის დროს ცუდია: მნიშვნელოვანი მოლაპარაკებების წარმოება, მანქანის ყიდვა.
კარგია: დაუბრუნდით დაუმთავრებელ ვარჯიშს, შეაკეთოთ საყოფაცხოვრებო ტექნიკა, გადააკეთოთ საბუთები, ნივთები.⠀
ვენერა – ფული, მატერიალური ფასეულობები, სიყვარული, ფლირტი, ქორწინება, სასამართლოები, მოლაპარაკებები, სილამაზისა და ესთეტიკის საკითხები.
ვენერას რეტროგრადულობის დროს ცუდია: პლასტიკური ოპერაციების გაკეთება, სარჩელის შეტანა სასამართლოში, დაქორწინება, ფულის ჩადება საქმეში, ბიზნესში.
კარგია: დაკარგული კავშირებისა და ურთიერთობების აღდგენა.⠀
მარსი – ბიზნესი, მანქანები, ნივთების შეკეთება, ჩხუბი, ლითონის საგნები, ქირურგიული ჩარევები, სპორტული ვარჯიში, აქტივობა.
მარსის რეტროგრადულობის დროს ცუდია: იარაღის, ინვენტარის, აღჭურვილობის ყიდვა, ახალი ბიზნესპროექტების დაწყება, ახალი კომპანიების დარეგისტრირება.
კარგია : რემონტის დასრულება, გადაკეთება, ადრე მიტოვებული ტრენინგების განახლება.⠀
იუპიტერი – იურიდიული საკითხები, უმაღლესი განათლება, უცხოეთი, რელიგია, უცხოელებთან კონტაქტები, ღირებულებათა სისტემა, დაკავებული თანამდებობები.
იუპიტერის რეტროგრადულობის დროს ცუდია: ტრენინგების დაწყება, ფართომასშტაბიანი სარეკლამო კამპანიების წამოწყება, საერთაშორისო ბაზრებზე გასვლა, უცხოეთში გამგზავრება.
კარგია: აკადემიური შვებულების აღება, პიროვნული ღირებულებების გადახედვა.
სატურნი – კანონი და წესრიგი, ურთიერთქმედება სამთავრობო უწყებებთან, მშენებლობა, სტომატოლოგია, იერარქია, მენეჯმენტი.
სატურნის რეტროგრადულობის დროს ცუდია: სტომატოლოგიური მკურნალობის დაწყება, მნიშვნელოვანი დოკუმენტების სახელმწიფო უწყებებისთვის წარდგენა, მშენებლობის დაწყება.
კარგია: გრძელვადიანი დაგეგმვა, "შეცდომებზე მუშაობა“ და მათი გამოსწორება, განსაკუთრებით მაშინ, როდესაც საქმე ეხება სამუშაოს და კარიერას.
უმაღლესი პლანეტების ( ურანი, ნეპტუნი, პლუტონი ) რეტროგრადული პერიოდები უფრო მეტად უკავშირდება გლობალურ პროცესებს. პირად ცხოვრებაში, ისინი, პირველ რიგში, ეხება მათ, ვისაც ეს უმაღლესი პლანეტები აქტიურად აქვთ ჩართული პირად რუკაში.