2021 წლის ასტროლოგიური პროგნოზი სხვადასხვა წელს დაბადებული ტყუპისთვის - ჩინური ჰოროსკოპი

• ტყუპი - ხარი

იყავით შრომისმოყვარე და ნუ შეგეშინდებათ, ერთდროულად რამდენიმე საქმის შესულების. ეს გაგიუმჯობესებთ მატერიალურ მდგომარეობას. ეცადეთ, ნებისმიერ სიტუაციაში გამონახოთ საერთო ენა გარშემო მყოფებთან. ეს დაგეხმარებათ, წარმატებას მიაღწიოთ სხვადასხვა სფეროში. აკონტროლეთ ემოციები. დააგროვეთ ფული შემოქმედებითი იდეების განსახორციელებლად, სრულფასოვანი დასვენებისთვის. ზოგიერთმა კი შეიძლება საზღვარგარეთ იმოგზაუროთ. პირადი ცხოვრება შემოდგომაზე დაგისტაბილურდებათ. რაც შეიძლება მეტი დრო გაატარეთ საყვარელი ადამიანის გვერდით.

• ტყუპი -კურდღელი

20201 წელს ბევრი უნდა იმუშაოთ. რაც უფრო ნაყოფიერად იშრომებთ, მით მეტად გაიუმჯობესებთ მატერიალურ მდგომარეობას. ვალდებულებების გარდა ეს წელი დაგამახსოვრდებათ საქმიანი შეხვედრებითაც, მივლინებითაც. თავისუფალი დრო შინ გაატარეთ, საყვარელი ადამიანების გარემოცვაში. იზრუნეთ, რომ გარემო ოჯახში მეტად ჰარმონიული გქონდეთ. მარტოხელები პერიოდულად გამოძვერით "სოროდან", რათა საინტერესო ადამიანები გაიცნოთ, სასიამოვნო ემოციებით დაიმუხტოთ.

• ტყუპი - დრაკონი

მეტად უნდა ებრძოლოთ თქვენს მავნე თვისებებს. ჩამოყალიბდით, რისი მიღწევა გსურთ ცხოვრებაში და გაბედულად იმოქმედეთ. ცივი გონებით მოაგვარეთ უსიამოვნებები. მეტად გამოავლინეთ ინტელექტი. სამსახურში იყავით მომართული კარიერულ წინსვლაზე. უსიამოვნებებს შეხედეთ ღიმილით და მათ მარტივად მოაგვარებთ. მეტად მოგინდებათ განმარტოება, შინ ყოფნა. საყვარელი ადამიანის მიმართ იყავით მოსიყვარულე და მზრუნველი. მან საიმედოდ უნდა მიგიჩნიოთ.

• ტყუპი - ვეფხვი

გასულ წელს აქტიურად იყავით ჩართულები მოვლენებში, ცვლილებებს მტკივნეულად განცდიდით და ბევრსაც ნერვიულობდით, 2021 წელს კი სიმშვიდით ტკბობას შეძლებთ. ვერავინ შეძლებს თქვენი წყობიდან გამოყვანას. ნეგატივებს მშვიდად აიცილებთ. სტაბილურობა გელით სამსახურშიც და ფინანსებშიც. მარტოხელები გულხელდაკრეფილები ნუ ისხდებით, პირველმა გადადგით ნაბიჯი თქვენი სიმპათიის მიმართ, რომ ბედნიერება მოიპოვოთ. რომანტიკული კავშირი მოწყენილობისგან გიხსნით. დაქორწინებულებმა ყურადღება არ მოაკლოთ მეუღლეს და არც მის ნათესავებს.

• ტყუპი - ვირთხა

წინააღმდეგობები ხშირად შეგხვდებათ, მაგრამ თქვენს გონებამახვილობაზეა დამოკიდებული, თუ რამდენად გონივრულ ნაბიჯს გადადგამთ. იზრუნეთ პირად კეთილდღეობაზე, პირად გამარჯვებაზე. ნებისმიერი სირთულის დაძლევა თქვენვე გაგაძლიერებთ. ნებისმიერი სიტუაციიდან უნდა გამოიტანოთ ობიექტური დასკვნა და გააგრძელოთ ცხოვრება. შრომისმოყვარეები და მიზანმიმართულები კაპიტალის დაგროვებასაც კი შეძლებთ. ფულს მოგიტანთ ის პროექტიც, რომელიც თავიდან უინტერესო მოგეჩვენებათ. თუ ყურადღებით იქნებით, გარშემო მყოფებში აფერისტის გამოვლენა არ გაგიჭირდებათ. დაფიქრდით, ვინ გსურთ რომ იყოს თქვენ გვერდით.

• ტყუპი - გველი

მშვიდად და აუჩქარებლად შეძლებთ სასურველის მიღწევას, იდეების განხორციელებას. სამსახურში იყავით დაკვირვებული ნებისმიერი წვრილმანისადმი. ნებისმიერი ნაბიჯი კარგად გათვლილი უნდა გქონდეთ. იყავით მომართული კარიერულ წინსვლაზე. დისციპლინა და ორგანიზებულობა უნდა გაიხადოთ მთავად მიზნად. ნუ გაგიკვირდებათ, თუ მოშურნეებიც გამოგიჩნდებიან, მაგრამ თუ მიწაზე მყარად იდგებით, ვერაფერი მოგერევათ. თქვენ გვერდით იქნება თქვენთვის იდეალური ადამიანი, რომელთან სერიოზულ ურთიერთობას ააწყობთ.

