2023 წლის ასტროლოგიური პროგნოზი ქალი და მამაკაცი თხის რქებისთვის

თქვენ ყველაზე შრომისმოყვარე ნიშანი ხართ, დასახულ მიზანს ყოველთვის აღწევთ, არც კურდღლის წელი იქნება გამორიცხული და მოემზადეთ, რომ საუკეთესო შედეგები გქონდეთ. მოგიწევთ მიზნების გადახედვა, პრიორიტეტების შეცვლა. მოთმინებით აღიჭურვეთ, ნუ აჰყვებით ემოციებს. ნუ გექნებათ გარშემო მყოფების იმედი; ყველა უსიამოვნება და საქმე თავად უნდა მოაგვაროთ. დაგეგმეთ და გათვალეთ თითოეული ნაბიჯი, რათა წარმატებას მიაღწიოთ კარიერაში, ფინანსებსა და სასიყვარულო ურთიერთობაში. წინსვლისა და გამარჯვების წელი გელოდებათ. მარტოხელები შეიძლება დიდ სიყვარულს შეხვდეთ და არაა გამორიცხული, ზოგიერთმა რომანი ყოფილთანაც კი აღადგინოთ. პირადი ცხოვრების მოწყობის დროსაც კი უნდა იყოთ დისციპლინირებული და გეგმაზომიერი.

რას გიმზადებთ იუპიტერი 2023 წელს

გამარჯვებისა და დიდი ბედნიერების პლანეტა იუპიტერი დაგეხმარებათ მოაგვაროთ საოჯახო და უძრავ ქონებასთან დაკავშირებული საკითხები. გაგიუმჯობესედებათ დამოკიდებულება ნათესავებთან. მათთან ურთიერთობა სასიხარულო გახდება თქვენთვის. თქვენ მეტად ბრძენი ხართ და შეძლებთ უსიამოვნო საკითხების დიპლომატიურად მოგვარებას. მშობლები რთული საკითხების მოგვარებაში დაგეხმარებიან. მათივე დახმარებით დაიძვრეთ თავს ფინანსური სიდუხჭირისგან. საუკეთესო წელია ბინის კეთილმოსაწყობად, ინტერიერის გასაახლებლად, უძრავი ქონების შესაძენად. ზოგიერთი გადახვალთ ძვირად ღირებულ ბინაში, პრესტიჟულ უბანში. ბიზნესმენი თხის რქები შეძლებთ პირადი ბიზნესის გახსნას და არსებულის გაფართოებას. იუპიტერი დაგეხმარებათ, გაბევრდეს თქვენი ოჯახი. თუ სურვილი გაქვთ, ბავშვი შეგეძინებათ. გააუმჯობესეთ დამოკიდებულება საყვარელ ადამიანთან. არაა გამორიცხული, გამოგიჩნდეთ აქამდე უცნობი ნათესავები. გააუმჯობესეთ დამოკიდებულება მეგობრებთანაც, ხშირად უმასპინძლეთ მათ შინ.

რას გიმზადებთ სატურნი 2023 წელს

აკრძალვების, შეზღუდვებისა და პასუხისმგებლობის პლანეტა სატურნი დაგეხმარებათ, ფინანსური საკითხები დაკვირვებით და ზედმეტი სირთულეების გარეშე მოაგვაროთ. ყურადღება გმართებთ სწავლის, ინტელექტუალური საკითხების მოგვარების დროსაც. განავითარებთ ახალ შემოქმედებით იდეებს. დაიწყეთ იმის შესწავლა, რაც მომავალში წარმატებას მოგიტანთ. უარი არ თქვათ წვრილ-წვრილი საქმეების შესრულებაზე. გადახედეთ დაწყებულ პროექტებს და დაიწყეთ მათი გაუმჯობესება, შეცდომების გამოსწორება. დაკვირვება გმართებთ მოგზაურობის და მგზავრობისას. გააუმჯობესეთ დამოკიდებულება მეგობრებთან, დედმამიშვილებთან, საქმიან პარტნიორებთან, ვისთან ერთადაც აპირებთ მუშაობას. აიმაღლეთ ავტორიტეტი გარშემო მყოფებში. დაუმტკიცეთ გარშემო მყოფებს, რომ საუკეთესო ხართ თქვენს სფეროში. არ გირჩევთ ზედმეტად ლაპარაკს, უმჯობესია, დრო საქმეების მოგვარებას დაუთმოთ.

