20 დეკემბერს დაბადებული ადამიანები კარგი პროდიუსერები, მენეჯერები და სარეკლამო აგენტები არიან
დეკემბერი, მეათე თვეა რომაული კალენდრის მიხედვით (ლათინურად decem — ათი), გრეგორიანული კალენდრით კი მეთორმეტე თვედ ითვლება. მისით სრულდება წელიწადი. იგი გარკვეულწილად შემაჯამებელი თვეა, რომელიც საშუალებას გვაძლევს გადავხედოთ მთელი წლის მანძილზე განვითარებულ მოვლენებს და დასკვნები სწორად გამოვიტანოთ, საიმისოდ რომ მომდევნო წელი გაცილებით უფრო წარმატებული იყოს ჩვენთვის. დეკემბერი ქართული წარმართული კალენდრით — ტირისდენი, ქრისტიანობიდან მომდინარე ხალხური სახელწოდება — ქრისტეშობისთვეა. ასტროლოგიურად ეს თვე ორ, რადიკალურად განსხვავებულ ზოდიაქოს ნიშანს - თავქარიან, ოპტიმისტ, მაწანწალა მშვილდოსანს და ფრთხილ, დაკვირვებულ, კონსერვატორ თხის რქას აერთიანებს. რომელთათვისაც საერთო ხასიათის თვისებად, მიზანსწრაფულობა შეიძლება ჩაითვალოს. თუმცა მიზნისკენ სავალი გზები და მეთოდები ორივესთვის სხვადასხვაა.
როგორია 20 დეკემბერს დაბადებული ადამიანი
20 დეკემბერს დაბადებული ადამიანები ფანტაზიის უსაზღვრო უნარითა და კრეატიული აზროვნებით გამოირჩევიან. მათ დიდ ნაწილს ურჩევნია ამა თუ იმ იდეის გენერატორი იყოს, ხოლო მისი რეალობაში ხორცშესხმა სხვებმა აიღონ საკუთარ თავზე. ასეთი ხალხისგან კარგი პროდიუსერები, მენეჯერები და სარეკლამო აგენტები გამოდიან.