მნიშვნელოვანი ინფორმაცია
24
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამეცხრე დღე დაიწყება 03:53-ზე, მთვარის პირველი დღე დადგება 23:10-ზე, მთვარე ლომს ესტუმრება 19:32-ზე – არაფერი ახალი და მნიშვნელოვანი არ გააკეთოთ, დაასრულეთ ის, რაც ადრე დაიწყეთ. გაუფრთხილდით სახლს და ოჯახს, გაასუფთავეთ და მოაწესრიგეთ თქვენი სახლი. არ არის რეკომენდებული, რომ მოაგვაროთ ფინანსური საქმეები, ხელი მოაწეროთ დოკუმენტებს. არ გირჩევთ ფულის სესხება და გასესხებას, ახალი თანამშრომლების დაქირავებას. მოლაპარაკებების წარმოებას, უარყოფითი ემოციების გამოხატვას. ახალი მთვარის პირველი დღე არ არის ხელსაყრელი ქორწინებისთვის, ქორწილისთვის, თუმცა, დაგეგმვა შეგიძლიათ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
20 მარტი - ბუნიაობა, ახალი ასტროლოგიური წლის დასაწყისი! - ასტროლოგ ქეთი ვაწაძის რეკომენდაციები
22:04 / 19-03-2025
20 მარტს, თბილისის დროით 13:01 წუთზე მზე გადადის ვერძის ნიშანში და იწყება ახალი ასტროლოგიური წელიწადი, გაზაფხულის ბუნიაობა (დღე-ღამსწორობა).ამ დღეს ბევრ რელიგიასა და ქვეყანაში აღინიშნება ახალი წელი, ადამიანები ზეიმობენ სინათლის სიბნელეზე გამარჯვებას, ეგებებიან მზის ახალ ციკლს.ჩვენი ცხოვრებაც მჭიდროდაა დაკავშირებული ეკლიპტიკაზე მზის მოძრაობის წლიურ ციკლთან.
გაზაფხულის ბუნიაობა და მზე-მთვარის ციკლებს დიდი მნიშვნელობა ენიჭებათ ქრისტიანობაში.
ყოველ გაზაფხულს ჩვენ აღვნიშნავთ აღდგომის ბრწყინვალე დღესასწაულს. როგორც იცით ეს მოძრავი დღესასწაულია და გამოითვლება სწორედ ბუნიაობის მიხედვით.ზოგადად, ბუნიაობის წინა 5-6 დღე პირობითად ნულოვან დღეებად მიიჩნევა, ეს რთული დღეებია, როდესაც მომატებულია აპათიური განწყობა, ადამიანი გრძნობს თავს დათრგუნულად, გაღიზიანებულად, არის კონფლიქტების მაღალი ალბათობა, თუმცა ბუნიაობის დადგომის შემდეგ, სამყაროში უკვე ვერძული ვიბრაციები შემოდის, იმატებს ენერგიულობა, ლიდერული უნარები, სიმამაცე, მიზანსწრაფულობა, ბრძოლისუნარიანობა, მაგრამ ამავდროულად შესაძლოა სიხისტე, იმპულსურობა, დაუფიქრებელი ნაბიჯები, აგრესიის შემთხვევებსაც შეიძლება ჰქონდეს ადგილი, ამიტომ ამის გათვალისწინებაც აუცილებელია.
ვერძში მზე ეკზალტირებულია და თავის საუკეთესო თვისებებს ავლენს - იზრდება დღე, სითბო, ბუნება იწყებს გამოღვიძებას. იცვლება სამყაროს რითმი. ეს საუკეთესო დროა რაღაც ახლის დასაწყებად, ცვლილებების განსახორციელებლად.
ბუნიაობის დღე დაკავშირებულია ასტრალურ განწმენდასთან, სულიერ და ზნეობრივ განახლებასთან, შევეცადოთ ეს დღე შეძლებისდაგვარად სასიკეთოდ გამოვიყენოთ. ეს მაგიური დღეა. სჯობს ახლობლებთან, ოჯახის წევრებთან, თანამოაზრეებთან ერთად გავატაროთ. ერთობლივი, კოლექტიური აზრების და სურვილების ძალა, გაამარტივებს გამარჯვებისკენ სვლას, მიზნების რეალიზებას.