2023 წლის სასიყვარულო პროგნოზი

ეცადეთ, რომ გაიუმჯობესოთ პირადი ცხოვრება, სასიყვარულო კავშირი, როცა ეს სფერო დალაგებული გექნებათ, სხვა სფეროების დალაგებასაც მეტი პოზიტივით შეუდგებით. არ გირჩევთ ემოციურობასა და ეჭვიანობის გამოხატვას საყვარელი ადამიანის მიმართ. იყავით მზრუნველი, მოსიყვარულე, ხშირად გაანებივრეთ სიურპრიზებით, საჩუქრებით. უნდა შეიცვალოთ უკეთესობისკენ, გამოავლინეთ თქვენი საუკეთესო თვისებები. არაა გამორიცხული, 2023 წელს შეხვდეთ ყოფილ პარტნიორს. მოულოდნელი შეხვედრა შეიძლება ისევ თავბრუდამხვევ რომანში გადაიზარდოს. იბრძოლეთ, საკუთარი სიყვარულის გადასარჩენად. უკვე გყავთ საყვარელი ადამიანი, ყოველი დღე გაულამაზეთ, მოუწყვეთ რომანტიკული პაენები. საღამოები და უქმეები ერთად და საინტერესოდ გაატარეთ. მარტოხელები გააქტიურდით სოციალურ ქსელებში, მხოლოდ საქმეებზე ნუ ხართ მომართული, ხანდახან პირადი ცხოვრების მოწყობაზეც უნდა იზრუნოთ. რომანტიკული ნაცნობობა გააქტიურდება იანვარში, მაისში, სექტემბერსა და ნოემბერში. გირჩევთ ზომიერება დაიცვათ, არც საქმეების გამო ჩამოშორდეთ პარტნიორს და არც პარტნიორის გამო ცხოვრების სხვადასხვა სფეროს. კარგი იქნება, თუ დაიწყებთ შემოქმედებითი იდეების განხორციელებას. დაწერთ ლექსებს, ჩანახატებს, იარეთ ცეკვაზე, ხატვაზე.

2023 წლის ფინანსური პროგნოზი

თუ მოთმინებით აღიჭურვებით და ყურადღებით იქნებით, კურდღლის წელში ფინანსური გარღვევა არ გელოდებათ. უფრო მეტიც, ზაფხულისთვის საკმაოდ კარგ თანხას დააგროვებთ. ამ პერიოდში თქვენი გამარჯვებით დასრულდება მივლინება, მგზავრობა. შეიძენთ საჭირო ნივთებს. კარგი იქნება ფულის დაბანდება უძრავ ქონებაში. თუ ბიზნესის დაწყებას აპირებთ, ზაფხულში გააქტიურდით. ნოემბერში კი ფრთხილად უნდა იყოთ, აფერისტების მსხვერპლი რომ არ გახდეთ. ამავე პერიოდში არ გირჩევთ ფულის ფლანგვას.

