2023 წლის ასტროლოგიური პროგნოზი ქალი და მამაკაცი მშვილდოსნებისთვის
უნდა აჩქარდეთ, წარმატებას რომ მიაღწიოთ; საქმეები დაკვირვებით და სწრაფად უნდა მოაგვაროთ. გააქტიურდით, უამრავი ცვლილება გელოდებათ. წინასწარ უნდა გამოიცნოთ შედეგები და ისე იმოქმედოთ, რომ არ დაზარალდეთ. იმოქმედეთ თავდაჯერებულად, არ გირჩევთ საკუთარი თავის დადანაშაულებას, თვითკრიტიკას. თუ გრძნობთ, რომ ნერვები გეძაბებათ და ენერგიის ნაკლებობას განიცდით, ესტუმრეთ მეგობრებს ან სპორტდარბაზს. შვებას მოგანიჭებთ საყვარელ ადამიანთან ურთიერთობა. საუკეთესო წელია მიზნების განსახორციელებლად. მთავარია, ილუზიებში არ იფრინოთ, გამოავლინოთ ინიციატივა, კომუნიკაბელურობა და ჯანსაღი ამბციები. არაფერს შეუშინდეთ, ზოგჯერ არაორდინარულ მეთოდებსაც უნდა მიმართოთ. კურდღლის წელში გაქვთ ყველა შანსი, რომ წარმატებას მიაღწიოთ კარიერაში და ბედნიერებას - პირად ცხოვრებაში. მოუფრთხილდით ჯანმრთელობას, ფიზიკურ მდგომარეობას. ნუ უგულებელყოფთ თავადაცვით ზომებს. მაქსიმალური სიფრთხილი გმართებთ და უკეთესი იქნება, თუ ექსტრიმზე უარს იტყვით.
რას გიმზადებთ იუპიტერი 2023 წელს
გამარჯვებისა და დიდი ბედნიერების პლანეტა იუპიტერი თქვენს სიყვარულის და შემოქმედების სახლში გყავთ. მოგეცემათ გართობისა და საკუთარი თავის გაბედნიერების შესაძლებლობა. საყვარელი ადამიანი ხშირად გაგანებივრებთ რომანტიკული სიურპრიზებით და თავადაც უნდა იყოთ მომართული პირადი ურთიერთობების გაუმჯობესებაზე. მარტოხელების ცხოვრება უკეთესობისკენ შეიცვლება. გაიცნობთ ადამიანს, ვის გვერდითაც თავს მშვიდად და სასიმოვნოდ იგრძნობთ. იყავით მომართული ჰარმონიულ ურთიერთობაზე. გაგიუმჯობესდებათ მატერიალური მდგომარეობა. ისეთ საქმიანობაში უნდა ჩაერთოთ, რაც ფულს და წარმატებას მოგიტანთ. ნუ გაირისკავთ, ნუ ჩაერთვებით აფერისტულ მაქინაციებში. თუ შორეული მგზავრობა გაქვთ დაგეგმილი, დეტალურად გათვალეთ თითოეული ნაბიჯი. საუკეთესო წელია შემოქმედებითი იდეების განსახორციელებლად. გამოავლინეთ თქვენი ნიჭი. მატერიალური მდგომარეობა შეიძლება ჰობიმაც გაგიუმჯობესოთ. მოგეცემათ პირადი ბიზნესის დაწყების შანსი. მეტი დრო დაუთმეთ შვილებთან ურთიერთობას, ისინი პოზიტივით აგავსებენ. გამორიცხული არაა, 2023 წელს ოჯახში პატარა შეგეძინოთ.
რას გიმზადებთ სატურნი 2023 წელს
აკრძალვების, შეზღუდვებისა და პასუხისმგებლობის პლანეტა სატურნი მოგიწოდებთ, მეტად იზრუნოთ ოჯახის წევრებზე, საყოფაცხოვრებო ვალდებულებების შესრულებაზე. ხშირად შეეხმიანეთ ოჯახის წევრებს, ასაკით უფროს ნათესავებს. თუ აქამდე ოჯახში დაძაბული ურთიერთობა გქონდათ, უნდა გამოასწოროთ და გააუმჯობესოთ. მეტი პასუხისმგებლობა უნდა გამოავლინოთ. უნდა გამონახოთ დრო საოჯახო საქმეების შესასრულებლად. არაა გამორიცხული, რომ მოგინდეთ ოჯახის შექმნა. საყვარელ ადამიანთან ერთად ახალი ბუდის აშენება. ამასთან, არსებულ კავშირში სიცივე რომ არ შემოიპაროს, მეტი მზრუნველობა და პასუხისმგებლობა გმართებთ მეუღლის მიმართ. ოჯახის უმცროს წევრებთან ურთიერთობისას უნდა აკონტროლოთ ემოციები, მათთვის ჭკუის დარიგება შერბილებულად და იუმორით გმართებთ. კარგი იქნება, თუ დაინტერესდებით თქვენი წარმომავლობით, შეადგენთ გენეალოგიის ხეს. არაა გამორიცხული შეიცვალოთ საცხოვრებელი, ქალაქი ან სულაც ქვეყანა. საუკეთესო წელია მშენებლობისთვის. ბინაში უსაფრთხოების ნორმების გასაძლიერებლად. მემკვიდრეობის მისაღებად, გადასაფორმებლად. მაგრამ ამ უკანასკნელის გამო არ გაართულოთ დამოკიდებულება ნათესავებთან.