სხვადასხვა კულტურაში უამრავი რიტუალი და ტრადიცია არსებობს ბუნიაობასთან დაკავშირებით. წარმართები ამ დროს ცეცხლში ზამთრის გამოსახულებიან ფიტულს წვავდნენ და ზეიმობდნენ გაზაფხულის შემობრძანებას, ასევე, სადღესასწაულო სუფრაზე ალაგებდნენ მოხატულ კვერცხებს, რასაც შემდეგ თვითონ მიირთმევდნენ, ან უმასპინძლდებოდნენ გამვლელებს, ხშირად კვერცხებს აკეთებდნენ თიხისგან ან მარილიანი ცომისგან და ასევე აფერადებდნენ და იტოვებდნენ სახლში, რაც მთელი წლის მანძილზე ერთგვარი დამცავი თილისმის როლს ასრულებდა (დღე-ღამ სწორობის მეორე სახელი ოსტარა, ან ეოსტრაა, ადრეგერმანული ღვთაება, რომელიც გაზაფხულის მოსვლას და ბუნების გამოღვიძებას უკავშირდებოდა, სხვა ვერსიით კი ის განთიადის ღვთაებად მიიჩნევა, რომლის მთავარი სიმბოლოები სწორედ კვერცხი და კურდღელია).
ბუნიაობის დღე, 20 მარტის საღამო და 21 მარტის განთიადი, პერიოდი, როდესაც მზე ვერძის ნული გრადუსიდან ვერძის პირველი გრადუსისკენ მიემართება, დედამიწაზე სიცოცხლის განახლებას აღნიშნავს. ეს პერიოდი ენერგეტიკულად უძლიერესი პოტენციალის მატარებელია.
ბუნიაობის შემდგომ იმატებს გუნება-განწყობილება, ენერგიულობა, სიცოცხლის ხალისი. სამყაროში აქტიურობს, მოქმედების, ცეცხლის უშრეტი ენერგია შემოდის. იღვიძებს და ცოცხლდება ბუნება, იმატებს იმუნიტეტი.
შეეცადეთ შეხვდეთ 21 მარტის განთიადს და მიეგებოთ მზეს. გაითვალისწინეთ, მზე თბილისის დროით 07:01 წუთზე ამოდის. მანამდე კი საფუძვლიანად მოემზადეთ ამ დღისთვის: საგანგებოდ დაასუფთავეთ სახლი, გადაყარეთ ძველი და გამოუსადეგარი ნივთები, შეურიგდით თქვენს ახლობლებს, ვისთანაც ნაჩხუბარი ხართ;ილოცეთ, გააკეთეთ მედიტაცია, უკუაგდეთ მძიმე აზრები;მიიღეთ შხაპი და ჩამოირეცხეთ წარსულის უსიამოვნებები და განცდები.მოუხმეთ სამყაროს ნათელ ძალებს, თქვენს წინაპრებს.
კატეგორიულად არ შეიძლება ბრაზი, სასოწარკვეთა, აგრესია, უიმედობა.შეგვიძლია თუნდაც ჩვენთვის ვთქვათ აღსარება, მოვინანიოთ, მივუტევოთ.
კარგი იქნება ცეცხლის სტიქიასთან ურთიერთობა, ცეცხლი - სწორედ რომ გამწმენდ ფუნქციას ასრულებს - ვისაც ღია ცეცხლთან ურთიერთობის საშუალება არ აქვს, ვერ ანთებს კოცონს ან ბუხარს, დაანთეთ სანთელი, განიწმინდეთ, ითხოვეთ ყოველგვარი ნეგატიურის გარდასახვა სიყვარულის ენერგიაში.
სასიკეთო იქნება სურვილებიც ჩამოწეროთ და სწორედ განთიადისას, როგორც კი იწყება პირველი მზის სხივების ამოსვლა (07:01), კონცენტრირდეთ თქვენს მიზნებზე და ხმამაღლა წარმოთქვათ თქვენი სურვილები და მიზნები, კოსმოსში გაუშვით თქვენი დადებითი განწყობა, სასიკეთო ცვლილებების მოლოდინი.
მადლობა გადაუხადეთ მზეს, აივსეთ იმედით და რწმენით, ჩაუთქვით ნათელი სურვილები და ასეც იქნება!
ბნელზე სინათლით, ბოროტზე სიკეთით გამარჯვება გვქონოდეს, ჩემო კარგებო! სიკეთე გქონდეთ!
ასტროლოგი ქეთი ვაწაძე
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ამალ კლუნი ჯორჯ კლუნთან ოჯახური ცხოვრების საიდუმლოზე საუბრებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