• ტყუპი - ცხენი

ნაყოფიერი წელი დაგიდგათ, ხარი დაგეხმარებათ, რომ შრომისმოყვარეებმა წარმატებას მიაღწიოთ. სამსახურში წარმოქმნილ ყველა უსიამოვნებას ეფექტურად და სწრაფად გაუმკლავდებით. მტრები ვერაფერს დაგაკლებენ, თქვენ მხარეზე გავლენიანი ადამიანები არიან. მარტოხელები რაც უფრო ნაკლებ დროს გაატარებთ შინ მით უკეთესია თქვენთვის. დაესწარით კულტურულ ღონისძიებებს. შეხვდით მეგობრებს. დაქორწინებულები ათჯერ დაფიქრდით, რას ეუბნებით თქვენს მეორე ნახევარს.

• ტყუპი - მაიმუნი

გარშემო მყოფების ყურადღებით იქნებით განებივრებული. თავად მეტად გამოავლინეთ კომუნიკაბელურობა, იუმორი, ინტერესი. ისინი დაგეხმარებათ წარმატებას მიაღწიოთ ნებისმიერ სფეროში. შეიძლება დაუმეგობრდეთ მათ, ვინც სირთულეების დაძლევაში დაგეხმარებათ. მოერიდეთ ჭორების გავრცელებას, ინტრიგებს, აფერისტობას. მთელი წლის განმავლობაში რომანტიკული თავგადასავლები და ფლირტი გელით.

• ტყუპი - ღორი

წარმატება გელით ყველა სფეროში. უპრობლემოდ მოაგვარებთ ნებისმიერ სირთულეს. გაიუმჯობესეთ დამოკიდებულება საქმიან პარტნიორებთან, კოლეგებთან; იმათთანაც კი, ვინც ვინც მაინდამაინც გულზე არ გეხატებათ, რთული ხასიათის ადამიანებთან. და განსაკუთრებით მათთან, ვინც თქვენი მტერია. ზოგიერთს საინტერესო და მაღალხელფასიან სამსახურს შემოგთავაზებენ. საყვარელი ადამიანის გვერდით შეგიძლიათ ყველა ნიღაბი მოიხსნათ და ბუნებრივი იყოთ. მარტოხელები მეორე ნახევარს აუცილებლად შეხვდებით.

• ტყუპი - მამალი

გადახედეთ პრიორიტეტებს. როგორც წესი, კარიერა, წარმატება და მატერიალური მდომარეობაა თქვენთვის უპირატესი, მაგრამ 2021 წელი უამრავ საინტერესოს გპირდებათ და არ გაუშვათ შანსი ხელიდან, რომ სხვადასხვა სფეროში მოსინჯოთ თქვენი ძალები. პირადი ცხოვრება საინტერესო მომენტებით იქნება აღსავსე. ნუ იქნებით ერთფეროვანი და მოსაწყენი. გაუფრთხილდით მას, ვინც თქვენთვის ძვირფასია. წელს უნდა იზრუნოთ ნათესავებზეც.

• ტყუპი - ძაღლი

სხვადასხვა იდეით ხართ გატაცებული და ამის გამო შეიძლება პროფესიაც კი შეიცვალოთ. ზოგიერთი სრულიად განსხვავებულ ადგილას დაიწყებთ მუშაობას. გამონახეთ შემოსავლის დამატებითი წყარო. თავისუფალი დრო შემოქმედებითი იდეების განხორციელებას დაუთმეთ. გარშემო მყოფებისადმი იყავით სამართლიანი და პასუხისმგებლიანი. მოერიდეთ კონფლიქტებს. პირად ცხოვრებაში უსიამოვნებები არ გელით. საყვარელ ადამიანთან ჰარმონია დაისადგურებს. რაც უფრო მშვიდი და ერთგული იქნებით, მით უკეთესია თქვენთვის.

• ტყუპი - თხა

სასიამოვნო წელი დაგიდგათ. სასიამოვნო შეხვედრებისთვის მოემზადეთ, ახალგაცნობილ ადამიანებს დაუმეგობრდებით. ნუ გგონიათ, რომ ვეღარაფერი გაგაკვირვებთ, ფორტუნას კიდევ აქვს თქვენთვის სიურპრიზები. მოიმატებს ავანტიურიზმის, თავგადასავლების სურვილი. ფრთხილად იყავით, არასწორმა საქციელმა რეპუტაცია არ შეგილახოთ. გაიუმჯობესეთ დამოკიდებულება უფროსთან, კოლეგებთან. ეჭვიანობა და განწყობის ცვალებადობა კარგს არაფერს მოგიტანთ. ნუ ეცდებით საყვარელი ადამიანის კონტროლს.