2023 წლის სასიყვარულო პროგნოზი
ჰარმონია დაისადგურებს საყვარელ ადამიანთან ურთიერთობაში; კავშირი მყარი და მგრძნობიარე გახდება. მარტოხელებს კი უკვე ზაფხულში გელოდებათ დაწყვილება. ვიცით, რომ საქმეებით ხართ დატვირთული, მაგრამ უნდა მოიცალოთ პირადი ცხოვრების გასაუმჯობესებლად. ახალგაცნობილთან ნუ აჩქარდებით, ჯერ კარგად გაიცანით, იყავით მომართული მყარი კავშირის შექმნაზე და არა მსუბუქ ფლირტზე. არ გირჩევთ სასიყვარულო სამკუთხედის შექმნას და არც სასიყვარულო ხაფანგში თავის შეყოფას.
2023 წლის ფინანსური პროგნოზი
უნდა იშრომოთ, მატერიალურ სტაბილურობას რომ მიაღწიოთ. დაიწყეთ ბიზნესი, გამონახეთ შემოსავლის დამატებითი წყარო. თუ პატიოსან და ფინანსურად სარგებლიან შემოთავაზებას მიიღებთ, უარი არ თქვათ. არ გირჩევთ კომერციული საქმიანობის განხორციელებას, სანამ გამოცდილ სპეციალისტებთან არ გაივლით კონსულტაციას. კანონის დაცვით იმოქმედეთ, მოაწესრიგეთ დოკუმენტები, აკონტროლეთ ხარჯი და რაც მთავარია, არ გირჩევთ აფერისტებთან საქმიანობას. ფინანსური კეთილდღეობის შექმნის სურვილით არ თქვათ უარი დასვენებაზე, არ გადაიღალოთ ფიზიკურად და ემოციურად. ნუ დაგენანებათ ფული საკუთარი ჯანმრთელობისთვის. თუ ხვდებით, რომ სამსახურში ბევრს მუშაობთ და ცოტას იღებთ ხელფასს, უნდა შეცვალოთ.
2023 წლის მკვეთრი ცვლილებები
მოულოდნელობების პლანეტა ურანი ჯანმრთელობისა და ვალდებულებების სახლში გყავთ. გამორიცხული არაა მოულოდნელად მოგემატოთ ვალდებულებები. ცვლილებები მოსალოდნელია სამსახურშიც. სამსახურში შეიძლება შეგეცვალოთ დღის განრიგი, კოლეგების რაოდენობა, უფროსი. მეტი მზრუნველობა გმართებთ ჯანმრთელობის მხრივ. ძირითადი საქმიანობის პარალელურად უნდა გამონახოთ დრო შემოქმედებითი იდეების განსახორციელებლად. ჰობი სიამოვნებასთან ერთად ფულსაც მოგიტანთ და პოპულარობასაც.
2023 წელს სად იპოვით შთაგონებას
ოჯახი ის ადგილია, სადაც მიიღებთ სიყვარულსა და მზრუნველობას. სადაც დაგებადებათ ახალი იდეები და მოგეცემათ ახალი შესაძლებლობების გამოვლენა. გააუმჯობესეთ დამოკიდებულება ოჯახის წევრებთან, მოუსმინეთ მათ და დაეხმარეთ სირთულეების გადალახვაში. ისინი კი თავის მხრივ დაგეხმარებიან თქვენ. იყავით მზრუნველი საყვარელი ადამიანის მიმართ, მაგრამ თუ გრძნობთ, რომ გატყუებთ, ნუ ენდობით, შეუმჩნევლად გადაამოწმეთ. ნუ მოატყუებინებთ თავს.
2023 წლის ჯანმრთელობა
გადაღლილობის გამო ნუ გაიფუჭებთ ჯანმრთელობას. იზრუნეთ იმუნიტეტის ამაღლებაზე. მეტი დრო დაუთმეთ დასვენებას, სუფთა ჰაერზე სეირნობას, ზომიერ ვარჯიშს, გაიუმჯობესეთ კვების რეჟიმი. გაზაფხულსა და შემოდგომაზე კარგ შედეგს მოგიტანთ მასაჟი; ორგანიზმის (ღვიძლის, ლიმფის) გაწმენდა წიდებისგან. 2023 წელს უნდა მოიწესრიგოთ კბილები. კარგი იქნება, თუ იზრუნებთ ზედმეტი კილოგრამების მოცილებაზე.