2022 წლის ასტროპროგნოზი ქალწულებისთვის: სიყვარული, ფინანსები, ჯანმრთელობა და ძირითადი აქცენტები
ყურადღება უნდა მიაქციოთ ინტელექტუალურ საქმიანობას. კარგ შედეგს მოგიტანთ კვალიფიკაციის ამაღლება. მეორე უმაღლესში ჩაბარება. 2022 წელი დაგამახსოვრდებათ მოგზაურობებით, მივლინებით, საქმიანი და მეგობრული შეხვედრებით. მოგეცემათ ბიზნესის გაფართოების შესაძლებლობა. გაქვთ დაწინაურების შანსი და გააქტიურდით. გამორიცხული არაა, ერთ-ერთი მოგზაურობის დროს ბედი საზღვარგარეთ მცხოვრებს დაუკავშიროთ. დაკვირვება გმართებთ საბუთების გაფორმება-გადაფორმებასთან. ზოგიერთი ქალწული იყიდის პირველ ავტომობილს ან არსებულს გამოცვლის.
2022 წლის პროგნოზი ქალი ქალწულებისთვის:
პერსპექტიული წელი გელით. შემოქმედებითი პოტენციალის გამოვლენის შესაძლებლობა მოგეცემათ. ეს მხოლოდ სამსახურს და ჰობის არ ეხება, გარეგნობაშიც უნდა შეიტანოთ ცვლილებები, რათა მამაკაცების ყურადღება მიიქციოთ. დაწყვილებულებმა აპრილში არ აეჭვიანოთ საყვარელი ადამიანი. მარტოხელებმა განსაკუთრებით მარტში უნდა იაქტიუროთ, რომ დაწყვილდეთ. ნუ ელოდებით უფლისწულს და ნუ ზიხართ შინ, იაქტიურდეთ, გადით სახლიდან. წლის დასაწყისში ზომიერად ხარჯეთ ფული, გაზაფხულამდე. ზაფხულში განმარტოება და სიმშვიდე მოგინდებათ. უნდა დაისვენოთ და დაიმუხტოთ პოზიტიური ენერგიით.
იუპიტერის გავლენა ქალწულებზე: 2022 წელზე
იუპიტერი მოგიწოდებთ, გააუმჯობესოთ პარტნიორული ურთიერთობები - სასიყვარულოც და პარტნიორულიც. განსაკუთრებით დაკვირვება გმართებთ იურიდიული საკითხების მოგვარებისას. საჭირბოროტო საკითხები მოაგვარეთ დიდი დაკვირვებით. შეიძლება მიუბრუნდეთ ძველ ვალდებულებებს, საქმეებს და გამოასწოროთ ადრე დაშვებული შეცდომები. მოერიდეთ კამათს საქმიან პარტნიორებთან, კოლეგებთან. გახსოვდეთ, რომ 2022 წელს საკუთარ თავზე უნდა იყოთ მომართული, გაუმჯობესებაზე, განვითარებაზე. თქვენ როგორც ყოველთვის, ბევრს ზრუნავთ სხვაზე და საკუთარი თავი გავიწყდებათ. იზრუნეთ დაწინაურებაზე, საკუთარი ნიჭის, შესაძლებლობების საუკეთესოდ გამოვლენაზე. საკუთარ თავს საუკეთესო რეკლამა უნდა გაუკეთოთ. იუპიტერი დაგასაჩუქრებთ ენერგიით და ის საუკეთესო საქმეებს უნდა მოახმაროთ.
2022 წლის პროგნოზი მამაკაცი ქალწულებისთვის:
თავდაჯერებულად და მიზანმიმართულად იმოქმედეთ. გავლენიანი ახლობლების დახმარების იმედი გქონდეთ. ზოგადად, ნუ მოგერიდებათ ხალხის შეწუხება თქვენს სასიკეთოდ. იყავით მომართული ურთიერთობაზე, გამოიჩინეთ კონტაქტების დამყარების, გაუმჯობესების სურვილი. გაქვთ შანსი, რომ დაიკაოთ ლიდერის პოზიცია. ახალი, სარფიანი ხელშეკრულებები გააფორმოთ. კარგი იქნება ფულის სარფიან საქმიანობაში დაბანდება. პირად ურთიერთობაში სიმშვიდე და სტაბილურობა გაქვთ. შემოდგომაზე სიტუაცია კარდინალურად შეცვლება - თავისუფლები თავბრუდამხვევ რომანს გააბამთ, უკვე არსებულ კავშირში კი ბედნიერება და რომანტიკა დაბრუნდება, რაც კავშირის გამყარებას შეუწყობს ხელს. 2022 წელს სერიოზული გადაწყვეტილებები უნდა მიიღოთ: დაქორწინება, თანაცხოვრება, უძრავი ქონების ყიდვა.