2023 წლის მკვეთრი ცვლილებები

მოულოდნელობების პლანეტა ურანი სიყვარულისა და შემოქმედების სახლში გყავთ. არ გირჩევთ ურთიერთობის გაწყევტას საყვარელ ადამიანთან. ბობოქარი ურანის გავლენით ზოგიერთმა შეიძლება გვერდზე გაიხედოთ და პარტნიორს უღალატოთ. ეცადეთ, მეტი დრო გაატაროთ სასიყვარულო პარტნიორის, მეუღლის გვერდით, თავიდან უნდა შეგიყვარდეთ ერთმანეთი. გამონახეთ დრო შემოქმედებითი იდეების განსახორციელებლად. მოაწყვეთ ოჯახური შეკრებები. მარტოხელები შეხვდებთ თქვენს სიყვარულს და ურთიერთობა სწრაფად განვითარდება. ნუ იფიქრებთ მომავალზე. მთავარია, რომ დღეს იყოთ ბედნიერი. არ იჩქაროთ დაქორწინება, უფრო მეტიც, ვინც ხართ დაქორწინებული შეიძლება ისინიც კი განქორწინდეთ. 2023 წელი დაგამახსოვრდებათ, როგორც რომანტიკის, ფლირტისა და პაემნების წელი. ერთდღიანი რომანებიც კი მოგანიჭებთ სიამოვნებას. სიურპრიზები გელოდებათ შემოქმედებითი საქმიანობისას. თუ სპორტსმენი ხართ მიიღებთ კარგ შედეგებს, შემოთავაზებებს.

2023 წელს სად იპოვით შთაგონებას

დააკვირდით ახლობლებს, ვისთანაც გაქვთ ყოველდღიური შეხება. მათთან კონტაქტმა შეიძლება მოგიტანოთ ახალი იდეები. არაა გამორიცხული წინასწარმეტყველური ნიჭი აღმოგაჩნდნენ და განსაზღვროთ, რა საქმიანობა მოგიტანთ წარმატებას, რომელ ბიზნესში უნდა დააბანდოთ ფული. მთავარია, არ იყოთ სკეპტიკურად განწყობილი და ხშირად ენდოთ ინტუიციას. ამასთან, გაფრთხილდით მოლაპარაკებისას, საქმიანი შეხვედრების დროს, რომ ვიღაცამ ტყუილებით თავბრუ არ დაგახვიოთ. სიფრთხილე გმართებთ მგზავრობისას და რაც მთავარია, შეამცირეთ ან საერთოდ ამოიღეთ დღის წესრიგიდან ალკოჰოლი. აგრეთვე, გაფრთხილდით, რომ ვიღაცამ განზრახ არ გაგაბრუოთ მათრობელა საშუალებებით და მერე თავის სასიკეთოდ თქვენთვის მავნებლური საქციელი არ ჩაგადენინოთ.

2023 წლის ჯანმრთელობა

უნდა იზრუნოთ ფიზიკური ჯანმრთელობის გაუმჯობესებაზე და სულიერი მდგომარეობისაც. მეტი დრო დაუთმეთ სულიერი პრაქტიკების შესრულებას: მედიტაცია, ლოცვა. ჩაწერეთ იოგაზე, ცურვაზე. შეამცირეთ ან საერთოდ გაწყვიტეთ ურთიერთობა ადამიანებთან, ვინც ნეგატიურ გავლენას ახდენს თქვენზე. წინააღმდეგ შემთხვევაში მუდმივად ნეგატიური ზემოქმედების ქვეშ ავად გახდებით და ექიმები ვერ მიხვდებიან, რა გჭირთ. კურდღლის წელში გახშირებული იქნება მიმოსვლა, მივლინება, მოგზაურობა, უამრავი საქმე და ვალდებულება გექნებათ შესასრულებელი და აქედანვე გაფრთხილებთ, რომ არ დაივიწყოთ დასვენება. შვებულების დროს არ იმუშაოთ, პასიურად დაისვენეთ. იზრუნეთ იმუნიტეტის გაუმჯობესებაზე, ნუ გადავარდებით დეპრესიაში. მიიღეთ ვიტამინები, ხშირად ისეირნეთ სუფთა ჰაერზე ფეხით. ჩაიტარეთ დროული სამედიცინო გამოკვლევა, ისწავლეთ სწორად კვება.