სატურნის გავლენა ქალწულებზე: 2022 წელზე
გადახედეთ ჩვევებს, ცხოვრების სტილს. მოგინდებათ ყველაფრის მოწესრიგება. გააქტიურდებით ფიზიკურადაც. მოერიდეთ ემოციურ გადატვირთვას. იზრუნეთ განწყობის, ფიზიკური მდგომარეობისა და სამსახურის საქმეების გაუმჯობესებაზე. დაარეგულირეთ ურთიერთობა კოლეგებთან, კოლექტივში. მეტი პასუხისმგებლობა გმართებთ ვალდებულებებისადმი. ნუ დაელოდებით მომენტალურ წარმატებას, სატურნს ყველაფრის გადამოწმება, შეყოვნება უყვარს. დისციპლინირებულ ქალწულებს მეტად გაგიმართლებთ. უნდა დანერგით თვისებები, რაც უკეთესობისკენ შეგიცვლით ცხოვრებას. ყურადღებით მოექეცით ჯანმრთელობას.
2022 წლის მნიშვნელოვანი ტენდენციები
- იმუშავეთ საკუთარი თავის გაუმჯობესებაზე. გაიუმჯობესეთ დღის განრიგი. ნუ აიღებთ საკუთარ თავზე ზედმეტ ვალდებულებას, სხვის საქმეებს თქვენ ნუ გააკეთებთ.
- დანერგეთ ცხოვრებაში სასარგებლო თვისებები. მოიცილეთ ნეგატივი.
- იზრუნეთ ჯანმრთელობაზე, ფიზიკური მდგომარეობის გაუმჯობესებაზე.
2022 წლის სიყვარული
დაუვიწყარი რომანტიკული თავგადასავლები გელით. საწინააღმდეგო სქესისგან უყურადღებობას არ იგრძნობთ. განსხვავებული ტიპაჟები გამოჩნდებიან თქვენს ცხოვრებაში და მათ გამო ხანდახან ზოგიერთ ასპექტში ცვლილების შეტანა მოგიწევთ. მთავარია, არსებულ პარტნიორს საქმეების გამო ყურადღება არ მოაკლოთ. თავისუფალ ნიშნებს უამრავი რომანტიკული შეხვერა გელით და უმეტესობა საბედისწერო იქნება. ქალბატონებს საბედოს შეხვედრა მარტში გელით, მამაკაცებს - ოქტომბერს. მიიღეთ გადაწყვეტილება გონებით და არა გულით. დაწყვილებულება მეტი დრო გაატარეთ პარტნიორის გვერდით. მეტად დაინტერესდით ერთმანეთის საქმეებით. დაქორწინებულები მოერიდეთ მეუღლის ღალატს. მსუბუქი ფლირტიც კი არ გეპატიებათ. ოჯახში კონფლიქტები დიპლომატიურად მოაგვარეთ. მეტად იზრუნეთ ოჯახის, სანათესავოს გამთლიანებაზე. გამორიცხული არაა, რომანი აღადგინოთ ყოფილთან. თუმცა, კვლავ დაქორწინებას არ გირჩევთ და არც თავად მოგინდებათ თავისუფლების დაკარგვა.
2022 წლის კარიერა
კარიერული ზრდისთვის მოემზადეთ. ნუ დაკარგავთ დროს ტყუილად, მომართული იყავით მწვერვალების დაპყრობაზე, წარმატების მიღწევაზე. წლის ბოლოს მიღებული შედეგებით თავადაც კმაყოფილი იქნებით. თუმცა, გამარჯვებების პირველ ნაყოფს უკვე ზაფხულში იგემებთ. წლის დასაწყისში მოგინდებათ საქმიანობის შეცვლა. წარმატებას მიაღწევთ მომსახურების სფეროში, არატრადიციულ მედიცინაში, სამართალდამცავ ორგანოებში. შემოსავალი ნელ-ნელა გაგიუმჯობესდებათ. შეიძლება ახალ ჰობის მიაგნოთ, რაც პოპულარობას მოგიტანთ და მოგვიანებით - მატერიალურ კეთილდღეობას. პირად ბიზნეს განავითარებთ საქმიანი კავშირების დახმარებით. გამოგიჩნდებიან უცხოელი პარტნიორები. ამასთან, მოერიდეთ ფინანსურ დანაკარგს, რისკს ზაფხულში. ამავე პერიოდში არ გირჩევთ ძვირად ღირებული ნივთების შეძენას; უმჯობესია, წლის ბოლოს. ყურადღება მიაქციეთ კოლექტივს და თანამშრომლებს. გამორიცხული არაა, ზოგიერთმა კულუარული ომი გაგიმართოთ.
2022 წლის ჯანმრთელობა
დაკვირვებული უნდა იყოთ მცირე ცვლილებების მიმართაც კი. დახმარებისთვის პროფესიონალებს მიმართეთ. წლის დასაწყისში შეიძლება გაგიმძაფრდეთ ქრონიკული დაავადებები. გაფრთხილდით ტრავმებისგანაც. ზაფხულში აკონტროლეთ კვება. ზოგიერთ ხილსა და კენკრაზე არ განგივითარდეთ ალერგია. დაღლილობისგან რომ არ გაიტანჯოთ, პერიოდულად დაისვენეთ. მოიწყვეთ პასიური უქმეები. წესად აქციეთ რეგულარული სეირნობა სუფთა ჰაერზე. ეს ნერვული სისტემის დარეგულირებაშიც დაგეხმარებათ. შემოდგომაზე უარი თქვით სწრაფი კვების პროდუქტებსა და ალკოჰოლზე. მეტი დრო გაატარეთ ბუნებაში, ეს დაგიცავთ საშემოდგომო დეპრესიისგან.